2 Corintios 3:5 - Li Santil hu

⁵ Ma̱ jun cꞌanjel naru nakayoꞌob kajunes, chi moco naru nakacꞌoxla xba̱nunquil. Li Dios ban naxqꞌue kacuanquil chixba̱nunquil li cꞌaꞌru nakaba̱nu.

Q'eqchi Bible

⁵ Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

2 Corintios 3:5 ပူးပေါင်းရင်းမြစ်များ

2 Corintios 12:9

Abanan li Ka̱cuaꞌ quixye cue: “Incꞌaꞌ nacuisi la̱ raylal. Abanan tatintenkꞌa re nak ta̱cuy xnumsinquil. La̱in ninqꞌue lin cuanquil re li ani naxnau nak ma̱cꞌaꞌ xcuanquil xjunes,” chan cue. Joꞌcan nak nasahoꞌ saꞌ inchꞌo̱l riqꞌuin li raylal re nak lix cuanquil li Cristo cua̱nk cuiqꞌuin.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

1 Corintios 3:6

Chanchano aj acuinel nak nococꞌanjelac chiru li Dios. Chanchan a̱uc xinba̱nu nak xinye resil li colba-ib e̱re. Ut chanchan tꞌakresi̱nc quixba̱nu laj Apolos nak quixchꞌolob lix ya̱lal che̱ru. Abanan aꞌ li Dios quiqꞌuehoc lix mokic.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

1 Corintios 3:10

Xban nak sicꞌbil cuu xban li Dios chi cꞌanjelac chiru joꞌ jun aj tzꞌac cha̱bil, joꞌcan nak xinnau xjolominquil li cꞌanjel. Chanchan nak xinyi̱b xcimiento li cab nak xinye resil li colba-ib ut jalan chic teꞌcablak saꞌ xbe̱n nak teꞌxchꞌolob lix ya̱lal che̱ru. Ut li junju̱nk chixqꞌuehak retal nak tzꞌakal re ru lix cꞌanjel tixba̱nu.

2 Corintios 2:16

Chiruheb li nequeꞌsach chanchan xchuhil li camenak li nacamsin. Abanan chiruheb li nequeꞌcoleꞌ chanchan jun sununquil ban li naqꞌuehoc yuꞌam. ¿Ani tzꞌakal cuan xnaꞌleb chixchꞌolobanquil lix ya̱lal li colba-ib?

San Lucas 24:49

Ut la̱in tintakla chak e̱re le̱ ma̱tan li quixyechiꞌi lin Yucuaꞌ. Abanan cana̱kex arin saꞌ li tenamit Jerusalén toj te̱cꞌul le̱ cuanquil li ta̱cha̱lk saꞌ choxa, chan li Jesús reheb.

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

2 Crónicas 30:12

Ut li Ka̱cuaꞌ quitenkꞌan reheb li cuanqueb Judá re nak junaj lix chꞌo̱leb chixba̱nunquil li cꞌaꞌru queꞌxye li rey ut eb li nequeꞌtenkꞌan re joꞌ quixye li ra̱tin li Ka̱cuaꞌ.

Romanos 15:18

Ma̱cꞌaꞌ inxiu chixyebal resil li cꞌanjel xinba̱nu saꞌ xcꞌabaꞌ li Cristo nak xincꞌanjelac saꞌ xya̱nkeb li ma̱cuaꞌeb aj judío xban nak ma̱cuaꞌ injunes xincꞌanjelac. Li Jesucristo xtenkꞌan cue nak xincꞌameb xbe re nak teꞌxpa̱b li Dios riqꞌuin lin yehom inba̱nuhom.

2 Timoteo 2:2

Li xya̱lal li xincꞌut cha̱cuu chiruheb nabaleb li cristian, aꞌan ajcuiꞌ chajultica chiruheb li cui̱nk li ti̱queb xchꞌo̱leb re nak eb aꞌan chic teꞌcꞌutuk re chiruheb jalaneb chic.