2 Corintios 2:7 - Li Santil hu

⁷ Us cui te̱cuy xma̱c anakcuan ut te̱cꞌojob xchꞌo̱l xban nak naru nachꞌinan cuiꞌchic xchꞌo̱l.

Q'eqchi Bible

⁷ jo'kan naq q'axal us raj naq anaqwan teekuy xmaak ut teek'ojob' xch'ool: mare anchal chinumtaaq sa' xb'een li xnimal xrahil xch'ool.

2 Corintios 2:7 ပူးပေါင်းရင်းမြစ်များ

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Colosenses 3:13

Checuyak e̱rib chiribil e̱rib. Ut cui cuan junak cuan xma̱c che̱ru, checuyak xma̱c. Joꞌ nak quixcuy e̱ma̱c li Ka̱cuaꞌ, joꞌcan ajcuiꞌ cheba̱nu la̱ex.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Proverbios 17:22

Junak cristian sa saꞌ xchꞌo̱l, aꞌan naxqꞌue sahil chꞌo̱lej joꞌ li cha̱bil ban. Abanan junak cristian ra saꞌ xchꞌo̱l, aꞌan naxqꞌue xrahil xchꞌo̱l li ras ri̱tzꞌin joꞌ junak yajel.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

1 Ts 4:13

Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni.

Filipenses 2:27

Ya̱l nak quiyajer. Caꞌchꞌin chic ma̱ quicam. Abanan li Dios quiril xtokꞌoba̱l ru ut quiril ajcuiꞌ xtokꞌoba̱l cuu la̱in. Joꞌcan nak quixqꞌuirtesi. Cui ta quicam, kꞌaxal raj cuiꞌchic quixqꞌue xrahil inchꞌo̱l.

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

2 Corintios 5:4

Nak cuanco arin saꞌ ruchichꞌochꞌ riqꞌuin li katzꞌejcual aꞌin, noco-ayaynac xban li raylal nakacꞌul. Incꞌaꞌ raj chic nakaj li katzꞌejcual li na-osoꞌ. Ma̱cuaꞌ xban nak nakaj ca̱mc. Xban nak nakaj ta ac xkatau li katzꞌejcual saꞌ choxa li ta̱cua̱nk chi junelic.

1 Corintios 15:54

Nak acak xjalanoꞌ li katibel li nakꞌa, ut nak acak xjalanoꞌ li kayuꞌam li na-osoꞌ, aran ta̱tzꞌaklok ru li quitzꞌi̱ba̱c chak najter xbaneb li profeta nak queꞌxye chak chi joꞌcaꞌin: Sachbil xcuanquil li ca̱mc chi junaj cua xban nak xnumta xcuanquil li Cristo saꞌ xbe̱n. (Isa. 25:8)

Proverbios 1:12

Chanchan nukꞌbil takaba̱nu nak takacamsiheb. Chanchan teꞌnukꞌekꞌ xban li jul nak takacamsiheb chi ma̱cꞌaꞌ saꞌ xchꞌo̱leb.

Salmos 124:3

Xeꞌxsach raj ku chi junaj cua xbaneb xjoskꞌil. Chanchan raj xoeꞌxnukꞌ chi yoꞌyo nak xeꞌxsach raj ku.

Salmos 21:9

La̱at ta̱qꞌueheb saꞌ xam nak tatcha̱lk chi rakoc a̱tin. Riqꞌuin la̱ joskꞌil, ta̱sacheb ru saꞌ xam.

Salmos 57:3

Aꞌ taxak li Dios chitenkꞌa̱nk chak cue toj saꞌ choxa ut chinixcol taxak chiruheb li nequeꞌrahobtesin cue. Li Ka̱cuaꞌ ta̱qꞌuehok chak cue lix nimal ruxta̱n ut tixba̱nu li cꞌaꞌru naxye.

2 Corintios 2:8

Nintzꞌa̱ma che̱ru nak checꞌutak chiru nak nequera.