2 Corintios 5:16 - Li Santil hu

¹⁶ Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

Q'eqchi Bible

¹⁶ Chalen ut anaqwan maa'ani chik naqanaw ru yal rik'in ruuchich'och'il k'a'uxl; ut wi junxil xqanaw ru li Kriist rik'in ruuchich'och'il k'a'uxl, anaqwan ink'a' chik naqanaw ru chi jo'kan.

2 Corintios 5:16 ပူးပေါင်းရင်းမြစ်များ

Colosenses 3:11

La̱o aj pa̱banel juntakꞌe̱to chiru li Dios xban nak junajo saꞌ li acꞌ yuꞌam. Moco jalaneb ta laj griego chiruheb laj judío. Moco jalaneb ta li tzolbileb chiruheb li incꞌaꞌ tzolbileb. Moco jalaneb ta li xeꞌxba̱nu li circuncisión chiruheb li incꞌaꞌ xeꞌxba̱nu. Moco jalan ta li junju̱nk usta jalan xtenamit. Moco jalaneb ta li cuanqueb xpatrón chiruheb li ma̱cꞌaꞌeb xpatrón. Li kꞌaxal lokꞌ xcꞌoxlanquil aꞌan aꞌin: Li Jesucristo cuan riqꞌuineb li junju̱nk li nequeꞌpa̱ban re ut junajo chic saꞌ xcꞌabaꞌ li Jesucristo.

San Juan 6:63

Li naqꞌuehoc junelic yuꞌam, aꞌan li Santil Musikꞌej. Aꞌan ma̱cuaꞌ re li tibelej. La̱in xinchꞌolob xya̱lal che̱ru. Li xinye e̱re yebil cue xban li Santil Musikꞌej. Cui te̱pa̱b li cꞌaꞌru xinye, li Santil Musikꞌej tixqꞌue e̱re li junelic yuꞌam.

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

San Juan 15:14

Cui te̱ba̱nu li cꞌaꞌru ninye e̱re, la̱exak li raro̱kex inban.

San Juan 2:4

Ut li Jesús quixye re: —¿Cꞌaꞌut nak nacatchal xyebal cue aꞌan? Toj ma̱jiꞌ xkꞌehil nak tincꞌutbesi lin cuanquil, chan re lix naꞌ.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

2 Corintios 11:18

Nabaleb nequeꞌxnimobresi rib riqꞌuin li cꞌaꞌru nequeꞌxba̱nu arin saꞌ ruchichꞌochꞌ. ¿Ma incꞌaꞌ ta biꞌ raj ta̱ru̱k tinnimobresi ajcuiꞌ cuib la̱in?

1 Samuel 2:29

¿Cꞌaꞌut nak nacamux ru li mayej li xinye reheb li tenamit nak teꞌxmayeja chicuu chiru li tabernáculo? ¿Cꞌaꞌut nak kꞌaxal nacaqꞌue xlokꞌaleb la̱ cualal chicuu la̱in? ¿Cꞌaꞌut nak yo̱queb chi ni̱nka̱nc riqꞌuin lix cha̱bilal li tib li nequeꞌxmayeja chicuu lin tenamit Israel? chan li Ka̱cuaꞌ.”

Deuteronomio 33:9

Kꞌaxal cateꞌxra chiruheb lix naꞌ xyucuaꞌeb ut chiruheb ajcuiꞌ li rechꞌalaleb ut lix cocꞌaleb. Queꞌxba̱nu li cꞌaꞌru naxye saꞌ la̱ chakꞌrab ut incꞌaꞌ queꞌxkꞌet li contrato caba̱nu riqꞌuineb.

San Juan 8:15

La̱ex nequexrakoc a̱tin joꞌ nequeraj la̱ex e̱junes. La̱in ma̱ ani saꞌ aj be̱n yo̱quin chi rakoc a̱tin.

Filipenses 3:4

La̱in xinba̱nu chixjunil li nequeꞌxye eb aꞌan nak tento xba̱nunquil ut naru raj tinqꞌue xcacuilal inchꞌo̱l riqꞌuin. Cui cuan junak naxcꞌoxla nak ac xba̱nu chixjunil, us ajcuiꞌ. Abanan kꞌaxal cuiꞌchic nabal xinba̱nu la̱in chiru aꞌan.

Números 10:30

Laj Hobab quichakꞌoc ut quixye: —La̱in incꞌaꞌ tinxic che̱rix. La̱in tinsukꞌi̱k saꞌ lin tenamit cuanqueb cuiꞌ li cuechꞌalal, chan.