2 Corintios 3:7 - Li Santil hu

⁷ Li chakꞌrab li quiqꞌueheꞌ re laj Moisés tzꞌi̱banbil chiru pec ut quicꞌutun xlokꞌal li Dios nak quixqꞌue li chakꞌrab aꞌin. Quilemtzꞌun li riloba̱l laj Moisés ut eb laj Israel incꞌaꞌ queꞌxcuy rilbal usta junpa̱t ajcuiꞌ quicuan saꞌ li riloba̱l laj Moisés lix lokꞌal li Dios. Li najter chakꞌrab aꞌin li quicꞌamoc chak re li ca̱mc saꞌ kabe̱n quicꞌulun riqꞌuin xlokꞌal li Dios.

Q'eqchi Bible

⁷ Wi li xk'anjel li kamk, tz'iib'anb'il chiru perpookil pek, q'axal kiwank xloq'al toj reetal naq eb' li ralal xk'ajol laj Israel ink'a' ke'ruhank xka'yankil li xnaq' ru laj Moisés xb'aan li xlemtz'unkil, us ta yal numel a'an,

2 Corintios 3:7 ပူးပေါင်းရင်းမြစ်များ

1 Corintios 13:10

Ut nak ta̱tzꞌaklok ru chixjunil li naraj xba̱nunquil li Dios, incꞌaꞌ chic teꞌcꞌanjelak eb li ma̱tan aꞌin li incꞌaꞌ tzꞌakal re ru.

Romanos 10:4

Nak quicꞌulun li Cristo saꞌ ruchichꞌochꞌ, quirakeꞌ xcꞌanjel li chakꞌrab li quiqꞌueheꞌ re laj Moisés xban li Dios. Ut chixjunileb li teꞌpa̱ba̱nk re li Cristo teꞌti̱cokꞌ xchꞌo̱leb chiru li Dios.

Éxodo 31:18

Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

2 Corintios 3:3

Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

Éxodo 24:12

Li Dios quixye re laj Moisés: —Taken chak saꞌ xbe̱n li tzu̱l li cuanquin cuiꞌ. Ut aran tat-oybeni̱nk. La̱in tinqꞌue a̱cue li perpo̱quil pec li xintzꞌi̱ba cuiꞌ lin chakꞌrab re xchꞌolobanquil xya̱lal chiruheb li tenamit, chan li Dios.

Romanos 4:15

Nachal xjoskꞌil li Dios saꞌ xbe̱neb li nequeꞌkꞌetoc re li chakꞌrab. Xban nak cuan li chakꞌrab, cuan li kꞌetoc a̱tin. Cui ta ma̱cꞌaꞌ li chakꞌrab, ma̱cꞌaꞌ raj kꞌetoc a̱tin.

Salmos 119:97

At Ka̱cuaꞌ, cꞌajoꞌ nak ninra la̱ cua̱tin, ut junes aꞌan nincꞌoxla nanumeꞌ li cutan.

Romanos 7:10

Li chakꞌrab xqꞌue raj inyuꞌam, abanan nak quicuabi chanchan incamsinquil quixba̱nu.

Hechos 6:15

Ut chixjunileb li nequeꞌtaklan saꞌ xbe̱neb laj judío li cꞌojcꞌo̱queb aran queꞌril laj Esteban ut queꞌxqꞌue retal nak nalemtzꞌun li riloba̱l. Chanchan na-iloc jun li ángel.

Salmos 119:174

At nimajcual Dios, la̱in nacuaj nak tina̱col. La̱ chakꞌrab naxqꞌue xsahil inchꞌo̱l.

Deuteronomio 9:15

Ut la̱in quincube chak saꞌ li tzu̱l nak toj lochlo li xam. Ut cuanqueb saꞌ cuukꞌ li cuib chi perpo̱quil pec li tzꞌi̱banbil cuiꞌ li contrato.

Romanos 7:22

Nasahoꞌ saꞌ lin chꞌo̱l riqꞌuin lix chakꞌrab li Dios ut aꞌan li nacuaj xba̱nunquil.

Deuteronomio 4:13

Ut li Dios quixba̱nu li contrato e̱riqꞌuin ut quixqꞌue e̱re li laje̱b chi chakꞌrab li quixtzꞌi̱ba chiru li cuib pere̱l li pec ti̱c ru. Quixye e̱re nak tento te̱ba̱nu li cꞌaꞌru naxye li chakꞌrab.

Éxodo 34:1

Li Dios quixye re laj Moisés: —Ta̱ti̱cobresi ru cuibak li pec joꞌ li cuib li xajor junxil. Ut chiruheb aꞌan la̱in tintzꞌi̱ba lin chakꞌrab li xcuan chiruheb li xajor.

Éxodo 32:19

Laj Moisés quijiloc chixcꞌatk lix muheba̱leb. Quiril li cuacax oro ut quiril nak yo̱queb chi xajoc chiru. Cꞌajoꞌ nak quichal xjoskꞌil. Ut xban xjoskꞌil quixcut chi chꞌochꞌ li cuib chi perpo̱quil pec li cuan saꞌ rukꞌ ut aran queꞌjoreꞌ saꞌ xto̱n li tzu̱l.

Génesis 3:21

Ut li Ka̱cuaꞌ Dios quixyi̱b rakꞌ li cui̱nk ut li ixk riqꞌuin rix xul ut quixtikibeb.

Hebreos 9:4

Aran cuan jun xcꞌatbal li pom yi̱banbil riqꞌuin oro, ut cuan ajcuiꞌ jun li Lokꞌlaj Ca̱x letzbil oro chirix. Chi saꞌ li Lokꞌlaj Ca̱x aꞌan cuan li xar oro bar cuiꞌ cꞌu̱lanbil li maná. Cꞌu̱lanbil ajcuiꞌ saꞌ li ca̱x lix xukꞌ laj Aarón li quituxmec ut qui-atzꞌumac. Ut cꞌu̱lanbil ajcuiꞌ aran li cuib chi pec ti̱c ru li tzꞌi̱banbil cuiꞌ li laje̱b chi chakꞌrab.

Nehemías 9:13

Saꞌ xbe̱n li tzu̱l Sinaí cat-a̱tinac riqꞌuineb. Toj saꞌ choxa cacua̱tinaheb chak. Caqꞌue la̱ chakꞌrab reheb re nak teꞌcua̱nk saꞌ ti̱quilal. Tzꞌakal re ru ut cha̱bil li chakꞌrab li caqꞌue reheb.

Deuteronomio 4:8

Ut, ¿Ma cuan ta biꞌ junak tenamit cuan xcuanquil xban nak cuan lix chakꞌrab kꞌaxal ti̱c ut cha̱bil joꞌ li kachakꞌrab la̱o li xincꞌut che̱ru anakcuan?

Deuteronomio 5:22

Aꞌaneb aꞌin li chakꞌrab li quixqꞌue e̱re li Ka̱cuaꞌ nak chꞌutchꞌu̱quex che̱junilex saꞌ xto̱n li tzu̱l. Li Ka̱cuaꞌ quia̱tinac chi cau xya̱b xcux saꞌ li xam, ut saꞌ li chok li kꞌojyi̱n ru. Ut ma̱cꞌaꞌ chic quixye. Chirix aꞌan quixtzꞌi̱ba li chakꞌrab aꞌan chiru li cuib chi perpo̱quil pec, ut quixqꞌue cue li pec aꞌan.

Romanos 5:20

Li chakꞌrab quiqꞌueheꞌ re xcꞌutbal nak numtajenak li ma̱c. Ut nak quinumta li ma̱c, kꞌaxal cuiꞌchic quinumta li rusilal li Dios saꞌ xbe̱n li ma̱c.

Romanos 7:5

Junxil xkaba̱nu chak li cꞌaꞌru incꞌaꞌ us li quixrahi chak ru li kachꞌo̱l. Li chakꞌrab quixcꞌut chiku cꞌaꞌru li incꞌaꞌ us ut aꞌ chic li incꞌaꞌ us quicuulac chiku xba̱nunquil. Ut riqꞌuin xba̱nunquil aꞌan cuan li ca̱mc.

2 Corintios 3:8

Abanan kꞌaxal numtajenak cuiꞌchic xlokꞌal li cꞌanjel li naxba̱nu kiqꞌuin li Santil Musikꞌej.

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

Gálatas 3:21

¿Ma aꞌin ta biꞌ naraj naxye nak li chakꞌrab naxsach xcuanquil li cꞌaꞌru quixyechiꞌi li Dios? ¡Ma̱ jokꞌe! Cui ta naru ta̱cua̱nk li kayuꞌam chi junelic riqꞌuin xba̱nunquil li naxye li chakꞌrab, ta̱ti̱cokꞌ aj raj cuiꞌ li kachꞌo̱l chiru li Dios xban li chakꞌrab.

Hebreos 3:3

Abanan li Jesucristo numtajenak cuiꞌchic xlokꞌal chiru xlokꞌal laj Moisés. Li Jesucristo, aꞌan chanchan jun aj cablanel. Li ani nayi̱ban junak cab, aꞌan kꞌaxal nim xcuanquil saꞌ xbe̱n usta kꞌaxal cha̱bil li cab li naxyi̱b.

Hebreos 12:18

La̱ex incꞌaꞌ queba̱nu joꞌ queꞌxba̱nu eb laj Israel najter kꞌe cutan. Eb aꞌan queꞌjiloc riqꞌuin li tzu̱l Sinaí nak li Dios quixqꞌue lix chakꞌrab re laj Moisés saꞌ li tzu̱l aꞌan. Quicuan xam. Quikꞌojyi̱noꞌ ut quicuan ajcuiꞌ ca̱k-sut-ikꞌ.