2 Corintios 3:14 - Li Santil hu

¹⁴ Xban xcacuilal xchꞌo̱leb incꞌaꞌ queꞌxtau ru nak lix lokꞌal li najter chakꞌrab ta̱e̱lk. Ut chalen anakcuan incꞌaꞌ ajcuiꞌ nequeꞌxtau ru. Chanchan nak li tꞌicr aꞌan toj yo̱ chi ramoc chiruheb lix ya̱lal nak nequeꞌrabi li najter chakꞌrab. Ut li tꞌicr aꞌan na-el caꞌaj cuiꞌ riqꞌuin xpa̱banquil li Cristo.

Q'eqchi Bible

¹⁴ Ab'anan ke'kawuuk xk'a'uxl, xb'aan naq chalen toj anaqwan li t'ikr a'an toj wank naq na'ilmank xsa' li Najter Chaq'rab'. Li t'ikr a'an maji' na'isimank xb'aan naq ka'ajwi' sa' xk'ab'a' li Kriist taa'elq.

2 Corintios 3:14 ပူးပေါင်းရင်းမြစ်များ

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Hechos 16:14

Jun reheb li ixk aꞌan xLidia xcꞌabaꞌ. Tiatira xtenamit. Aꞌan nacꞌayin cha̱bil tꞌicr. Naxpa̱b li Dios ut yo̱ chi abi̱nc xban nak li Dios quixcꞌut chiru nak tixqꞌue retal li yo̱ chixyebal laj Pablo.

Hechos 13:15

Eb laj cꞌamol be queꞌril xsaꞌ li chakꞌrab ut queꞌril ajcuiꞌ xsaꞌ li hu li queꞌxtzꞌi̱ba li profeta. Ut chirix aꞌan queꞌxye re laj Pablo: —Ex kas ki̱tzꞌin, cui cuan li cꞌaꞌru te̱ye re xqꞌuebal xcacuil xchꞌo̱leb li tenamit, takaj rabinquil anakcuan, chanqueb.

San Juan 12:46

La̱in xinchal chixqꞌuebal li cutan saken saꞌ ruchichꞌochꞌ. Li ani ta̱pa̱ba̱nk cue la̱in, aꞌan incꞌaꞌ chic ta̱cua̱nk saꞌ xkꞌojyi̱nal ru li ma̱c.

San Juan 12:40

Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

San Mateo 6:23

Cui ut incꞌaꞌ saken na-iloc li xnakꞌ e̱ru, cuanquex saꞌ kꞌojyi̱n. Ut joꞌcan ajcuiꞌ le̱ naꞌleb. Cui incꞌaꞌ cha̱bil le̱ naꞌleb, cuanquex saꞌ xkꞌojyi̱nal ru li ma̱c.

Ezequiel 12:2

—At ralal cui̱nk, la̱at cuancat saꞌ xya̱nkeb li tenamit kꞌaxal kꞌetkꞌeteb. Cuanqueb xnakꞌ ru, abanan incꞌaꞌ nequeꞌiloc. Cuanqueb xxic, abanan incꞌaꞌ nequeꞌabin xban nak aꞌaneb aj kꞌetol a̱tin.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Isaías 59:10

Nakachap kib chiru li tzꞌac nak nocobe̱c. Chanchano li mutzꞌ. Yal nakachꞌeꞌ aj chic li kabe. Chanchan nak incꞌaꞌ noco-iloc. Usta cuaꞌleb nakatich li kok joꞌ nakacꞌul chiru kꞌojyi̱n. Chanchano aj chic camenak.

Isaías 56:10

Eb laj tzolol reheb laj Israel chanchaneb li mutzꞌ. Incꞌaꞌ nequeꞌxcꞌut lix ya̱lal chiruheb lin tenamit. Ma̱cꞌaꞌeb xnaꞌleb. Chanchaneb li tzꞌiꞌ li incꞌaꞌ naru nequeꞌcuo̱bac. Nequeꞌxnumsi li cutan chi matqꞌuec. Cꞌajoꞌ nak nacuulac chiruheb li cua̱rc.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Salmos 69:23

Cheꞌmutzꞌokꞌ taxak li xnakꞌ ruheb re nak incꞌaꞌ chic teꞌilok. Sicsotkeb ta li rokeb re nak incꞌaꞌ chic sa teꞌbe̱k.

2 Corintios 3:6

Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

Isaías 25:7

Nak cua̱nkeb saꞌ li tzu̱l Sión li Ka̱cuaꞌ ta̱risi lix rahileb xchꞌo̱l ut li raylal li cuanqueb cuiꞌ. Ut incꞌaꞌ chic teꞌrahokꞌ saꞌ xchꞌo̱leb.

Hechos 15:21

Joꞌcaꞌin ajcuiꞌ naxye li chakꞌrab li quiqꞌueheꞌ re laj Moisés xban li Dios. Ut chalen chak najter cuan li ani najultican re saꞌ eb li cab li nequeꞌxchꞌutub cuiꞌ ribeb laj judío rajlal hiloba̱l cutan, chan laj Jacobo.

2 Corintios 3:15

Chalen anakcuan nak nequeꞌrabi lix chakꞌrab laj Moisés, chanchan nak junak tꞌicr naramoc re lix ya̱lal chiruheb ut incꞌaꞌ nequeꞌxtau ru.

Efesios 4:18

Incꞌaꞌ nequeꞌxtau xya̱lal. Ma̱cꞌaꞌ riqꞌuineb li junelic yuꞌam li naxqꞌue li Dios xban nak incꞌaꞌ nequeꞌraj xnaubal lix ya̱lal ut kꞌaxal cauheb xchꞌo̱l.