2 Corintios 5:1 - Li Santil hu

¹ Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

Q'eqchi Bible

¹ Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

2 Corintios 5:1 ပူးပေါင်းရင်းမြစ်များ

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

Hebreos 9:11

Aban ac xcꞌulun li Jesucristo ut aꞌan chic li tzꞌakal xyucuaꞌil aj tij chokꞌ ke la̱o. Ut xkacꞌul li rusilal li Dios li quixqꞌue ke saꞌ li acꞌ contrato. Li Jesucristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk arin saꞌ ruchichꞌochꞌ. Kꞌaxal lokꞌ cuiꞌchic li naꞌajej li nacꞌanjelac cuiꞌ.

Li xHu LAJ JOB 4:19

¿Ma tojaꞌ ta chic riqꞌuin li cui̱nk tixcꞌojob xchꞌo̱l li Dios? Li cui̱nk kꞌaxal kꞌun xchꞌo̱l xban nak chꞌochꞌ oquenak ut teꞌosokꞌ joꞌ nak na-osoꞌ li cab xban li cꞌa̱ms.

1 Pedro 1:4

Yo̱co chixyoꞌoninquil li kama̱tan li tixqꞌue ke li Dios. Li ma̱tan aꞌin incꞌaꞌ nalaj incꞌaꞌ na-osoꞌ. Cꞌu̱lanbil saꞌ choxa. Aran ma̱cꞌaꞌ ta̱muxuk ru ut ma̱ jaruj ta̱osokꞌ.

2 Corintios 5:4

Nak cuanco arin saꞌ ruchichꞌochꞌ riqꞌuin li katzꞌejcual aꞌin, noco-ayaynac xban li raylal nakacꞌul. Incꞌaꞌ raj chic nakaj li katzꞌejcual li na-osoꞌ. Ma̱cuaꞌ xban nak nakaj ca̱mc. Xban nak nakaj ta ac xkatau li katzꞌejcual saꞌ choxa li ta̱cua̱nk chi junelic.

Génesis 3:19

Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

San Marcos 14:58

Ut queꞌxye: —La̱o quikabi nak quixye, “La̱in tinjucꞌ li rochoch li Dios li yi̱banbil xbaneb li cui̱nk, ut la̱in chiru oxib cutan tinyi̱b jun chic, aban ma̱cuaꞌ yi̱banbil xbaneb li cui̱nk.” Joꞌcan quixye li cui̱nk aꞌin, chanqueb.

2 Pedro 3:11

Xban nak chixjunil li cꞌaꞌak re ru telajeꞌosokꞌ, joꞌcan nak chikaqꞌue kachꞌo̱l chi cua̱nc saꞌ li ti̱quilal. Chikacꞌoxlahak li Ka̱cuaꞌ Dios.

Colosenses 2:11

Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal.

1 Juan 3:19

Cui nakara li kaherma̱n, nakanau nak la̱o tzꞌakal ralal xcꞌajol li Dios, ut cau kachꞌo̱l chixpa̱banquil li Dios.

1 Juan 3:14

Cui nakara li kaherma̱n, aꞌan retalil nak cua̱nk kacolbal chiru xcuanquil li ca̱mc ut qꞌuebil kayuꞌam chi junelic. Li ani incꞌaꞌ naxra lix herma̱n, aꞌan toj cuan rubel xcuanquil li ca̱mc.

Hebreos 11:10

Laj Abraham incꞌaꞌ quixyi̱b cha̱bil ochoch, xban nak yo̱ chiroybeninquil jun xnaꞌaj saꞌ li santil choxa. Li naꞌajej aꞌan yi̱banbil xban li Ka̱cuaꞌ Dios ut ta̱cua̱nk chi junelic.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Salmos 56:9

Eb li xicꞌ nequeꞌiloc cue teꞌe̱lelik nak tinya̱ba la̱ santil cꞌabaꞌ. La̱in ninnau nak teꞌe̱lelik xban nak la̱at tattenkꞌa̱nk cue, at inDios.

Li xHu LAJ JOB 30:22

Osocꞌ cue xban li raylal. Chanchan nak yo̱ chincꞌambal li ikꞌ. Chanchan nak yo̱ chinchikꞌbenquil li ca̱k-sut-ikꞌ.

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

Isaías 38:12

Saꞌ inchꞌo̱l la̱in nak li Dios xrisi lin yuꞌam. Chanchan jun li muheba̱l li na-isi̱c saꞌ xnaꞌaj. Malaj ut chanchan jun li tꞌicr li na-isi̱c saꞌ li quemleb. Quincꞌoxla nak li Dios ac xrak lin yuꞌam.

Hechos 7:48

Quixyi̱b li templo usta li nimajcual Dios incꞌaꞌ nacuan saꞌ junak cab yi̱banbil xban cui̱nk joꞌ quixye chak li profeta Isaías nak quixye chi joꞌcaꞌin: