2 Corintios 4:16 - Li Santil hu

¹⁶ Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios.

Q'eqchi Bible

¹⁶ Jo'kan naq ink'a' nach'inank qach'ool. Us ta li qach'och'el qasululel yo chi lajk chi oso'k, ab'an li qamusiq' na'ak'ob'resiik rajlal kutan.

2 Corintios 4:16 ပူးပေါင်းရင်းမြစ်များ

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Isaías 40:29

Aꞌan naxqꞌue xcacuilal li tacuajenak, ut naxqꞌue xmetzꞌe̱u li ma̱cꞌaꞌ xmetzꞌe̱u.

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

2 Corintios 4:1

Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

Salmos 73:26

Lin tibel ut li cua̱m nalubeꞌ. Abanan la̱at, at inDios, la̱at nacatcoloc cue. Caꞌaj cuiꞌ la̱at nacatqꞌuehoc xsahil inchꞌo̱l chi junelic.

Efesios 3:16

Kꞌaxal nim li rusilal li Dios. Joꞌcan nak nintzꞌa̱ma chiru nak li Santil Musikꞌej chiqꞌuehok e̱cuanquilal ut xcacuilal e̱chꞌo̱l saꞌ le̱ pa̱ba̱l.

Romanos 7:22

Nasahoꞌ saꞌ lin chꞌo̱l riqꞌuin lix chakꞌrab li Dios ut aꞌan li nacuaj xba̱nunquil.

Tito 3:5

Li Dios xoxcol ut xorisi saꞌ li kanajter naꞌleb. Ma̱cuaꞌ xban kayehom kaba̱nuhom chi moco xban lix ti̱quilal li kachꞌo̱l. Yal xban lix nimal ruxta̱n li Dios nak coxcol. Cuybil sachbil chic li kama̱c ut acꞌobresinbil chic li kayuꞌam xban li Santil Musikꞌej.

Salmos 27:13

Abanan la̱in ninnau nak tincꞌul li rusilal li Dios nak toj cua̱nkin saꞌ ruchichꞌochꞌ.

1 Pedro 3:4

Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

Efesios 4:23

Ut acꞌobresinbilak taxak le̱ ra̱m ut le̱ cꞌaꞌux.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

2 Corintios 12:15

Joꞌcan nak chixjunil li cꞌaꞌru cuan cue chi anchal inchꞌo̱l tinsach re e̱tenkꞌanquil ut tintacuasi cuib re nak texcolekꞌ. Cui kꞌaxal nequexinra, ¿ma incꞌaꞌ ta biꞌ ta̱ru̱k tine̱ra la̱in?

San Lucas 11:3

Chaqꞌue taxak ke li kacua kucꞌa chi cuulaj cuulaj.

Salmos 119:81

At Ka̱cuaꞌ, tacuajenakin. Joꞌcan nak tincuaj raj ru nak tina̱col. Ninnau nak la̱ cua̱tin naxqꞌue xcacuilal inchꞌo̱l.

Jeremías 45:3

La̱at xaye, “Tokꞌob xak cuu. Li Ka̱cuaꞌ xqꞌue xtzꞌakob li raylal li cuanquin cuiꞌ. Tacuajenakin ut incꞌaꞌ naru ninhilan riqꞌuin li raylal cuanquin cuiꞌ,” chancat.

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.