2 Corintios 5:6 - Li Santil hu

⁶ Joꞌcan nak junelic cau kachꞌo̱l riqꞌuin li Dios nak cuanco saꞌ ruchichꞌochꞌ. Nakanau nak joꞌ najtil cuanco saꞌ ruchichꞌochꞌ, moco cuanco ta chak riqꞌuin li Ka̱cuaꞌ Jesucristo saꞌ choxa.

Q'eqchi Bible

⁶ Jo'kan utan, junelik kaw qach'ool, us ta naqanaw naq jo' najtil wanko sa' li qajunxaqalil, najt wanko rik'in li Qaawa'.

2 Corintios 5:6 ပူးပေါင်းရင်းမြစ်များ

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

Hebreos 11:13

Chixjunileb aꞌan quilajeꞌcam. Usta incꞌaꞌ queꞌxcꞌul chixjunil li cꞌaꞌru quiyechiꞌi̱c reheb xban li Dios, queꞌxpa̱b nak ta̱cꞌulma̱nk li yechiꞌinbil. Joꞌcan nak saheb saꞌ xchꞌo̱l. Queꞌxye nak li ruchichꞌochꞌ aꞌin ma̱cuaꞌ tzꞌakal xnaꞌajeb; yal numeleb ban saꞌ ruchichꞌochꞌ.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

1 Pedro 5:1

Ut anakcuan tinye cuib oxibak li a̱tin reheb laj cꞌamol be saꞌ e̱ya̱nk la̱ex aj pa̱banel. La̱in ajcuiꞌ e̱rochben chi cꞌamoc be ut quicuil tzꞌakal nak li Cristo quixcꞌul raylal. La̱in tintzꞌako̱nk ajcuiꞌ joꞌ nak la̱ex textzꞌako̱nk saꞌ lix nimal xlokꞌal li ta̱cꞌutbesi̱k.

Hebreos 10:35

Joꞌcan nak cauhak taxak e̱chꞌo̱l saꞌ le̱ pa̱ba̱l ut riqꞌuin aꞌan cuan e̱kꞌajca̱munquil.

2 Corintios 5:8

La̱in ninye nak cau kachꞌo̱l riqꞌuin li Dios. Nakaj raj ca̱mc ut xcanabanquil li katzꞌejcual aꞌin re nak naru toxic saꞌ choxa chi cua̱nc riqꞌuin li Ka̱cuaꞌ Jesucristo.

Isaías 36:4

Laj Rabsaces quixye reheb li oxib chi cui̱nk: —Te̱ye resil aꞌin re laj Ezequías le̱ rey, “Lix reyeb laj Asiria li nim xcuanquil xye chi joꞌcaꞌin. ¿Ani aj iqꞌuin cau a̱chꞌo̱l nak incꞌaꞌ nacatxucuac chicuu?

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.

Proverbios 14:26

Li ani naxxucua ru li Ka̱cuaꞌ Dios cau xchꞌo̱l ut eb li ralal xcꞌajol cuan cꞌaꞌru nequeꞌroybeni.

Salmos 119:19

La̱in yal aj numelin arin saꞌ ruchichꞌochꞌ. Joꞌcan nak chacꞌut taxak lix ya̱lal la̱ cua̱tin chicuu.

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

1 Crónicas 29:15

La̱o chanchano li jalaneb xtenamit cha̱cuu xban nak la̱o yal numelo joꞌ eb li kaxeꞌto̱nil yucuaꞌ. Li kayuꞌam arin saꞌ ruchichꞌochꞌ saꞌ junpa̱t ta̱osokꞌ.

Hebreos 13:14

Li ruchichꞌochꞌ aꞌin ma̱cuaꞌ tzꞌakal kanaꞌaj. Yo̱co ban chiroybeninquil jun chic li kanaꞌaj kꞌaxal cha̱bil. Aꞌan li choxa.