2 Corintios 5:20 - Li Santil hu

²⁰ Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

Q'eqchi Bible

²⁰ Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

2 Corintios 5:20 ပူးပေါင်းရင်းမြစ်များ

San Lucas 14:23

Li patrón quixye re lix mo̱s: —Tatxic chire li tenamit ut saꞌ cꞌaleba̱l ut ta̱cuelaji chak ruheb chi cha̱lc saꞌ li ninkꞌe re nak ta̱nujak li cuochoch, chan.

Efesios 6:20

Taklanbilin xban li Dios chixyebal li resilal aꞌan. Ut xban xyebal resil li colba-ib nak cuanquin chi pre̱xil anakcuan. Chextijok chicuix re nak tinchꞌolob xya̱lal li colba-ib chi cau inchꞌo̱l joꞌ qꞌuebil cue xba̱nunquil xban li Dios.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.

San Juan 20:21

Li Jesús quixye cuiꞌchic reheb: —Chicua̱nk taxak li tuktu̱quil usilal e̱riqꞌuin. Joꞌ nak xinixtakla chak lin Yucuaꞌ la̱in, joꞌcan ajcuiꞌ nak texintakla la̱ex, chan.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Li xHu LAJ JOB 22:21

Cꞌam cuiꞌchic a̱cuib saꞌ usilal riqꞌuin li nimajcual Dios. Cui ta̱ba̱nu chi joꞌcan tatrosobtesi cuiꞌchic ut tatcua̱nk cuiꞌchic saꞌ sahil chꞌo̱lejil.

Isaías 27:5

Cui eb li xicꞌ nequeꞌiloc re lin tenamit teꞌraj nak tincoleb, teꞌcha̱lk raj cuiqꞌuin. Teꞌxcꞌam raj ribeb saꞌ usilal cuiqꞌuin, chan li Dios.

Li xHu LAJ JOB 33:23

Abanan cui cuan ta junak xtakl li Dios naxnau a̱tinac, ta̱cha̱lk raj ut tixchꞌolob raj chiru li cui̱nk cꞌaꞌru us tixba̱nu.

Li xHu LAJ JOB 33:6

La̱at ut la̱in juntakꞌe̱to chiru li Dios. La̱in chꞌochꞌ oquenakin joꞌ la̱at.

2 Crónicas 36:15

Li Ka̱cuaꞌ lix Dioseb lix xeꞌto̱nil yucuaꞌeb nabal sut quixtakla lix profeta riqꞌuineb chixkꞌusbaleb xban nak quiril xtokꞌoba̱leb ru ut xban ajcuiꞌ nak saꞌ li tenamit aꞌan cuan lix templo.

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Proverbios 13:17

Junak aj yehol esil incꞌaꞌ us xnaꞌleb naxqꞌue chꞌaꞌajquilal. Abanan junak aj yehol esil cha̱bil xnaꞌleb naxqꞌue usilal.

Nehemías 9:29

La̱at caye reheb nak teꞌxba̱nu joꞌ naxye li chakꞌrab. Abanan eb aꞌan queꞌxkꞌetkꞌeti rib ut incꞌaꞌ queꞌraj xba̱nunquil. Incꞌaꞌ queꞌxba̱nu joꞌ caye reheb. Queꞌxtzꞌekta̱na ban li chakꞌrab. Ut li chakꞌrab li caqꞌue reheb, aꞌan raj quiqꞌuehoc xyuꞌameb. Queꞌxcacuubresi ban lix chꞌo̱leb ut incꞌaꞌ queꞌraj rabinquil li cꞌaꞌru caye reheb.

2 Reyes 17:13

Li Ka̱cuaꞌ quixtaklaheb lix profeta ut eb lix takl riqꞌuineb laj Israel ut riqꞌuineb laj Judá. Queꞌxye chi joꞌcaꞌin: —Canabomak xba̱nunquil li ma̱usilal. Cheba̱nuhak ban li cꞌaꞌru naxye li chakꞌrab li quixqꞌue li Dios reheb le̱ xeꞌto̱nil yucuaꞌ. Cheba̱nuhak chixjunil li cꞌaꞌru xextakla̱c cuiꞌ, chanqueb li profetas laj cꞌanjel chiru li Ka̱cuaꞌ.

Romanos 5:10

Nak toj aj ma̱co chak xicꞌ nakil li Dios. Aban li Dios xoxcꞌam saꞌ usilal riqꞌuin saꞌ xcꞌabaꞌ lix camic li Ralal. Ut anakcuan nakanau chic nak cuanco saꞌ usilal riqꞌuin li Dios ut colbilo xban nak li Cristo quicuacli cuiꞌchic chi yoꞌyo.

2 Corintios 12:10

Joꞌcan nak nasahoꞌ saꞌ inchꞌo̱l nak ma̱cꞌaꞌ incuanquil injunes ut nak ninhobeꞌ joꞌ ajcuiꞌ nak nincꞌul li raylal, li chꞌaꞌajquilal ut li rahobtesi̱c saꞌ xcꞌabaꞌ li Jesucristo. Nasahoꞌ saꞌ inchꞌo̱l xban nak cui ma̱cꞌaꞌ incuanquil injunes cuib, ninnau nak cuan incuanquil saꞌ xcꞌabaꞌ li Jesucristo.

Colosenses 1:20

Xban xcamic li Jesucristo, chixjunil li cuan saꞌ choxa joꞌ ajcuiꞌ li cuan saꞌ ruchichꞌochꞌ naru ta̱cua̱nk chi sum a̱tin riqꞌuin li Dios. Ut xban lix quiqꞌuel li quihoyeꞌ chiru li cruz, li Jesucristo quixqꞌue li tuktu̱quil usilal.