2 Corintios 2:14 - Li Santil hu

¹⁴ Nakabantioxi re li Dios xban nak yalak bar nocoxic li Cristo nacꞌamoc be chiku ut naxqꞌue kacuanquilal chi e̱lc chi us riqꞌuin chixjunil. Nak nakachꞌolob xya̱lal li Cristo, chanchan xbo̱c li sununquil ban li naxic yalak bar.

Q'eqchi Bible

¹⁴ B'anyox re li Yos naq sa' xk'ab'a' li Kriist junelik nokooxk'e chi tz'aqonk sa' li x'awab'ejihom ut naxk'e chi nawe'k li Kriist sa' qak'ab'a' laa'o: a'an chanchan xb'ook li sununkil b'an naxik yalaq b'ar.

2 Corintios 2:14 ပူးပေါင်းရင်းမြစ်များ

Romanos 8:37

Aban li Jesucristo nocoxra ut nocoxtenkꞌa chixcuybal ut chixnumsinquil chixjunil li raylal nakacꞌul.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

Romanos 6:17

Junxil cuanquex rubel xcuanquil li ma̱c. Aꞌut anakcuan, bantiox re li Dios, chi anchal e̱chꞌo̱l nequepa̱b li tijleb li xekꞌaxtesi cuiꞌ e̱rib.

2 Corintios 9:15

Bantiox re li Dios nak quixqꞌue ke li ma̱tan li kꞌaxal numtajenak xlokꞌal. Ut li ma̱tan aꞌin, aꞌan li Ka̱cuaꞌ Jesucristo.

Colosenses 2:15

Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb.

Cantares 1:3

Kꞌaxal sa rutzꞌbal li sununquil ban nacacuocsi. Ut la̱ cꞌabaꞌ chanchan li sununquil ban. Joꞌcan nak eb li tukꞌ ixk nacateꞌxra.

Salmos 106:47

At Ka̱cuaꞌ, at nimajcual Dios, choa̱col taxak. Ut choa̱cuisi taxak saꞌ xya̱nkeb li jalaneb xtenamit. Choa̱cꞌam taxak saꞌ li kanaꞌaj re nak naru tobantioxi̱nk cha̱cuu. Chikalokꞌoni taxak a̱cuu chi sa saꞌ kachꞌo̱l.

Romanos 15:19

Xinjultica resil li Jesucristo chiruheb riqꞌuin li milagros ut li sachba chꞌo̱lej ut riqꞌuin xcuanquil li Santil Musikꞌej. Yalak bar quinbeni xyebal resil li colba-ib. Quintiquib Jerusalén, ut quinsuti chixjunileb li naꞌajej toj retal quincuulac Ilírico.

Apocalipsis 7:12

Ut queꞌxye: Lokꞌoninbil taxak li kaDios. Chinima̱k taxak ru. Chiqꞌuehekꞌ taxak xlokꞌal xban nak numtajenak xcuanquil, xnaꞌleb ut xcacuilal. Xcꞌulub nak tobantioxi̱nk chiru chi junelic kꞌe cutan. Joꞌcan taxak.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Salmos 148:14

Li Ka̱cuaꞌ quixnimobresi xcuanquileb laj Israel. Quixqꞌueheb xlokꞌal li ralal xcꞌajol, li sicꞌbil ru xban. ¡Lokꞌoninbil taxak li Ka̱cuaꞌ!

Colosenses 1:6

Chanru nak xerabi resil li colba-ib la̱ex, joꞌcan ajcuiꞌ nak yo̱queb chirabinquil saꞌ chixjunil li ruchichꞌochꞌ. Nabal yo̱queb chi jalac lix naꞌlebeb joꞌ nak xjala le̱ naꞌleb la̱ex chalen nak xerabi resil li colba-ib ut quetau ru chi tzꞌakal li rusilal li Dios.

Filipenses 4:18

Anakcuan cuan chixjunil li cꞌaꞌru nacuaj. Tzꞌakal ajcuiꞌ li cꞌaꞌru cuan cue xban nak xincꞌul lin ra̱bal li xetakla chak cue chirix laj Epafrodito. Li ma̱tan aꞌan li xetakla cue, aꞌan jun cha̱bil mayej li nacuulac chiru li Dios.

Efesios 5:20

Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo riqꞌuin chixjunil li cꞌaꞌru nequecꞌul.

2 Corintios 8:16

Ninbantioxi chiru li Dios xban nak laj Tito naxqꞌue xchꞌo̱l che̱tenkꞌanquil joꞌ nak ninqꞌue inchꞌo̱l la̱in.

2 Corintios 1:11

Abanan nakatzꞌa̱ma ajcuiꞌ che̱ru nak junelic textijok chikix. Cui nabaleb li nequeꞌtijoc chikix, nabaleb ajcuiꞌ li teꞌbantioxi̱nk chiru li Dios nak torosobtesi.

1 Ts 3:9

Incꞌaꞌ nakatau chanru nak takabantioxi chiru li Dios riqꞌuin lix sahil li kachꞌo̱l nequeqꞌue ke saꞌ xcꞌabaꞌ le̱ pa̱ba̱l. Li Dios naxnau nak cꞌajoꞌ xsahil li kachꞌo̱l e̱ban la̱ex.

1 Corintios 15:37

Ma̱cuaꞌ li ratzꞌum li acui̱mk na-auman. Aꞌ li riyajil ban na-auman usta trigo malaj cꞌaꞌ chic ru chi iyajil.

Ezequiel 20:41

Texincꞌul joꞌ li sununquil ban nak texcuisi saꞌ eb li jalan tenamit li quexinjeqꞌui cuiꞌ. Ut la̱in tincꞌutbesi lin santilal saꞌ e̱ya̱nk chiruheb li xni̱nkal ru tenamit.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Romanos 1:8

Xbe̱n cua ninbantioxi chiru li Dios saꞌ xcꞌabaꞌ li Ka̱cuaꞌ Jesucristo xban nak yalak bar na-abiman resil nak tzꞌakal nequepa̱b li Cristo.

1 Corintios 12:8

Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

1 Corintios 15:57

Joꞌcan ut chikabantioxi re li Dios nak ma̱cꞌaꞌ chic xcuanquil li ca̱mc saꞌ kabe̱n saꞌ xcꞌabaꞌ li Ka̱cuaꞌ Jesucristo.

1 Ts 1:8

Anakcuan e̱ban la̱ex nak yalak bar qui-abi̱c resil ra̱tin li Dios. Ma̱cuaꞌ caꞌaj cuiꞌ Macedonia ut Acaya. Qui-abi̱c ban ajcuiꞌ saꞌ chixjunil li naꞌajej. Yalak bar qui-abi̱c resil nak la̱ex xepa̱b li Dios. Joꞌcan nak la̱o incꞌaꞌ chic tento nak takaye resil le̱ pa̱ba̱l.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

2 Timoteo 2:2

Li xya̱lal li xincꞌut cha̱cuu chiruheb nabaleb li cristian, aꞌan ajcuiꞌ chajultica chiruheb li cui̱nk li ti̱queb xchꞌo̱leb re nak eb aꞌan chic teꞌcꞌutuk re chiruheb jalaneb chic.