2 Corintios 5:18 - Li Santil hu

¹⁸ Chixjunil aꞌin xkama̱tani riqꞌuin li Dios ut aꞌan ajcuiꞌ li quicꞌamoc ke saꞌ usilal riqꞌuin saꞌ xcꞌabaꞌ li Jesucristo. Ut aꞌan ajcuiꞌ li quixakaban ke chixchꞌolobanquil xya̱lal li colba-ib re nak cuan li teꞌpa̱ba̱nk ut teꞌcua̱nk saꞌ usilal riqꞌuin li Dios.

Q'eqchi Bible

¹⁸ Ut chixjunil a'in nachalk rik'in li Yos, li kooxk'am wi' chik sa' usilal rik'in sa' xk'ab'a' li Kriist ut kixq'axtesi qe li k'anjel re li k'amok ib' sa' usilal rik'in.

2 Corintios 5:18 ပူးပေါင်းရင်းမြစ်များ

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

Romanos 5:1

Joꞌcan ut nak ti̱cobresinbil chic li kachꞌo̱l chiru li Dios xban li kapa̱ba̱l, ut cuanco chic saꞌ usilal riqꞌuin li Dios xban li Ka̱cuaꞌ Jesucristo.

Romanos 11:36

Chixjunil li cꞌaꞌ re ru cuan, riqꞌuin li Dios nachal chak. Li Dios quiyi̱ban re chixjunil ut aꞌan aj e̱chal re chixjunil. Lokꞌoninbil taxak li Ka̱cuaꞌ Dios chi junelic kꞌe cutan. Joꞌcan taxak.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

1 Corintios 8:6

Abanan la̱o aj pa̱banel nakanau nak jun ajcuiꞌ li Dios cuan. Ut li Dios Acuabej aꞌan li quiyi̱ban re chixjunil li cꞌaꞌru cuan. Coxyoꞌobtesi la̱o re nak takalokꞌoni aꞌan. Ut jun ajcuiꞌ li Ka̱cuaꞌ cuan, aꞌ li Jesucristo. Ut saꞌ xcꞌabaꞌ aꞌan cuan chixjunil ut saꞌ xcꞌabaꞌ aꞌan nak cuan li colba-ib.

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

1 Corintios 12:6

Jalan jala̱nk li cꞌanjel nocoxqꞌue cuiꞌ li Dios. Abanan jun ajcuiꞌ li Dios ut aꞌan li natenkꞌan ke chi xba̱nunquil li cꞌanjel li naxqꞌue ke.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

San Juan 3:27

Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

Isaías 52:7

Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

San Lucas 10:5

Nak texcuulak saꞌ junak cab, te̱qꞌue xsahileb xchꞌo̱l ut te̱ye, “Aꞌ taxak li tuktu̱quil usilal chicua̱nk saꞌ li cab aꞌin,” chaꞌkex.

Ezequiel 45:15

Li caꞌcab ciento le̱ carner te̱qꞌue junju̱nk chokꞌ e̱mayej. Te̱qꞌue li ni̱nk xtibel li xeꞌqꞌuiresi̱c Israel. Te̱kꞌaxtesiheb chokꞌ e̱cꞌatbil mayej ut re xcꞌambal e̱rib saꞌ usilal riqꞌuin li Dios ut re ajcuiꞌ xtzꞌa̱manquil xcuybal le̱ ma̱c, chan li nimajcual Dios.

Levítico 6:30

Incꞌaꞌ naru nequeꞌxtzaca li mayej tib li quicꞌameꞌ lix quiqꞌuel saꞌ li Lokꞌlaj Santil Naꞌajej re xtzꞌa̱manquil xcuybal xma̱queb. Tento nak teꞌxcꞌat chixjunil li mayej aꞌin.

Isaías 57:19

Eb laj Israel li queꞌya̱bac xban li raylal tineꞌxlokꞌoni cuiꞌchic. Tuktu̱quil usilal ta̱cua̱nk riqꞌuineb chixjunileb, joꞌ li nachꞌ cuanqueb, ut joꞌ li najt cuanqueb. La̱in tinqꞌuirtesi̱nk reheb, chan li Ka̱cuaꞌ.

1 Corintios 3:5

¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.

1 Corintios 11:12

Ut joꞌ nak li ixk quiyoꞌobtesi̱c riqꞌuin li cui̱nk, joꞌcan ajcuiꞌ li cui̱nk nayoꞌla riqꞌuin li ixk. Li cui̱nk joꞌ ajcuiꞌ li ixk yoꞌobtesinbileb xban li Dios joꞌ ajcuiꞌ chixjunil li cꞌaꞌak re ru cuan.

Colosenses 1:22

Abanan anakcuan xban lix camic li Cristo quexcꞌam saꞌ usilal riqꞌuin li Dios. Xban nak li Cristo quicam saꞌ kacꞌabaꞌ, naru toxkꞌaxtesi chiru li Dios chi ac santobresinbilo ut chi ma̱cꞌaꞌak chic kama̱c ut chi tzꞌakalak re ru li kapa̱ba̱l.