2 Corintios 5:5 - Li Santil hu

⁵ Aꞌ li Dios aꞌan li coxcauresi re nak naru takacꞌul li katzꞌejcual saꞌ choxa. Ut quixqꞌue ke li Santil Musikꞌej re nak takanau chi tzꞌakal nak takacꞌul li cꞌaꞌru naxyechiꞌi ke.

Q'eqchi Bible

⁵ Ut li xkawresink qe cho'q re a'in, a'an ajwi' li Yos, ut a'an xk'ehok qe li Musiq'ej, reetalil naq tixb'aanu li xyeechi'om.

2 Corintios 5:5 ပူးပေါင်းရင်းမြစ်များ

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 29:23

Nak teꞌril le̱ ralal e̱cꞌajol li cꞌaꞌru xinba̱nu la̱in, teꞌxqꞌue retal nak la̱in santin ut tineꞌxlokꞌoni la̱in lix Dioseb laj Israel, li ralal xcꞌajol laj Jacob. Ut teꞌxxucua cuu.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.