2 Corintios 3:1 - Li Santil hu

¹ ¿Ma yo̱quin ta biꞌ chixnimobresinquil cuib nak nequecꞌoxla la̱ex nak ninye nak la̱in aj cꞌanjel chiru li Dios? ¿Ma tento ta biꞌ nak cua̱nk li kahu joꞌ nequeꞌxba̱nu li jun chꞌol chic re xyebal resil aniheb re nak te̱pa̱b li cꞌaꞌru nequeꞌxye? ¿Ma naru ta biꞌ takapatzꞌ li kahu e̱re la̱ex?

Q'eqchi Bible

¹ Naq naqaye a'an, ma yooko tab'i' chi xnimankil qu? Malaj taaqaj ta qahu re tooxik eerik'in malaj junaq leehu tz'iib'anb'il eeb'aan, kama' neke'xb'aanu eb' li junch'ol?

2 Corintios 3:1 ပူးပေါင်းရင်းမြစ်များ

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

2 Corintios 10:12

Incꞌaꞌ nakaj xba̱nunquil joꞌ nequeꞌxba̱nu li nequeꞌxnimobresi rib riqꞌuin li cꞌaꞌru nequeꞌxba̱nu. Ma̱cꞌaꞌ xnaꞌlebeb. Nequeꞌxnimobresi rib riqꞌuin lix naꞌlebeb xjuneseb rib.

2 Corintios 5:12

Incꞌaꞌ yo̱quin chixyebal aꞌin e̱re re xnimobresinquil cuib. Yo̱quin ban chixqꞌuebal e̱naꞌleb re nak ta̱sahokꞌ e̱chꞌo̱l cuiqꞌuin ut re nak te̱nau xsumenquil li yo̱queb chixnimobresinquil rib riqꞌuin lix yehom xba̱nuhomeb ut incꞌaꞌ nequeꞌxqꞌue xcuanquil li ti̱quil chꞌo̱lej.

Hechos 18:27

Nak ac yo̱ xcꞌoxlanquil xic laj Apolos aran Acaya, eb laj pa̱banel queꞌxqꞌue xcacuil xchꞌo̱l re ta̱xic. Ut queꞌxtzꞌi̱ba jun li hu ut queꞌxtakla reheb laj pa̱banel li cuanqueb aran. Queꞌxye reheb nak teꞌxcꞌul chi sa saꞌ xchꞌo̱l. Ut nak quicuulac aran, laj Apolos quixtenkꞌaheb chi cha̱bil li ac xeꞌpa̱ban xban rusilal li Dios.

1 Corintios 16:3

Ut te̱sicꞌ ruheb li ani teꞌxic Jerusalén chixcanabanquil li tumin. Ut nak tincuulak e̱riqꞌuin, tintzꞌi̱ba li hu teꞌxcꞌam nak teꞌxic Jerusalén chixkꞌaxtesinquil li tumin reheb laj pa̱banel.

2 Corintios 12:19

Ma̱re yal re xcolbal cuib che̱ru nak nequecꞌoxla. Abanan moco joꞌcan ta. Li Dios naxnau chi tzꞌakal nak saꞌ xcꞌabaꞌ li Cristo nina̱tinac. Ex inherma̱n, chixjunil li ninba̱nu, aꞌan re e̱tenkꞌanquil re nak texqꞌui̱k saꞌ le̱ pa̱ba̱l.

2 Corintios 10:8

Ma̱re nequecꞌoxla nak yo̱quin chixnimobresinquil cuib riqꞌuin lin cꞌanjel. Abanan lin cꞌanjel qꞌuebil cue xban li Ka̱cuaꞌ re nak texintenkꞌa. Ma̱cuaꞌ re e̱sachbal. Incꞌaꞌ nincꞌoxlac riqꞌuin li cꞌaꞌru ninba̱nu xban nak li Dios xqꞌue incuanquil chixba̱nunquil.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

1 Corintios 10:33

Joꞌcan nak la̱in ninyal inkꞌe chixba̱nunquil li us re xtenkꞌanquil chixjunileb. La̱in incꞌaꞌ yo̱quin chixsicꞌbal li us chokꞌ cue la̱in injunes. Yo̱quin ban chixsicꞌbal li us chokꞌ reheb chixjunileb re nak ta̱ru̱k teꞌcolekꞌ.

1 Corintios 4:15

Usta cuan laje̱bak mil li nequeꞌchꞌoloban xya̱lal li Cristo che̱ru, abanan la̱in li xinyehoc e̱re resil li colba-ib junxil nak xexpa̱ban. Joꞌcan nak la̱in le̱ yucuaꞌ saꞌ xcꞌabaꞌ li Jesucristo.

1 Corintios 3:10

Xban nak sicꞌbil cuu xban li Dios chi cꞌanjelac chiru joꞌ jun aj tzꞌac cha̱bil, joꞌcan nak xinnau xjolominquil li cꞌanjel. Chanchan nak xinyi̱b xcimiento li cab nak xinye resil li colba-ib ut jalan chic teꞌcablak saꞌ xbe̱n nak teꞌxchꞌolob lix ya̱lal che̱ru. Ut li junju̱nk chixqꞌuehak retal nak tzꞌakal re ru lix cꞌanjel tixba̱nu.

Romanos 16:1

Nacuaj tinye e̱re nak li kaherma̱n lix Febe, aꞌan tzꞌakal aj pa̱banel ut aꞌan aj tenkꞌanel saꞌ li iglesia li cuan aran Cencrea.

2 Corintios 10:18

Cuan li nequeꞌxye ribeb nak cha̱bileb. Abanan ma̱cꞌaꞌ na-oc cuiꞌ li nequeꞌxye. Aꞌ li kꞌaxal lokꞌ, aꞌan nak li Dios tixye nak li jun aꞌan cha̱bil.