2 Corintios 4:9 - Li Santil hu

⁹ Nocorahobtesi̱c, abanan li Dios incꞌaꞌ nocoxcanab kajunes. Cuan nak nocoeꞌxsacꞌ xban nak nequeꞌraj kacamsinquil. Abanan li Dios nacoloc ke chiruheb.

Q'eqchi Bible

⁹ nokoosik'e'k xb'aaneb' li xik' neke'ilok qe, ab'an moko kanajenaqo ta qajunes; neke'numtaak sa' qab'een, ab'an ink'a' nokoohe'xsach.

2 Corintios 4:9 ပူးပေါင်းရင်းမြစ်များ

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

Miqueas 7:8

La̱ex, li xicꞌ nequex-iloc ke, misahoꞌ e̱chꞌo̱l chikilbal nak yo̱co chixcꞌulbal li raylal. Usta totꞌanekꞌ, abanan la̱o tocuacli̱k cuiꞌchic. Usta chanchan nak cua̱nko saꞌ kꞌojyi̱n xban li ma̱c, abanan li Dios tixcutanobresi cuiꞌchic li kabe.

Proverbios 24:16

Usta ta̱ba̱nu cuukub sut raylal reheb li ti̱queb xchꞌo̱l, abanan eb aꞌan teꞌxcuy ut incꞌaꞌ ta̱chꞌina̱nk xchꞌo̱leb. Abanan eb li incꞌaꞌ useb xnaꞌleb ra teꞌxcꞌul nak teꞌosokꞌ.

Salmos 42:11

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic, xban nak la̱at lin Dios ut la̱at aj Colol cue.—

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

Isaías 62:4

Incꞌaꞌ chic ta̱yehekꞌ “tzꞌekta̱nanbil” reheb, chi moco ta̱yehekꞌ reheb nak sachbil ru lix naꞌajeb. Ta̱yehekꞌ ban reheb “Hefzi-bá” ut ta̱yehekꞌ “Beula” re lix chꞌochꞌeb xban nak li Ka̱cuaꞌ quisahoꞌ saꞌ xchꞌo̱l riqꞌuineb ut aꞌan chanchanak jun li be̱lomej li naxra lix chꞌochꞌ.

Salmos 9:10

Li ac xeꞌpa̱ban cha̱cuu, cauheb xchꞌo̱l a̱cuiqꞌuin. La̱at, at Ka̱cuaꞌ, incꞌaꞌ nacatzꞌekta̱na li ani naxtzꞌa̱ma xtenkꞌanquil a̱cue.

San Juan 15:20

Chijulticokꞌ e̱re nak xinye e̱re nak ma̱ jun aj cꞌanjel naxkꞌax ru xcuanquil lix patrón. Cui xineꞌxrahobtesi la̱in, texrahobtesi̱k ajcuiꞌ la̱ex. Cui ta xeꞌxba̱nu li cꞌaꞌru xinye la̱in, teꞌxba̱nu aj raj cuiꞌ li cꞌaꞌru te̱ye la̱ex.

Salmos 42:5

¿Cꞌaꞌut nak ta̱rahokꞌ saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios, ut la̱at aj Colol cue.

Salmos 37:28

Li Ka̱cuaꞌ nacuulac chiru li ti̱quilal. Incꞌaꞌ naxtzꞌekta̱naheb li ralal xcꞌajol. Naxcoleb ban chi junelic. Abanan li ralal xcꞌajoleb li incꞌaꞌ useb xnaꞌleb, aꞌan teꞌsachekꞌ.

Salmos 22:1

At inYucuaꞌ, at inDios, ¿cꞌaꞌut nak xina̱canab injunes? Cuanquin saꞌ jun rahil chꞌo̱lejil ut xintzꞌa̱ma intenkꞌanquil cha̱cuu. Ut incꞌaꞌ xina̱sume.

Li xHu LAJ JOB 22:29

xban nak li Dios naxcubsi xcuanquil li ani naxnimobresi rib ut naxcoleb li cubenak xcuanquileb.

Salmos 129:2

Chalen nak xticla chak li katenamit, cꞌajoꞌ nak corahobtesi̱c xbaneb li xicꞌ nequeꞌiloc ke, abanan incꞌaꞌ queꞌnumta saꞌ kabe̱n.

Habacuc 3:17

La̱in sahak saꞌ inchꞌo̱l riqꞌuin li Ka̱cuaꞌ. Usta incꞌaꞌ chic ta̱atzꞌumak lix to̱nal li higo ut incꞌaꞌ chic ta̱u̱chi̱nk li uvas, ut usta incꞌaꞌ chic ta̱u̱chi̱nk lix to̱nal li olivo, ut usta ma̱cꞌaꞌakeb chic li carner saꞌ eb li corral ut ma̱cꞌaꞌakeb chic li cuacax saꞌ eb lix naꞌaj, ta̱sahokꞌ saꞌ inchꞌo̱l.

Romanos 8:35

¿Cꞌaꞌru ta̱ru̱k ta̱isi̱nk ke riqꞌuin li Cristo li narahoc ke? Ma̱cꞌaꞌ. Li ra xi̱cꞌ incꞌaꞌ naru torisi, chi moco li raylal, chi moco li chꞌaꞌajquilal, chi moco li xi̱cꞌ ilecꞌ, chi moco li cueꞌej, chi moco li cua̱nc saꞌ nebaꞌil, chi moco li camsi̱c. Ma̱cꞌaꞌ naru ta̱isi̱nk ke riqꞌuin li Cristo li narahoc ke.

2 Timoteo 3:12

Ut ya̱l ajcuiꞌ nak teꞌrahobtesi̱k li joꞌ qꞌuialeb li teꞌraj cua̱nc saꞌ ti̱quilal saꞌ xcꞌabaꞌ li Jesucristo.