2 Corintios 6:4 - Li Santil hu

⁴ Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

Q'eqchi Bible

⁴ Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

2 Corintios 6:4 ပူးပေါင်းရင်းမြစ်များ

2 Corintios 12:10

Joꞌcan nak nasahoꞌ saꞌ inchꞌo̱l nak ma̱cꞌaꞌ incuanquil injunes ut nak ninhobeꞌ joꞌ ajcuiꞌ nak nincꞌul li raylal, li chꞌaꞌajquilal ut li rahobtesi̱c saꞌ xcꞌabaꞌ li Jesucristo. Nasahoꞌ saꞌ inchꞌo̱l xban nak cui ma̱cꞌaꞌ incuanquil injunes cuib, ninnau nak cuan incuanquil saꞌ xcꞌabaꞌ li Jesucristo.

2 Corintios 4:8

Qꞌuila pa̱y chi raylal nachal saꞌ kabe̱n, abanan nakacuy xnumsinquil. Cuan nak incꞌaꞌ nakatau ru li yo̱co chixcꞌulbal abanan incꞌaꞌ nachꞌinan kachꞌo̱l.

2 Corintios 11:27

Cau nincꞌanjelac ut xincuy li raylal. Xincuy li yoꞌlec ut cuan nak ma̱cꞌaꞌ intzacae̱mk. Xincuy intzꞌocajic ut xincuy inchaki el. Xincuy li que chi incꞌaꞌ tzꞌakal li cuakꞌ.

2 Corintios 12:12

Nak cuanquin e̱riqꞌuin nabal quincuy ut riqꞌuin xcuanquil li Dios quilajinba̱nu li milagro ut li sachba chꞌo̱lej li nacꞌutuc re nak la̱in tzꞌakal apóstol.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

1 Corintios 3:5

¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.

Joel 2:17

Eb laj tij li nequeꞌcꞌanjelac chiru li nimajcual Dios, cheꞌxakli̱k saꞌ xyi li oqueba̱l re li templo ut li artal ut cheꞌya̱bak. Nak teꞌtijok laj tij, teꞌxye chi joꞌcaꞌin: Ma̱qꞌue taxak li raylal saꞌ xbe̱neb la̱ tenamit, at Ka̱cuaꞌ. Chacuyeb taxak xma̱queb. Ma̱qꞌueheb taxak chi numta̱c saꞌ xbe̱neb la̱ tenamit li incꞌaꞌ nequeꞌpa̱ban. Incꞌaꞌ taxak ta̱qꞌueheb chi seꞌe̱c la̱ tenamit re nak incꞌaꞌ teꞌyehekꞌ re: ¿Bar cuan lix Dioseb?

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

1 Corintios 4:1

Joꞌcan nak chenauhak nak la̱o yal aj cꞌanjelo chiru li Cristo ut qꞌuebil saꞌ kabe̱n xchꞌolobanquil lix ya̱lal li colba-ib li quiqꞌueheꞌ ke xban li Dios. Li xya̱lal aꞌin mukmu nak quicuan chak junxil.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

2 Timoteo 2:24

Junak aj cꞌanjel chiru li Ka̱cuaꞌ ma̱cuaꞌak aj sicꞌol ra xi̱cꞌ. Tu̱lanak ban riqꞌuineb chixjunileb. Cua̱nk xnaꞌleb re xcꞌutbal lix ya̱lal chiruheb li ras ri̱tzꞌin ut nimak xcuyum.

2 Timoteo 1:8

Joꞌcan ut nak matxuta̱nac chixchꞌolobanquil resil li Ka̱cuaꞌ Jesucristo chi moco tatxuta̱na̱k inban la̱in xban nak cuanquin chi pre̱xil xban xyebal resil li Ka̱cuaꞌ. Chaqꞌue ban a̱cuib chi tzꞌako̱nc riqꞌuin li raylal nacꞌulman saꞌ xcꞌabaꞌ li evangelio. Ut li Dios ta̱qꞌuehok a̱cuanquil chixcuybal.

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

1 Timoteo 4:6

At Timoteo, cui nacachꞌolob xya̱lal li tijleb aꞌin chiruheb laj pa̱banel, la̱akat jun cha̱bil aj cꞌanjel chiru li Jesucristo. Ut la̱at yo̱kat chi qꞌui̱c saꞌ la̱ pa̱ba̱l riqꞌuin lix ya̱lal ut riqꞌuin li cha̱bil tijleb li yo̱cat chixpa̱banquil.

1 Timoteo 2:15

Li Dios quixye nak li ixk riqꞌuin raylal ta̱qꞌuiresi̱nk. Abanan, cua̱nkeb xyuꞌam chi junelic cui cauhakeb xchꞌo̱l saꞌ lix pa̱ba̱leb ut cui nequeꞌrahoc ut cui cuanqueb saꞌ ti̱quilal ut saꞌ tuktu̱quilal.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

1 Ts 3:7

Riqꞌuin aꞌin, ex herma̱n, saꞌ chixjunil li raylal li yo̱co chixcꞌulbal, nacꞌojla kachꞌo̱l chirabinquil nak cau e̱chꞌo̱l saꞌ le̱ pa̱ba̱l.

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

Colosenses 1:11

Nakatzꞌa̱ma chiru li Dios re nak cua̱nk xcacuil e̱chꞌo̱l xban xnimal xcuanquil li Dios. Chisahokꞌ saꞌ e̱chꞌo̱l ut checuyak xnumsinquil li cꞌaꞌak re ru nachal saꞌ e̱be̱n ut incꞌaꞌ ta̱chꞌina̱nk e̱chꞌo̱l.

2 Corintios 11:23

Tinnimobresi caꞌchꞌinak cuib anakcuan ut tina̱tinak joꞌ nequeꞌxba̱nu li ma̱cꞌaꞌeb xnaꞌleb. Nequeꞌxye nak aj cꞌanjeleb chiru li Cristo. ¿Ma aꞌaneb ta biꞌ li kꞌaxal aj cꞌanjel chiru li Cristo chicuu la̱in? Incꞌaꞌ, xban nak la̱in tzꞌakalin x-apóstol li Jesucristo. Nabal li raylal nincꞌul saꞌ xcꞌabaꞌ li Cristo. Nintacuasi cuib chi cꞌanjelac. Nabal sut xinqꞌueheꞌ saꞌ tzꞌalam. Nabal sut xinsaqꞌueꞌ ut cuanqueb li nequeꞌraj incamsinquil.

2 Corintios 11:9

Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

2 Corintios 7:11

Qꞌuehomak retal chanru nak xextenkꞌa̱c xban nak xecuy li raylal joꞌ naraj li Dios. Quixqꞌue xcacuil e̱chꞌo̱l saꞌ le̱ pa̱ba̱l. Anakcuan nequeraj rilbal cuu ut nequeraj xpatzꞌbal xcuybal le̱ ma̱c. Nachal chic e̱joskꞌil ut e̱xiu xban li incꞌaꞌ us li nequeꞌxba̱nu li cuanqueb saꞌ e̱ya̱nk. Nequeraj nak laj ma̱c teꞌxtoj rix lix ma̱queb. Riqꞌuin chixjunil aꞌin nacꞌutun nak la̱ex ma̱cꞌaꞌ e̱ma̱c riqꞌuin li cꞌaꞌru quicꞌulman.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

1 Corintios 9:11

La̱o xoyehoc resil li colba-ib e̱re. ¿Ma incꞌaꞌ ta biꞌ naru nocoe̱tenkꞌa la̱ex riqꞌuin li cꞌaꞌru takaj la̱o re xnumsinquil li cutan junju̱nk?

Romanos 16:10

Cheqꞌue xsahil xchꞌo̱l laj Apeles. Aꞌan incꞌaꞌ quichꞌinan xchꞌo̱l saꞌ lix pa̱ba̱l nak quiyaleꞌ ra̱lenquil. Ut cheqꞌue xsahil xchꞌo̱leb li cuanqueb saꞌ rochoch laj Aristóbulo.

Romanos 14:18

Joꞌcan nak li ani nacꞌanjelac chiru li Cristo saꞌ ti̱quilal ut chi sa saꞌ xchꞌo̱l, li Dios nasahoꞌ xchꞌo̱l riqꞌuin. Ut naqꞌueheꞌ ajcuiꞌ xlokꞌal xbaneb li ras ri̱tzꞌin.

Romanos 5:8

Aꞌut li Dios naxcꞌutbesi chiku nak kꞌaxal nocoxra xban nak toj aj ma̱co chak nak quicam li Cristo saꞌ kacꞌabaꞌ.

Hechos 20:34

Ut nequenau ajcuiꞌ nak la̱in xincꞌanjelac riqꞌuin cuukꞌ re xsicꞌbal li cꞌaꞌru cue joꞌ ajcuiꞌ li cꞌaꞌru reheb li cuanqueb cuochben.

Hechos 9:16

La̱in tincꞌut chiru joꞌ qꞌuial li raylal tento tixcꞌul saꞌ incꞌabaꞌ la̱in, chan li Ka̱cuaꞌ.

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

San Lucas 21:19

Cui incꞌaꞌ nachꞌinan e̱chꞌo̱l saꞌ le̱ pa̱ba̱l usta yo̱kex chi cꞌuluc raylal te̱re̱chani li junelic yuꞌam.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Romanos 3:5

Cuanqueb nequeꞌyehoc nak riqꞌuin li ma̱usilal nacꞌutun chi us li rusilal li Dios. Joꞌcan nak us xba̱nunquil li ma̱usilal re nak ta̱cꞌutu̱nk xcha̱bilal li Dios. Incꞌaꞌ us cui li Dios nocoxqꞌue chi xtojbal li kama̱c, chanqueb. Aban ma̱cuaꞌ aꞌan li naxye li Dios. Incꞌaꞌ naru nakaye nak incꞌaꞌ toxqꞌue chixtojbal li kama̱c xban nak nakanau nak ti̱c xchꞌo̱l li Dios. Joꞌcan nak tixqꞌue chixtojbal xma̱c laj ma̱c.