2 Corintios 6:1 - Li Santil hu

¹ La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Q'eqchi Bible

¹ Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

2 Corintios 6:1 ပူးပေါင်းရင်းမြစ်များ

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

1 Pedro 4:10

Chikajunilo jalan jala̱nk li cꞌaꞌru ta̱ru̱k takaba̱nu. Ac kama̱tan kama̱tan qꞌuebil ke chikaju̱nkal xban li Dios. Tento nak takatenkꞌa li kas ki̱tzꞌin riqꞌuin li cꞌaꞌru nocoru chixba̱nunquil re nak incꞌaꞌ ta̱cana̱k chi ma̱cꞌaꞌ rajbal li ma̱tan qꞌuebil ke xban li Dios.

Gálatas 2:21

Joꞌcan nak incꞌaꞌ nintzꞌekta̱na xcuanquil li rusilal li Dios. Cui ta saꞌ xcꞌabaꞌ li chakꞌrab nati̱cobresi̱c kachꞌo̱l, ma̱cꞌaꞌ raj rajbal nak quicam li Cristo.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Gálatas 3:4

¿Ma te̱canab chi ma̱cꞌaꞌ rajbal chixjunil li quecꞌul chi joꞌcanan? La̱in ninye nak incꞌaꞌ te̱ba̱nu chi joꞌcan.

Hechos 14:3

Abanan laj Pablo ut laj Bernabé najt queꞌcana aran. Ut xban nak cauheb xchꞌo̱l riqꞌuin li Ka̱cuaꞌ queꞌxchꞌolob xya̱lal li rusilal li Dios. Ut li Ka̱cuaꞌ yo̱ chixqꞌuebal xcuanquil li ra̱tineb xban nak yo̱ chixtenkꞌanquileb chixba̱nunquil li milagros ut li sachba chꞌo̱lej.

Tito 2:11

Li Dios quixcꞌutbesi lix nimal ruxta̱n re xcolbaleb chixjunileb li cuanqueb jun sut rubel choxa.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

Jeremías 8:8

¿Chanru nak te̱ye, “La̱o cuan kanaꞌleb. La̱o cuan lix chakꞌrab li Ka̱cuaꞌ kiqꞌuin”? ¿Ma incꞌaꞌ ta biꞌ queꞌxjal ru lin chakꞌrab eb laj tzꞌi̱b?

1 Samuel 14:45

Abanan eb li soldados queꞌxye re laj Saúl: —¿Ma ta̱ru̱k ta biꞌ ta̱ca̱mk laj Jonatán? Incꞌaꞌ, xban nak aꞌan xcoloc ke la̱o aj Israel chiruheb laj filisteo. Incꞌaꞌ ta̱ru̱k ta̱camsi̱k. Saꞌ xcꞌabaꞌ li yoꞌyo̱quil Dios nakaye nak chi moco jun li rismal xjolom ta̱isi̱k xban nak li cꞌaꞌru quixba̱nu anakcuan, quixba̱nu xban nak li Ka̱cuaꞌ quitenkꞌan re, chanqueb. Joꞌcan nak eb li soldados queꞌxcol laj Jonatán ut incꞌaꞌ quicamsi̱c.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

1 Ts 3:5

Joꞌcan nak xintakla laj Timoteo e̱riqꞌuin xban nak incꞌaꞌ chic xincuy roybeninquil resil chanru cuanquex saꞌ le̱ pa̱ba̱l. Ma̱re anchal xex-a̱le̱c xban laj tza ut li kacꞌanjel ma̱re chicana̱k chi ma̱cꞌaꞌ rajbal.

Hebreos 4:1

Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.