2 Corintios 2:13 - Li Santil hu

¹³ Abanan nak quincuulac Troas quirahoꞌ inchꞌo̱l xban nak ma̱ ani aran li kaherma̱n Tito chixyebal cue chanru cuanquex. Joꞌcan nak quinchakꞌrabiheb ut quincꞌulun arin saꞌ li naꞌajej Macedonia.

Q'eqchi Bible

¹³ ab'anan ink'a' xk'ojlaak linch'ool, xb'aan naq ink'a' xintaw laj Tito, li wiitz'in. Jo'kan naq xinchaq'rab'iheb' laj Tróada ut xkohin Macedonia.

2 Corintios 2:13 ပူးပေါင်းရင်းမြစ်များ

2 Corintios 12:18

La̱in xintzꞌa̱ma chiru laj Tito nak ta̱xic e̱riqꞌuin ut xintakla li herma̱n chirix. ¿Ma xexbalakꞌi ta biꞌ laj Tito? ¿Ma incꞌaꞌ ta biꞌ junaj li kacꞌaꞌux cuochben laj Tito? ¿Ma incꞌaꞌ ta biꞌ junaj li kanaꞌleb?

Tito 1:4

Yo̱quin chi tzꞌi̱bac a̱cuiqꞌuin, at Tito. La̱at chanchanat tzꞌakal cualal saꞌ xcꞌabaꞌ li kapa̱ba̱l. Chicua̱nk taxak a̱cuiqꞌuin li usilal ut li tuktu̱quilal li naxqꞌue li Dios li kaYucuaꞌ ut li naxqꞌue li Jesucristo laj Colol ke.

2 Timoteo 4:10

Cuanquin injunes arin. Laj Demas xinixcanab xban xrahinquil ru li cꞌaꞌak re ru cuan saꞌ ruchichꞌochꞌ ut xco̱ saꞌ li tenamit Tesalónica. Laj Crescente xco̱ Galacia chi cꞌanjelac ut laj Tito xco̱ saꞌ li naꞌajej Dalmacia.

Gálatas 2:3

Laj Tito ma̱cuaꞌ aj judío. Abanan eb laj cꞌamol be incꞌaꞌ queꞌxmin ru chixcꞌulbal li circuncisión.

Gálatas 2:1

Mokon chic nak ac xnumeꞌ ca̱laju chihab, co̱in cuiꞌchic Jerusalén cuochben laj Bernabé. Ut kacꞌam laj Tito chikix.

2 Corintios 8:23

Cui ani teꞌpatzꞌok chirix laj Tito, te̱ye reheb nak aꞌan cuech aj cꞌanjelil. Cuochben che̱tenkꞌanquil. Ut eb li cuib chic chi herma̱n, aꞌan taklanbileb xbaneb laj pa̱banel. Xban nak ti̱queb xchꞌo̱l saꞌ lix pa̱ba̱l, nequeꞌxqꞌue xlokꞌal li Cristo.

2 Corintios 8:16

Ninbantioxi chiru li Dios xban nak laj Tito naxqꞌue xchꞌo̱l che̱tenkꞌanquil joꞌ nak ninqꞌue inchꞌo̱l la̱in.

2 Corintios 8:6

Joꞌcan nak xkatzꞌa̱ma chiru laj Tito nak ta̱xic cuiꞌchic e̱riqꞌuin re nak textenkꞌa xchoybal li cꞌanjel xetiquib xban xcha̱bilal e̱chꞌo̱l. Aꞌan ajcuiꞌ li quitiquiban re xxocbal li mayej aꞌin.

2 Corintios 7:13

Xban nak xeba̱nu li cꞌaꞌru xinye e̱re, quicꞌojla lin chꞌo̱l. Ut kꞌaxal cuiꞌchic nasahoꞌ lin chꞌo̱l riqꞌuin lix sahil xchꞌo̱l laj Tito e̱riqꞌuin la̱ex nak xeqꞌue xcacuilal xchꞌo̱l.

San Marcos 6:46

Ut nak ac xchakꞌrabiheb li tenamit, li Jesús co̱ chiru tzu̱l chi tijoc.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

Daniel 6:19

Sake̱uc re nak quicuacli li rey ut co̱ saꞌ junpa̱t saꞌ lix naꞌajeb li cakcoj.

Hechos 21:6

Nak corakeꞌ chi tijoc, quikachakꞌrabiheb ut co̱o saꞌ li jucub. Ut eb aꞌan queꞌsukꞌi cuiꞌchic saꞌ li rochocheb.