2 Corintios 6:5 - Li Santil hu

⁵ Xosaqꞌueꞌ, xoqꞌueheꞌ saꞌ tzꞌalam, xeꞌxtu̱b rib saꞌ kabe̱n re kacamsinquil, xkatacuasi kib chi cꞌanjelac, xoyoꞌlec, ut xkacuy kasaꞌ xban nak ma̱cꞌaꞌ katzacae̱mk.

Q'eqchi Bible

⁵ li rape'k chi tz'uum, li wank sa' tz'alam, li mululij ib', li tawasiik, li yo'lek ut li kuyuk tz'okaak.

2 Corintios 6:5 ပူးပေါင်းရင်းမြစ်များ

2 Corintios 11:27

Cau nincꞌanjelac ut xincuy li raylal. Xincuy li yoꞌlec ut cuan nak ma̱cꞌaꞌ intzacae̱mk. Xincuy intzꞌocajic ut xincuy inchaki el. Xincuy li que chi incꞌaꞌ tzꞌakal li cuakꞌ.

Hechos 17:5

Ut eb laj judío li incꞌaꞌ queꞌpa̱ban, cꞌajoꞌ nak queꞌjoskꞌoꞌ xban xcakaleb xchꞌo̱l. Queꞌra̱tina jun chꞌu̱tal li cui̱nk incꞌaꞌ useb xnaꞌleb li junes saꞌ be nequeꞌcuan. Ut li jun chꞌu̱tal chi cui̱nk aꞌan queꞌoc chixchikꞌbal xjoskꞌileb li tenamit. Xban nak yo̱queb xjoskꞌil, queꞌoc saꞌ rochoch laj Jasón chixsicꞌbaleb laj Pablo ut laj Silas re teꞌxcꞌameb chiruheb li tenamit.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Hebreos 13:23

Nacuaj ajcuiꞌ xyebal e̱re nak li hermano Timoteo ac x-el saꞌ tzꞌalam. Cui nachal chi junpa̱t arin, cuochbenak nak toxic che̱rilbal.

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

Hebreos 11:36

Cuan queꞌhobeꞌ, cuan queꞌsaqꞌueꞌ, ut cuan queꞌbaqꞌueꞌ ut queꞌqꞌueheꞌ saꞌ tzꞌalam.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

2 Timoteo 2:9

Saꞌ xcꞌabaꞌ li evangelio yo̱quin chixcꞌulbal li raylal aꞌin, ut bacꞌbo̱quin chi cadena. Chanchan na-ux re junak kꞌaxal nim xma̱c. Usta bacꞌbo̱quin, abanan li resil li evangelio ta̱yema̱nk yalak bar xban nak li ra̱tin li Dios incꞌaꞌ naru xmukbal.

2 Timoteo 1:8

Joꞌcan ut nak matxuta̱nac chixchꞌolobanquil resil li Ka̱cuaꞌ Jesucristo chi moco tatxuta̱na̱k inban la̱in xban nak cuanquin chi pre̱xil xban xyebal resil li Ka̱cuaꞌ. Chaqꞌue ban a̱cuib chi tzꞌako̱nc riqꞌuin li raylal nacꞌulman saꞌ xcꞌabaꞌ li evangelio. Ut li Dios ta̱qꞌuehok a̱cuanquil chixcuybal.

1 Timoteo 4:10

Xban nak li yoꞌyo̱quil Dios, aꞌan li kayoꞌon, joꞌcan nak yo̱co xyalbal kakꞌe chi cꞌanjelac chiru. Aꞌan naxyechiꞌi li colba-ib reheb chixjunileb. Abanan, caꞌaj cuiꞌ li ani teꞌpa̱ba̱nk re, aꞌaneb li teꞌcolekꞌ.

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

Filipenses 1:13

Cuan xya̱lal nak xineꞌxqꞌue saꞌ tzꞌalam. Eb laj ilol pre̱x joꞌqueb ajcuiꞌ chixjunileb li cuanqueb saꞌ li palacio nequeꞌxnau nak cuanquin saꞌ tzꞌalam xban nak nincꞌanjelac chiru li Cristo.

Efesios 3:1

La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

1 Corintios 4:11

Toj chalen anakcuan yo̱co chixcuybal kasaꞌ ut ta̱chakik ke. Ma̱cꞌaꞌ chic kakꞌ. Sacꞌbilo ut ma̱cꞌaꞌ kochoch.

Hechos 28:30

Cuib chihab quicuan aran Roma laj Pablo saꞌ li cab li quixtoꞌoni. Ut quixcꞌuleb chi sa saꞌ xchꞌo̱l chixjunileb li queꞌcuulac riqꞌuin.

Hechos 26:29

Ut laj Pablo quixye: —Xqꞌue taxak a̱cue li Dios nak tatpa̱ba̱nk la̱at joꞌ eb ajcuiꞌ chixjunileb li yo̱queb chi abi̱nc cue anakcuan. Usta chꞌaꞌaj che̱ru, usta incꞌaꞌ, texpa̱ba̱nk taxak joꞌ nak xinpa̱ban la̱in, abanan incꞌaꞌ raj texbaqꞌuekꞌ riqꞌuin cadena, joꞌ nak bacꞌbo̱quin la̱in, chan.

Hechos 26:10

La̱in quinqꞌueheb chi tzꞌapecꞌ saꞌ tzꞌalam nabaleb laj pa̱banel. Ut qꞌuebil incuanquil chixba̱nunquil aꞌan xbaneb li xbe̱nil aj tij. Ut nak nequeꞌcamsi̱c laj pa̱banel, la̱in quin-oquen ajcuiꞌ chirixeb re teꞌcamsi̱k. Aꞌin quilajinba̱nu aran Jerusalén.

Hechos 24:27

Xban nak quiraj nak us ta̱cana̱k riqꞌuineb laj judío, joꞌcan nak quixcanab chi pre̱xil laj Pablo. Nak ac xnumeꞌ cuib chihab, laj Félix qui-el chokꞌ acuabej ut qui-oc laj Porcio Festo chokꞌ re̱kaj.

Hechos 23:35

—Cha̱lkeb cuan laj jitol a̱cue, tojoꞌnak takabi cꞌaꞌru a̱ma̱c, chan re. Ut quixtakla laj Pablo saꞌ rochoch laj Herodes. Aran queꞌxtzꞌap saꞌ jun li naꞌajej ut queꞌxcꞌacꞌale re nak incꞌaꞌ ta̱e̱lelik.

Hechos 23:10

Kꞌaxal cuiꞌchic queꞌxcuechꞌi ribeb. Quichal xxiu li coronel ut quixcꞌoxla nak ma̱re teꞌxpedasi laj Pablo. Quixbokeb li soldado ut quixtaklaheb chirisinquil laj Pablo chiruheb re teꞌxcꞌam cuiꞌchic saꞌ li cuartel.

Hechos 20:31

Yoꞌon cua̱nkex ut chijulticokꞌ e̱re nak chiru oxib chihab, chi kꞌek chi cutan yo̱quin chi ya̱bac ut incꞌaꞌ xinhilan chixchꞌolobanquil e̱naꞌleb che̱junju̱nkal.

Hechos 14:23

Queꞌxxakab aj cꞌamol be re li junju̱nk chꞌu̱tal chi aj pa̱banel. Queꞌxba̱nu lix ayu̱n ut queꞌtijoc saꞌ xbe̱neb re xkꞌaxtesinquileb saꞌ rukꞌ li Ka̱cuaꞌ li ac xeꞌpa̱ban.

Hechos 14:19

Queꞌcuulac eb laj judío li queꞌchal Antioquía ut Iconio. Queꞌxtacchiꞌiheb nabaleb li tenamit. Queꞌxcuti chi pec laj Pablo ut queꞌrisi chire li tenamit. Saꞌ xchꞌo̱leb aꞌan nak camenak chic laj Pablo queꞌxcanab.

Hechos 13:3

Queꞌxba̱nu lix ayu̱n ut queꞌtijoc nak queꞌxqꞌue li rukꞌeb saꞌ xbe̱neb laj Saulo ut laj Bernabé. Tojoꞌnak queꞌxchakꞌrabiheb.

Hechos 5:18

Joꞌcan nak queꞌxtakla xchapbaleb ut queꞌxqꞌueheb saꞌ li tzꞌalam li nequeꞌqꞌueheꞌ cuiꞌ yalak ani.

San Mateo 14:10

Quixtakla xchꞌotbal xcux laj Juan aran saꞌ tzꞌalam.

San Mateo 14:3

Ac junxil laj Herodes quixtakla xchapbal laj Juan. Queꞌxbacꞌ riqꞌuin cadena ut queꞌxqꞌue saꞌ tzꞌalam. Laj Herodes quixba̱nu chi joꞌcan yal xban nak joꞌcan quiraj lix Herodías. Lix Herodías aꞌan li rixakil laj Felipe li ri̱tzꞌin laj Herodes. Ut laj Herodes quixcꞌam chokꞌ rixakil.

San Mateo 9:15

Ut li Jesús quichakꞌoc ut quixye reheb li tijleb aꞌin: —¿Ma naru ta biꞌ nak rahak saꞌ xchꞌo̱leb li nequeꞌbokeꞌ riqꞌuin sumla̱c nak toj cuan li be̱lomej saꞌ xya̱nkeb? La̱in joꞌ jun li be̱lomej. Ta̱cuulak xkꞌehil nak tin-isi̱k saꞌ xya̱nkeb tojoꞌnak teꞌxba̱nu x-ayu̱n eb lin tzolom, chan.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Jeremías 38:6

Joꞌcan nak queꞌxchap laj Jeremías ut riqꞌuin cꞌa̱m queꞌxcubsi saꞌ xjulel lix haꞌ laj Malquías li ralal laj Hamelec. Li jul aꞌan cuan saꞌ li neba̱l re li tzꞌalam. Ma̱cꞌaꞌ haꞌ chi saꞌ. Junes sulul xsaꞌ. Ut laj Jeremías quisubun saꞌ li sulul.

Jeremías 33:1

Nak toj cuan chi pre̱xil laj Jeremías saꞌ li neba̱l re li cab li nequeꞌcuan cuiꞌ li nequeꞌcꞌacꞌalen, li Ka̱cuaꞌ quia̱tinac riqꞌuin xcaꞌ sut.

Isaías 53:5

Abanan ma̱cꞌaꞌ xma̱c aꞌan. Yal xban li kama̱c ban la̱o nak quixcꞌul li raylal. Quisaqꞌueꞌ xban li kama̱usilal. Riqꞌuin li rahobtesi̱c li quixcꞌul, quixqꞌue ke li tuktu̱quil usilal ut riqꞌuin lix yocꞌolal, coxqꞌuirtesi.

2 Crónicas 16:10

Cꞌajoꞌ nak quijoskꞌoꞌ li rey Asa. Quixtakla xqꞌuebal saꞌ tzꞌalam li profeta Hanani. Ut cuan li quixrahobtesiheb saꞌ xya̱nkeb li tenamit.

1 Reyes 22:27

Yehomak reheb nak teꞌxqꞌue saꞌ tzꞌalam ut junes caxlan cua ut haꞌ teꞌxqꞌue re toj retal tinsukꞌi̱k chak la̱in chi sa saꞌ inchꞌo̱l, chan.

Deuteronomio 25:3

Abanan incꞌaꞌ tixcꞌul numenak caꞌcꞌa̱l chi tzꞌu̱m. Cui tixcꞌul numenak caꞌcꞌa̱l chi tzꞌu̱m ta̱cꞌutekꞌ xxuta̱n chiruheb li tenamit.