2 Corintios 4:3 - Li Santil hu

³ Cui incꞌaꞌ natauman ru lix ya̱lal li colba-ib li nakachꞌolob la̱o, aꞌ li incꞌaꞌ nequeꞌxtau ru, aꞌan eb li nequeꞌsach.

Q'eqchi Bible

³ Ut wi toj tz'aptz'o ru li Chaab'il Esilal naqapuktesi laa'o, tz'aptz'o ru cho'q reheb' li yookeb' chi sachk,

2 Corintios 4:3 ပူးပေါင်းရင်းမြစ်များ

2 Corintios 3:14

Xban xcacuilal xchꞌo̱leb incꞌaꞌ queꞌxtau ru nak lix lokꞌal li najter chakꞌrab ta̱e̱lk. Ut chalen anakcuan incꞌaꞌ ajcuiꞌ nequeꞌxtau ru. Chanchan nak li tꞌicr aꞌan toj yo̱ chi ramoc chiruheb lix ya̱lal nak nequeꞌrabi li najter chakꞌrab. Ut li tꞌicr aꞌan na-el caꞌaj cuiꞌ riqꞌuin xpa̱banquil li Cristo.

1 Corintios 1:18

Nak nequeꞌrabi resil lix camic li Cristo chiru li cruz, ma̱cꞌaꞌ na-oc cuiꞌ chiruheb li teꞌxic saꞌ xbalba. To̱ntil naꞌleb aꞌan chanqueb. Aban chiku la̱o li ac xocoleꞌ kꞌaxal lokꞌ aꞌan xban nak aꞌan xcuanquil li Dios.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Romanos 2:16

Xakabanbil li Jesucristo xban li Dios re ta̱rakok a̱tin saꞌ xbe̱neb chixjunileb nak ta̱cuulak xkꞌehil. Li Cristo naxnau chanru lix chꞌo̱l li junju̱nk usta mukmu chiku la̱o. Joꞌcan naxye resilal li colba-ib li ninjultica la̱in.

1 Timoteo 1:11

Li katijbal aꞌan li quicꞌuteꞌ chiku xban li lokꞌlaj colba-ib li naxqꞌue ke li nimajcual Dios, li tenebanbil saꞌ inbe̱n xyebal resilal yalak bar.

1 Ts 1:5

Nakanau aꞌan xban nak ma̱cuaꞌ caꞌaj cuiꞌ riqꞌuin a̱tin quicuulac li resil li evangelio e̱riqꞌuin. Riqꞌuin aj ban cuiꞌ lix cuanquil li Santil Musikꞌej ut xenau nak tzꞌakal ya̱l li xkachꞌolob che̱ru. Ac xeqꞌue retal chanru li kanaꞌleb nak xocuan saꞌ e̱ya̱nk che̱tenkꞌanquil.

2 Corintios 2:12

Nak quincuulac saꞌ li tenamit Troas chi cꞌanjelac chiru li Ka̱cuaꞌ, kꞌaxal queꞌxqꞌue xchꞌo̱l chirabinquil nak quinchꞌolob xya̱lal li colba-ib saꞌ xcꞌabaꞌ li Jesucristo.

1 Corintios 2:6

Li ac cauheb xchꞌo̱l saꞌ lix pa̱ba̱leb, nequeꞌka̱tina riqꞌuin a̱tin moco yalak ani ta ta̱taꞌok ru. Aꞌin ma̱cuaꞌ xnaꞌleb li ruchichꞌochꞌ chi moco xnaꞌlebeb li nequeꞌtaklan saꞌ ruchichꞌochꞌ. Lix naꞌlebeb na-osoꞌ joꞌ nak nequeꞌosoꞌ eb aꞌan.