2 Corintios 5:12 - Li Santil hu

¹² Incꞌaꞌ yo̱quin chixyebal aꞌin e̱re re xnimobresinquil cuib. Yo̱quin ban chixqꞌuebal e̱naꞌleb re nak ta̱sahokꞌ e̱chꞌo̱l cuiqꞌuin ut re nak te̱nau xsumenquil li yo̱queb chixnimobresinquil rib riqꞌuin lix yehom xba̱nuhomeb ut incꞌaꞌ nequeꞌxqꞌue xcuanquil li ti̱quil chꞌo̱lej.

Q'eqchi Bible

¹² Ma yooko tab'i' chi xnimankil qu cheru laa'ex? Ink'a', ka'aj b'an wi' naqaj naq twanq k'aru teenima wi' eerib' sa' qak'ab'a', re naq texruuq xsumenkileb' li neke'xnima ruheb' rik'in li k'aru nak'utunk ut ink'a' rik'in li wank sa' li ch'oolej.

2 Corintios 5:12 ပူးပေါင်းရင်းမြစ်များ

2 Corintios 3:1

¿Ma yo̱quin ta biꞌ chixnimobresinquil cuib nak nequecꞌoxla la̱ex nak ninye nak la̱in aj cꞌanjel chiru li Dios? ¿Ma tento ta biꞌ nak cua̱nk li kahu joꞌ nequeꞌxba̱nu li jun chꞌol chic re xyebal resil aniheb re nak te̱pa̱b li cꞌaꞌru nequeꞌxye? ¿Ma naru ta biꞌ takapatzꞌ li kahu e̱re la̱ex?

2 Corintios 1:14

Cuan tana li xetau ru ut cuan tana incꞌaꞌ. Abanan nacuaj nak te̱tau ru chi tzꞌakal nak la̱in x-apóstol li Jesucristo re nak sahak saꞌ e̱chꞌo̱l cuiqꞌuin nak tol-e̱lk li Jesucristo ut sahak ajcuiꞌ inchꞌo̱l la̱in e̱riqꞌuin la̱ex.

2 Corintios 10:18

Cuan li nequeꞌxye ribeb nak cha̱bileb. Abanan ma̱cꞌaꞌ na-oc cuiꞌ li nequeꞌxye. Aꞌ li kꞌaxal lokꞌ, aꞌan nak li Dios tixye nak li jun aꞌan cha̱bil.

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

2 Corintios 10:12

Incꞌaꞌ nakaj xba̱nunquil joꞌ nequeꞌxba̱nu li nequeꞌxnimobresi rib riqꞌuin li cꞌaꞌru nequeꞌxba̱nu. Ma̱cꞌaꞌ xnaꞌlebeb. Nequeꞌxnimobresi rib riqꞌuin lix naꞌlebeb xjuneseb rib.

2 Corintios 10:8

Ma̱re nequecꞌoxla nak yo̱quin chixnimobresinquil cuib riqꞌuin lin cꞌanjel. Abanan lin cꞌanjel qꞌuebil cue xban li Ka̱cuaꞌ re nak texintenkꞌa. Ma̱cuaꞌ re e̱sachbal. Incꞌaꞌ nincꞌoxlac riqꞌuin li cꞌaꞌru ninba̱nu xban nak li Dios xqꞌue incuanquil chixba̱nunquil.

2 Corintios 6:4

Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

Proverbios 27:2

Me̱qꞌue e̱lokꞌal e̱junes e̱rib. Kꞌaxal us nak jalan teꞌqꞌuehok e̱lokꞌal.

2 Corintios 10:7

La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.

Filipenses 1:26

Nincꞌoxla nak tincuulak cuiꞌchic e̱riqꞌuin ut nak te̱ril cuiꞌchic cuu, ta̱sahokꞌ saꞌ le̱ chꞌo̱l saꞌ xcꞌabaꞌ li Jesucristo.