2 Corintios 5:2 - Li Santil hu

² Nak cuanco saꞌ li tzꞌejcualej aꞌin, noco-ayaynac ut nakaj ta ac xkatau li katzꞌejcual saꞌ li choxa li tixqꞌue ke li Dios.

Q'eqchi Bible

² Arin nokootz'uyink, q'axal naqarahi naq tootiqib'aaq rik'in li qachoxahil muheb'aal,

2 Corintios 5:2 ပူးပေါင်းရင်းမြစ်များ

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

Filipenses 1:23

Chꞌaꞌaj chokꞌ cue xnaubal bar cuan li kꞌaxal us. Nacuaj raj ca̱mc re nak tinxic riqꞌuin li Cristo. Aꞌan raj li kꞌaxal us chokꞌ cue la̱in.

Romanos 7:24

¡Cꞌajoꞌ xtokꞌoba̱l cuu! ¿Ani ta̱colok cue chiru lin najter naꞌleb li nacꞌamoc chak re li ca̱mc saꞌ inbe̱n?

1 Corintios 15:51

Nacuaj ajcuiꞌ nak te̱nau lix ya̱lal li mukmu nak quicuan chak junxil. Aꞌan aꞌin: moco chikajunilo ta la̱o aj pa̱banel toca̱mk, abanan chikajunilo tojalanokꞌ.

Li xHu LAJ JOB 10:11

La̱at xayi̱b lin tibel ut xaqꞌue inbakel. Xaqꞌue intzꞌu̱mal joꞌ ajcuiꞌ li cuichꞌmul.