2 Corintios 4:5 - Li Santil hu

⁵ Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

Q'eqchi Bible

⁵ Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

2 Corintios 4:5 ပူးပေါင်းရင်းမြစ်များ

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

1 Corintios 1:23

Aban la̱o nakachꞌolob xya̱lal nak li Cristo quicam chiru li cruz re kacolbal. Abanan li ca̱mc chiru cruz xuta̱nal chiruheb laj judío ut incꞌaꞌ nequeꞌraj xtaubal xya̱lal lix camic li Cristo. Joꞌcan nak chiruheb laj judío lix ya̱lal lix camic li Cristo chanchan jun li pec nequeꞌxtich rokeb chiru. Joꞌcan ajcuiꞌ chiruheb li ma̱cuaꞌeb aj judío, lix ya̱lal lix camic li Cristo to̱ntil naꞌleb chiruheb.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Filipenses 2:11

Li Dios quixqꞌue xlokꞌal li Jesucristo re nak chixjunileb teꞌxchꞌolob xya̱lal riqꞌuin xtzꞌu̱mal re nak li Jesucristo, aꞌan li Ka̱cuaꞌ ut teꞌxqꞌue xlokꞌal li Acuabej Dios.

Filipenses 1:15

Ya̱l nak cuan li nequeꞌxye resil li Cristo yal xban nak niquineꞌxcakali ut niquineꞌxcuechꞌi. Abanan cuan ajcuiꞌ li nequeꞌxye resil li Cristo chi anchal xchꞌo̱leb ut saꞌ xya̱lal.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Tito 1:11

Eb aꞌan tento xkꞌusbaleb re nak teꞌxcanab li balakꞌi̱nc. Yo̱queb xpoꞌbal xchꞌo̱leb li ju̱nk cabal riqꞌuin xcꞌutbal li moco ya̱l ta. Riqꞌuin balakꞌi̱nc nequeꞌxtau lix tumineb.

2 Timoteo 2:10

Joꞌcan nak nincuy xnumsinquil chixjunil li raylal li nincꞌul saꞌ xcꞌabaꞌeb li sicꞌbileb ru xban li Dios re nak eb aꞌan naru teꞌxtau li lokꞌlaj colba-ib li naxqꞌue li Jesucristo ut teꞌxtau ajcuiꞌ lix lokꞌal chi junelic.

1 Corintios 12:3

Joꞌcan nak nacuaj te̱nau nak li ani cuan li Santil Musikꞌej riqꞌuin, ma̱ jokꞌe tixmajecua li Jesús. Ut ma̱ ani ta̱ru̱k tixye chi anchal xchꞌo̱l nak li Jesús aꞌan li Ka̱cuaꞌ cui ma̱cꞌaꞌ li Santil Musikꞌej riqꞌuin.

1 Corintios 8:6

Abanan la̱o aj pa̱banel nakanau nak jun ajcuiꞌ li Dios cuan. Ut li Dios Acuabej aꞌan li quiyi̱ban re chixjunil li cꞌaꞌru cuan. Coxyoꞌobtesi la̱o re nak takalokꞌoni aꞌan. Ut jun ajcuiꞌ li Ka̱cuaꞌ cuan, aꞌ li Jesucristo. Ut saꞌ xcꞌabaꞌ aꞌan cuan chixjunil ut saꞌ xcꞌabaꞌ aꞌan nak cuan li colba-ib.

1 Corintios 2:2

Xban nak incꞌaꞌ xcuaj xcꞌutbal nak cuan innaꞌleb, joꞌcan nak caꞌaj cuiꞌ chirix lix camic li Cristo chiru li cruz xina̱tinac.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

Hechos 2:36

Chenauhak che̱junilex la̱ex aj Israel nak li Jesús li queqꞌue la̱ex chiru cruz, aꞌan li quiqꞌueheꞌ chokꞌ Ka̱cuaꞌ ut chokꞌ Cristo xban li Dios, chan laj Pedro.

San Juan 7:18

Cui junak naxchꞌolob xya̱lal li naxcꞌoxla xjunes, li jun aꞌan naraj nak ta̱qꞌuehekꞌ xlokꞌal xbaneb li nequeꞌabin re. Abanan li ani naraj nak ta̱qꞌuehekꞌ xlokꞌal li quitaklan chak re, li jun aꞌan ti̱c xchꞌo̱l ut ma̱cꞌaꞌ balakꞌic riqꞌuin.

San Mateo 23:8

Abanan la̱ex me̱rahi ru nak li tenamit teꞌxqꞌue e̱lokꞌal ut teꞌxye “tzolonel” e̱re xban nak jun ajcuiꞌ laj tzolol e̱re cuan. La̱in li Cristo laj tzolol e̱re ut che̱junilex la̱ex e̱ri̱tzꞌin e̱rib.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

2 Corintios 1:19

Li Jesucristo li Ralal li Dios ma̱ jun sut quixye us cui aꞌan naxnau nak incꞌaꞌ tixba̱nu. Aꞌan junelic ya̱l li cꞌaꞌru naxye. Ut la̱in cuochbeneb laj Silvano ut laj Timoteo nakachꞌolob xya̱lal li Cristo che̱ru la̱ex.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

1 Corintios 10:33

Joꞌcan nak la̱in ninyal inkꞌe chixba̱nunquil li us re xtenkꞌanquil chixjunileb. La̱in incꞌaꞌ yo̱quin chixsicꞌbal li us chokꞌ cue la̱in injunes. Yo̱quin ban chixsicꞌbal li us chokꞌ reheb chixjunileb re nak ta̱ru̱k teꞌcolekꞌ.

1 Corintios 4:15

Usta cuan laje̱bak mil li nequeꞌchꞌoloban xya̱lal li Cristo che̱ru, abanan la̱in li xinyehoc e̱re resil li colba-ib junxil nak xexpa̱ban. Joꞌcan nak la̱in le̱ yucuaꞌ saꞌ xcꞌabaꞌ li Jesucristo.