2 Corintios 4:1 - Li Santil hu

¹ Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

Q'eqchi Bible

¹ Xaqab'anb'ilo sa' li k'anjel a'in xb'aan xnimal ruxtaan li Yos, jo'kan naq ink'a' nach'inank qach'ool.

2 Corintios 4:1 ပူးပေါင်းရင်းမြစ်များ

2 Ts 3:13

Ut la̱ex, ex herma̱n, incꞌaꞌ taxak textitzꞌk chixba̱nunquil li us.

Gálatas 6:9

Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil.

Efesios 3:13

Joꞌcan nak nintzꞌa̱ma che̱ru nak incꞌaꞌ ta̱chꞌina̱nk e̱chꞌo̱l xban nak yo̱quin chixcꞌulbal li raylal xban xyebal e̱re xya̱lal li colba-ib. Chisahokꞌ ban e̱chꞌo̱l xban nak re e̱tenkꞌanquil xincꞌul li raylal.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

2 Corintios 4:16

Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios.

Apocalipsis 2:3

Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

Hebreos 12:3

Cheqꞌuehak retal chanru nak quixcuy li rahobtesi̱c li Jesucristo xbaneb laj ma̱c. Joꞌcan ajcuiꞌ la̱ex. Checuyak li ra xi̱cꞌ ut incꞌaꞌ chichꞌina̱nk e̱chꞌo̱l saꞌ le̱ pa̱ba̱l.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

1 Pedro 2:10

Junxil ma̱cuaꞌex ralal xcꞌajol li Dios. Aban anakcuan la̱ex chic ralal xcꞌajol. Junxil incꞌaꞌ nequenau lix nimal ruxta̱n li Dios. Aban anakcuan nequenau chic.

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

2 Corintios 5:18

Chixjunil aꞌin xkama̱tani riqꞌuin li Dios ut aꞌan ajcuiꞌ li quicꞌamoc ke saꞌ usilal riqꞌuin saꞌ xcꞌabaꞌ li Jesucristo. Ut aꞌan ajcuiꞌ li quixakaban ke chixchꞌolobanquil xya̱lal li colba-ib re nak cuan li teꞌpa̱ba̱nk ut teꞌcua̱nk saꞌ usilal riqꞌuin li Dios.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.

1 Corintios 7:25

La̱in tinye e̱re li nincꞌoxla chirixeb li sa̱j ixk ut li sa̱j cui̱nk. Usta ma̱cuaꞌ ra̱tin li Ka̱cuaꞌ, us cui tex-abi̱nk chicuu xban nak riqꞌuin xnimal ruxta̱n li Ka̱cuaꞌ naxqꞌue innaꞌleb chixyebal e̱re lix ya̱lal.

Isaías 40:30

Usta toj sa̱jeb, nequeꞌlub. Ut li cauheb rib nalaj lix metzꞌe̱uheb ut nequeꞌtꞌaneꞌ.

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Jeremías 45:3

La̱at xaye, “Tokꞌob xak cuu. Li Ka̱cuaꞌ xqꞌue xtzꞌakob li raylal li cuanquin cuiꞌ. Tacuajenakin ut incꞌaꞌ naru ninhilan riqꞌuin li raylal cuanquin cuiꞌ,” chancat.

San Lucas 18:1

Li Jesús quixye li jaljo̱quil ru a̱tin aꞌin reheb lix tzolom re xcꞌutbal chiruheb nak tento teꞌtijok junelic ut incꞌaꞌ ta̱chꞌina̱nk xchꞌo̱leb.

1 Corintios 3:5

¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.