2 Corintios 4:2 - Li Santil hu

² Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

Q'eqchi Bible

² Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

2 Corintios 4:2 ပူးပေါင်းရင်းမြစ်များ

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

Efesios 5:12

Xuta̱nal chokꞌ ke la̱o a̱tinac chirix li incꞌaꞌ us li nequeꞌxba̱nu chi mukmu.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

Romanos 1:16

Incꞌaꞌ ninxuta̱nac chixchꞌolobanquil xya̱lal li colba-ib xban nak aꞌan lix nimal xcuanquil li Dios re xcolbal chixjunil li teꞌpa̱ba̱nk re. Li colba-ib xbe̱n cua qꞌuebil reheb laj judío ut qꞌuebil ajcuiꞌ reheb li ma̱cuaꞌeb aj judío.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

2 Corintios 11:6

Ma̱re incꞌaꞌ ninnau a̱tinac chi cha̱bil, abanan ninnau chi tzꞌakal lix ya̱lal li ra̱tin li Dios. Ut junelic nincꞌut che̱ru chi tzꞌakal lix ya̱lal.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

2 Corintios 6:8

Cuan li nequeꞌxqꞌue kalokꞌal ut cuan ajcuiꞌ li nequeꞌxsach kacuanquil. Cuan li nequeꞌhoboc ke ut cuan ajcuiꞌ li nequeꞌoxlokꞌin ke. Ut cuan ajcuiꞌ li nequeꞌyehoc re nak la̱o aj balakꞌ. Abanan la̱o junelic nocoa̱tinac saꞌ xya̱lal.

1 Reyes 18:34

Ut quixye reheb: —Nujtesihomak ca̱hib cuc chi haꞌ ut hoyomak saꞌ xbe̱n li mayej ut saꞌ xbe̱n li siꞌ, chan. Ut queꞌxhoy li haꞌ saꞌ xbe̱n li artal. Ut quixye cuiꞌchic reheb: —Qꞌuehomak cuiꞌchic li haꞌ saꞌ xbe̱n li artal xcaꞌ sut, chan. Ut queꞌxqꞌue cuiꞌchic li haꞌ. Ut oxib sut queꞌxhoy li haꞌ saꞌ xbe̱n li artal joꞌ quiyeheꞌ reheb xban laj Elías.