2 Corintios 5:14 - Li Santil hu

¹⁴ Xban nak kꞌaxal nocoxra li Cristo, joꞌcan nak nakaqꞌue kachꞌo̱l chi cꞌanjelac chiru. Nakanau chi tzꞌakal nak li Cristo quicam saꞌ kacꞌabaꞌ la̱o chikajunilo. Ut xban nak quicam aꞌan, chikajunilo camenako chic chiru li ma̱c.

Q'eqchi Bible

¹⁴ Xb'aan naq li xrahom li Kriist nareechani li qayu'am. Naqanaw chi tz'aqal naq, wi jun chi winq kikamk sa' xk'ab'a' chixjunileb', jo'kan utan chixjunileb' ke'kamk.

2 Corintios 5:14 ပူးပေါင်းရင်းမြစ်များ

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Romanos 5:15

Aꞌut li ma̱tan naxqꞌue li Dios moco juntakꞌe̱t ta riqꞌuin li ma̱c quixba̱nu laj Adán li xbe̱n cui̱nk. Li ca̱mc cuan saꞌ xbe̱neb chixjunileb xban nak quikꞌetoc a̱tin laj Adán. Aban saꞌ xcꞌabaꞌ li Jesucristo nabaleb nequeꞌxcꞌul li colba-ib li naxqꞌue li Dios. Ut kꞌaxal cuiꞌchic numtajenak li rusilal naxqꞌue ke.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

2 Corintios 3:9

Cui cuan xlokꞌal li najter chakꞌrab li quicꞌamoc chak li tojba ma̱c saꞌ kabe̱n, kꞌaxal cuiꞌchic numtajenak xlokꞌal li acꞌ yuꞌam li naxqꞌue ke li Santil Musikꞌej li naqꞌuehoc xti̱quilal li kachꞌo̱l chiru li Dios.

Hebreos 2:9

Abanan nakaqꞌue retal chanru nak li Jesucristo quinima̱c ru ut quiqꞌueheꞌ xlokꞌal. Usta quicubsi̱c xcuanquil jarubak cutan chiruheb li ángel, nak quitzꞌejcualoꞌ, quiqꞌueheꞌ xlokꞌal xban li raylal quixcꞌul nak quicam saꞌ kacꞌabaꞌ la̱o. Xban lix nimal rusilal li Dios, li Jesucristo quicam re xcolbal chixjunileb li cuanqueb saꞌ ruchichꞌochꞌ.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

1 Timoteo 5:6

Abanan li xma̱lcaꞌan li naxsicꞌ xsahil xchꞌo̱l junes riqꞌuin li naxrahi ru, li jun aꞌan chanchan ac camenak xban lix ma̱c usta toj yoꞌyo.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

1 Timoteo 2:6

Ut aꞌan ajcuiꞌ li quixqꞌue rib chi ca̱mc saꞌ kacꞌabaꞌ la̱o re nak ta̱ru̱k tocolekꞌ chikajunilo. Ut nak quicuulac xkꞌehil, li Cristo quixcꞌutbesi chiku lix ya̱lal aꞌin nak quicam chiru li cruz.

Colosenses 2:13

Junxil camenakex nak quexcuan chak xban li ma̱c ut xban nak ma̱jiꞌ isinbil saꞌ le̱ chꞌo̱l lix rahinquil ru li ma̱usilal. Aban anakcuan yoꞌyo̱quex chic. Li Dios quicuaclesin cuiꞌchic re li Jesucristo chi yoꞌyo. Ut joꞌcan ajcuiꞌ la̱ex, yoꞌyo̱quex chic xban nak acꞌ chic le̱ yuꞌam qꞌuebil e̱re xban li Dios ut cuybil sachbil chixjunil le̱ ma̱c.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

San Juan 11:25

Ut li Jesús quixye re: —La̱in li nincuaclesin reheb li camenak chi yoꞌyo. La̱in li ninqꞌuehoc junelic yuꞌam. Li ani napa̱ban cue la̱in ta̱cua̱nk xyuꞌam chi junelic usta nacam.

Cantares 1:4

China̱cꞌam cha̱cuix chi junpa̱t. La̱atak lin rey. China̱cꞌam saꞌ la̱ cuochoch. Chisahokꞌ taxak kachꞌo̱l saꞌ cuibal. Nacuaj nak tina̱ra. Aꞌan li kꞌaxal lokꞌ chiru li vino. Xban nak kꞌaxal nim la̱ rahom, joꞌcan nak cateꞌxra li tukꞌ ixk.

1 Corintios 2:14

Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

San Lucas 15:24

xban nak li cualal aꞌin chanchan camenak nak xcuan chak. Aꞌut anakcuan xsukꞌi cuiꞌchic chi yoꞌyo. Sachenak nak xcuan ut xtauman cuiꞌchic, chan. Ut queꞌoc chi ninkꞌei̱c.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

1 Juan 5:19

Ut nakanau nak la̱o ralal xcꞌajol li Dios. Abanan li jun chꞌol chic li ma̱jiꞌ nequeꞌpa̱ban re li Dios, eb aꞌan cuanqueb rubel xcuanquil laj tza.

2 Corintios 3:7

Li chakꞌrab li quiqꞌueheꞌ re laj Moisés tzꞌi̱banbil chiru pec ut quicꞌutun xlokꞌal li Dios nak quixqꞌue li chakꞌrab aꞌin. Quilemtzꞌun li riloba̱l laj Moisés ut eb laj Israel incꞌaꞌ queꞌxcuy rilbal usta junpa̱t ajcuiꞌ quicuan saꞌ li riloba̱l laj Moisés lix lokꞌal li Dios. Li najter chakꞌrab aꞌin li quicꞌamoc chak re li ca̱mc saꞌ kabe̱n quicꞌulun riqꞌuin xlokꞌal li Dios.

Romanos 2:2

Nakanau nak li Dios ti̱c xchꞌo̱l ut aꞌan ta̱rakok a̱tin chi tzꞌakal saꞌ xbe̱neb li nequeꞌba̱nun re li ma̱usilal.

San Juan 5:25

Chi ya̱l ninye e̱re ta̱cuulak xkꞌehil ut anakcuan ajcuiꞌ xcuulac xcutanquil, nak eb li chanchan camenakeb xban li ma̱c teꞌrabi li cua̱tin la̱in li Cꞌajolbej. Ut li teꞌabi̱nk cue teꞌcua̱nk xyuꞌam chi junelic.

Li xHu LAJ JOB 32:18

Cuan nabal li cꞌaꞌru nacuaj xyebal. Incꞌaꞌ chic nincuy roybeninquil.

Hechos 18:5

Nak ac xeꞌsukꞌi chak laj Silas ut laj Timoteo Macedonia, laj Pablo quixkꞌaxtesi rib chi junaj cua chixchꞌolobanquil lix ya̱lal reheb laj judío nak li Jesús, aꞌan li Cristo, laj Colonel li yechiꞌinbil xban li Dios.

San Lucas 24:29

Abanan eb aꞌan queꞌrelaji ru re ta̱cana̱k riqꞌuineb. Queꞌxye re: —Cana̱kat kiqꞌuin xban nak yo̱ chi ecuu̱c. Oc re li kꞌojyi̱n, chanqueb re. Ut li Jesús qui-oc saꞌ cab ut quicana riqꞌuineb.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Romanos 6:6

Nakanau nak li kanajter naꞌleb quiqꞌueheꞌ chiru cruz rochben li Cristo. Naraj naxye nak quisacheꞌ xcuanquil li kanajter naꞌleb nak quicam li Cristo. Ut anakcuan incꞌaꞌ chic cuanco rubel xcuanquil li ma̱c joꞌ nak xocuan chak junxil nak xkacꞌanjela chak ru li ma̱c.

Romanos 6:13

Chi moco cheqꞌue e̱rib chixba̱nunquil li ma̱usilal. Chekꞌaxtesi ban e̱rib saꞌ rukꞌ li Dios. Xban nak ac xecꞌul li acꞌ yuꞌam chanchan nak xexcuacli cuiꞌchic chi yoꞌyo saꞌ xya̱nkeb li camenak. Joꞌcan nak cheqꞌue le̱ rok e̱rukꞌ chi cꞌanjelac chiru li Dios re xba̱nunquil li us.

Colosenses 3:3

Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios.

1 Crónicas 11:18

Li oxib chi cui̱nk li cauheb rib chi pletic, queꞌnumeꞌ saꞌ lix naꞌajeb laj filisteo. Queꞌrisi li haꞌ saꞌ li becbil haꞌ li cuan chire li oqueba̱l re Belén. Queꞌxcꞌam ut queꞌxqꞌue re laj David. Abanan laj David incꞌaꞌ quirucꞌ. Quixhoy ban li haꞌ re xmayejanquil chiru li Dios.