2 Corintios 3:10 - Li Santil hu

¹⁰ Li chakꞌrab cuan xlokꞌal junxil. Abanan incꞌaꞌ naxtau xlokꞌal li acꞌ yuꞌam xban nak numtajenak cuiꞌchic xlokꞌal.

Q'eqchi Bible

¹⁰ Xb'aan naq maawa' loq'al li kiwank chaq junxil, wi naqajuntaq'eeta anaqwan rik'in li loq'al a'in q'axal numtajenaq chik xwankil.

2 Corintios 3:10 ပူးပေါင်းရင်းမြစ်များ

2 Pedro 1:17

La̱o xkil riqꞌuin xnakꞌ ku nak li Ka̱cuaꞌ Jesucristo quixcꞌul lix nimanquil ru ut lix lokꞌal riqꞌuin li Dios Acuabej. Ut quikabi xya̱b xcux li Dios nak quixye chak saꞌ lix nimajcual lokꞌal, aꞌan aꞌin li cualal kꞌaxal raro inban. Ut cꞌojcꞌo inchꞌo̱l riqꞌuin, chan.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Hechos 26:13

Chacuabi at rey, li yo̱quin xyebal. Cuaꞌleb re cutan nak quinixsut jun li chanchan xam saꞌ be. Li xam aꞌan quichal chak saꞌ choxa. Nalemtzꞌun. Naxkꞌax ru nak nalemtzꞌun ru li sakꞌe. Quinixsut la̱in ut queꞌsuteꞌ ajcuiꞌ li yo̱queb chi xic chicuix.

Hageo 2:3

“¿Ma toj cuan saꞌ e̱ya̱nk qui-iloc re lin templo junxil? ¿Ma jultic e̱re nak cꞌajoꞌ xchꞌinaꞌusal nak quicuan? ¿Ma nacuulac ta biꞌ che̱ru lin templo chanru nak cuan anakcuan? ¿Ma incꞌaꞌ ta biꞌ nequeril nak ma̱cꞌaꞌ chic xchꞌinaꞌusal joꞌ junxil?”

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Li xHu LAJ JOB 25:5

Li po nalemtzꞌun, joꞌ eb ajcuiꞌ li chahim. Abanan incꞌaꞌ nequeꞌxtau lix lokꞌal li Dios.

2 Corintios 3:9

Cui cuan xlokꞌal li najter chakꞌrab li quicꞌamoc chak li tojba ma̱c saꞌ kabe̱n, kꞌaxal cuiꞌchic numtajenak xlokꞌal li acꞌ yuꞌam li naxqꞌue ke li Santil Musikꞌej li naqꞌuehoc xti̱quilal li kachꞌo̱l chiru li Dios.

2 Corintios 3:11

Cui cuan xlokꞌal li najter chakꞌrab li quinumeꞌ xcuanquil, kꞌaxal cuiꞌchic nim xlokꞌal li acꞌ yuꞌam li cuan chi junelic.