2 Corintios 4:10 - Li Santil hu

¹⁰ Yalak bar nocoxic cuan ketalil chiru li katibel nak nequeꞌxyal kacamsinquil joꞌ queꞌxba̱nu re li Cristo. Nakacuy aꞌan re nak ta̱cꞌutu̱nk chiruheb chixjunileb nak li Cristo yoꞌyo ut aꞌan nacoloc ke chiru li ca̱mc.

Q'eqchi Bible

¹⁰ Junelik naqak'am sa' li qajunxaqalil li xrahilal xkamik li Jesus, re naq li xyu'am li Jesus chik'utunq ajwi' sa' li qajunxaqalil.

2 Corintios 4:10 ပူးပေါင်းရင်းမြစ်များ

Romanos 6:5

Cui la̱o xotzꞌakon kochben li Cristo saꞌ lix camic, joꞌcan ajcuiꞌ nak totzꞌako̱nk saꞌ lix cuaclijic cuiꞌchic chi yoꞌyo saꞌ li acꞌ yuꞌam.

2 Timoteo 2:11

Li a̱tin aꞌin li oc cue xyebal a̱cue, aꞌan tzꞌakal ya̱l: Cui cocam kochben li Cristo, ta̱cua̱nk ajcuiꞌ kayuꞌam kochben.

1 Pedro 4:13

Chisahokꞌ ban saꞌ e̱chꞌo̱l nak yo̱quex chi cꞌuluc raylal joꞌ quixcꞌul li Cristo xban nak yo̱quex chi tzꞌako̱nc riqꞌuin li raylal li quixcꞌul aꞌan. Ta̱cuulak xkꞌehil nak li Jesucristo tixcꞌutbesi lix nimal xlokꞌal ut la̱ex kꞌaxal cuiꞌchic ta̱sahokꞌ saꞌ e̱chꞌo̱l.

Romanos 6:8

Cui ac xocam kochben li Cristo, nakanau nak yoꞌyo̱co ajcuiꞌ kochben saꞌ li acꞌ yuꞌam.

2 Corintios 13:4

Cubenak xcuanquil li Cristo nak quicamsi̱c chiru li cruz. Abanan quicuaclesi̱c cuiꞌchic saꞌ xya̱nkeb li camenak chi yoꞌyo xban xcuanquil li Dios. Joꞌ nak quixcubsi xcuanquil li Cristo, joꞌcan ajcuiꞌ takacubsi kacuanquil la̱o. Abanan yoꞌyo̱co xban xcuanquil li Dios ut qꞌuebil ke li kacuanquil xban li Dios re xkꞌusbaleb li nequeꞌxba̱nu li incꞌaꞌ us.

2 Corintios 1:5

Joꞌ nak nocotzꞌakon riqꞌuin li qꞌuila raylal li quixcꞌul li Cristo, joꞌcan ajcuiꞌ nak nacꞌojoba̱c kachꞌo̱l xban li Cristo, re nak naru takacꞌojob xchꞌo̱leb li kech aj pa̱banelil.

Romanos 8:36

Joꞌcaꞌin tzꞌi̱banbil saꞌ li Santil Hu: Cuulaj cuulaj yo̱queb chixcꞌoxlanquil kacamsinquil saꞌ a̱cꞌabaꞌ. Chiruheb aꞌan chanchano li carner li nequeꞌcꞌameꞌ chi camsi̱c. (Sal. 44:22)

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

2 Corintios 1:9

Xkacꞌoxla nak ac tenebanbil ca̱mc saꞌ kabe̱n. Us ajcuiꞌ nak quikacꞌul chi joꞌcan re nak cua̱nk xcacuilal kachꞌo̱l riqꞌuin li Dios li nacuaclesin re li camenak chi yoꞌyo ut incꞌaꞌ takacꞌoxla nak cuan xcacuilal kachꞌo̱l kajunes kib.

Gálatas 6:17

Ut chirix chixjunil aꞌin ma̱ ani ta chic chichꞌiꞌchꞌiꞌi̱nk cue xban nak cuan retalil chicuix li rahobtesi̱c li quincꞌul saꞌ xcꞌabaꞌ li Ka̱cuaꞌ Jesús.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

2 Corintios 4:11

Junelic nequeꞌraj kacamsinquil xban nak nococꞌanjelac chiru li Jesucristo. Abanan incꞌaꞌ nocoeꞌxcamsi xban nak li Cristo yoꞌyo ut cuan xcuanquil saꞌ kabe̱n usta yal cui̱nko.

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.