2 Corintios 4:14 - Li Santil hu

¹⁴ Nakanau nak li Dios quicuaclesin cuiꞌchic re chi yoꞌyo li Ka̱cuaꞌ Jesucristo. Joꞌcan ajcuiꞌ la̱o. Nakanau nak toxcuaclesi cuiꞌchic chi yoꞌyo joꞌ nak quixcuaclesi li Jesucristo ut toxcꞌam riqꞌuin kochbenakex la̱ex.

Q'eqchi Bible

¹⁴ Naqanaw naq li Yos li kiwaklesink re chi yo'yo li Qaawa' Jesus, tooxwaklesi ajwi' laa'o qochb'een li Jesus ut toxooxaqab' chiru qochb'eenaqex laa'ex.

2 Corintios 4:14 ပူးပေါင်းရင်းမြစ်များ

1 Ts 4:14

La̱o nakapa̱b nak li Jesús quicam ut quicuacli cuiꞌchic chi yoꞌyo. Ut nakapa̱b ajcuiꞌ nak li joꞌ qꞌuialeb queꞌpa̱ban re li Cristo, li Dios tixcuaclesiheb cuiꞌchic chi yoꞌyo saꞌ xya̱nkeb li camenak ut tixcꞌameb chak rochben nak ta̱cha̱lk cuiꞌchic li Jesucristo.

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

1 Corintios 6:14

Li Dios li quicuaclesin re li Ka̱cuaꞌ Jesucristo chi yoꞌyo saꞌ xya̱nkeb li camenak, aꞌan ajcuiꞌ ta̱cuaclesi̱nk ke chi yoꞌyo riqꞌuin lix cuanquil.

Efesios 5:27

Li Cristo quixba̱nu aꞌan re nak tixcꞌuleb li ralal xcꞌajol chi kꞌaxal nim xlokꞌal, chi ma̱cꞌaꞌ xma̱c ut chi ma̱cꞌaꞌ xpaltil chiru.

2 Corintios 11:2

La̱in kꞌaxal nequexincꞌoxla joꞌ nak li Dios nequexcꞌoxla. Ut nacuaj nak caꞌaj cuiꞌ li Cristo te̱ta̱ke. Joꞌ nak li yucuaꞌbej naxkꞌaxtesi lix rabin chi sumla̱c riqꞌuin jun chi cui̱nk, joꞌcan ajcuiꞌ nak xexinkꞌaxtesi riqꞌuin li Cristo. Aꞌan joꞌ li be̱lomej.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Colosenses 1:22

Abanan anakcuan xban lix camic li Cristo quexcꞌam saꞌ usilal riqꞌuin li Dios. Xban nak li Cristo quicam saꞌ kacꞌabaꞌ, naru toxkꞌaxtesi chiru li Dios chi ac santobresinbilo ut chi ma̱cꞌaꞌak chic kama̱c ut chi tzꞌakalak re ru li kapa̱ba̱l.

Isaías 26:19

Abanan eb la̱ tenamit li queꞌcam teꞌcuacli̱k cuiꞌchic chi yoꞌyo. Chixjunileb li cuanqueb saꞌ li mukleba̱l teꞌcuacli̱k cuiꞌchic chi yoꞌyo ut teꞌxjap reheb xban xsahil xchꞌo̱leb. Li Ka̱cuaꞌ tixcuaclesiheb cuiꞌchic chi yoꞌyo li camenak joꞌ nak li xchuꞌque naxqꞌueheb chi yoꞌla̱c li acui̱mk.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

Hechos 2:32

Aꞌan aꞌin li Jesús li quicuaclesi̱c cuiꞌchic chi yoꞌyo xban li Dios. La̱o xkil tzꞌakal riqꞌuin xnakꞌ ku. Joꞌcan nak nakanau nak ya̱l.

Santiago 5:15

Cui teꞌxpa̱b nak li Dios tixqꞌuirtesi li yaj nak teꞌtijok, li Ka̱cuaꞌ ta̱qꞌuirtesi̱nk re ut tixcuaclesi cuiꞌchic. Ut cui cuan xma̱c, ta̱cuyekꞌ ta̱sachekꞌ ajcuiꞌ lix ma̱c.