2 Corintios 2:12 - Li Santil hu

¹² Nak quincuulac saꞌ li tenamit Troas chi cꞌanjelac chiru li Ka̱cuaꞌ, kꞌaxal queꞌxqꞌue xchꞌo̱l chirabinquil nak quinchꞌolob xya̱lal li colba-ib saꞌ xcꞌabaꞌ li Jesucristo.

Q'eqchi Bible

¹² Naq xinwulak Tróada, li Qaawa' xte chiwu jun nimla okeb'aal re xpuktesinkil li xChaab'il Esil li Kriist,

2 Corintios 2:12 ပူးပေါင်းရင်းမြစ်များ

Hechos 16:8

Joꞌcan nak yal queꞌnumeꞌ Misia ut co̱eb Troas.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

Colosenses 4:3

Ut nak yo̱kex chi tijoc, chextijok ajcuiꞌ chak chikix la̱o re nak tixqꞌue ke li Dios xyebal resil li colba-ib saꞌ xcꞌabaꞌ li Cristo. Li xya̱lal li colba-ib, aꞌin mukmu nak quicuan chak. La̱ex nequenau nak cuanquin chi pre̱xil xban xyebal resil li colba-ib.

1 Corintios 16:9

Yo̱ chi e̱lc chi us lin cꞌanjel arin xban nak nabaleb nequeꞌraj rabinquil resil li colba-ib. Abanan cuan ajcuiꞌ li xicꞌ nequeꞌrabi resil li colba-ib.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Hechos 20:8

Cuanqueb nabal li xam lochlo̱queb saꞌ li naꞌajej bar chꞌutchꞌu̱co cuiꞌ toj saꞌ xbe̱n li cab.

Hechos 16:11

Co-el aran Troas ut ti̱c co̱o chiru haꞌ toj Samotracia. Ut cuulajak chic cocuulac Neápolis.

1 Corintios 9:12

Cui la̱ex nequetenkꞌa li jun chꞌol chic li kech aj cꞌanjelil, ¿ma tojaꞌ ta chic la̱o incꞌaꞌ toe̱tenkꞌa? La̱o incꞌaꞌ xkatzꞌa̱ma e̱re nak toe̱tenkꞌa. Xkacuy ban xnumsinquileb li cutan yal chi joꞌcan xban nak la̱o incꞌaꞌ xkaj nak ta̱chꞌina̱nk e̱chꞌo̱l chirabinquil li resil li Cristo.

1 Corintios 9:14

Joꞌ nak nequeꞌtenkꞌa̱c eb laj judío li nequeꞌcꞌanjelac saꞌ rochoch li Dios, joꞌcan ajcuiꞌ nak teꞌxcꞌul lix tenkꞌanquileb li yo̱queb chi cꞌanjelac chiru li Dios anakcuan xban nak joꞌcan quixye li Ka̱cuaꞌ.

1 Corintios 9:16

La̱in incꞌaꞌ ninnimobresi cuib xban nak ninchꞌolob xya̱lal li colba-ib. Taklanbilin chi cꞌanjelac xban li Dios. Kꞌaxal ra raj chokꞌ cue cui ta incꞌaꞌ ninjultica resil.

2 Corintios 4:3

Cui incꞌaꞌ natauman ru lix ya̱lal li colba-ib li nakachꞌolob la̱o, aꞌ li incꞌaꞌ nequeꞌxtau ru, aꞌan eb li nequeꞌsach.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

2 Corintios 8:18

Yo̱co chixtaklanquil jun chic li herma̱n e̱riqꞌuin rochben laj Tito. Aꞌan naꞌno ru xbaneb chixjunileb laj pa̱banel yalak bar xban nak cha̱bil li cꞌanjel naxba̱nu re xchꞌolobanquil lix ya̱lal li colba-ib.

2 Corintios 9:13

Ut nequeꞌxqꞌue ajcuiꞌ xlokꞌal li Dios xban nak cau e̱chꞌo̱l la̱ex saꞌ le̱ pa̱ba̱l. Moco caꞌaj cuiꞌ ta riqꞌuin nak nequeye nak nequexpa̱ban nak nacꞌutun le̱ pa̱ba̱l. Nacꞌutun ban ajcuiꞌ xban nak nequeqꞌue e̱chꞌo̱l chixtenkꞌanquileb li ma̱cꞌaꞌ cuanqueb re. Ut chi joꞌcan nequetenkꞌa chixjunileb laj pa̱banel.

2 Corintios 10:14

La̱in li xbe̱n quincuulac e̱riqꞌuin chixchꞌolobanquil resil li colba-ib saꞌ xcꞌabaꞌ li Jesucristo. Ut incꞌaꞌ xinba̱nu li ma̱cuaꞌ cue xba̱nunquil. Tenebanbil saꞌ inbe̱n xban li Dios xyebal resil li colba-ib e̱re.

2 Corintios 11:4

Nincꞌoxlac che̱rix xban nak cuan li nequeꞌcuulac saꞌ e̱ya̱nk ut nequeqꞌue e̱chꞌo̱l chirabinquil li cꞌaꞌru nequeꞌxye, usta jalan nequeꞌxcꞌut che̱ru chirix li Jesucristo. Ut nequepa̱b li cꞌaꞌru nequeꞌxye usta jalan nequeꞌxye chirix li Santil Musikꞌej. Ut naxcꞌul e̱chꞌo̱l nak jalan nequeꞌxcꞌut che̱ru chirix li colba-ib li ac xepa̱b xbe̱n cua.

2 Corintios 11:7

La̱in xinchꞌolob che̱ru lix ya̱lal li ra̱tin li Dios ut ma̱cꞌaꞌ cꞌaꞌru xexinchꞌiꞌchꞌiꞌi cuiꞌ. Yal chi ma̱tan xinchꞌolob lix ya̱lal li colba-ib che̱ru ut xincubsi incuanquil re nak texcolekꞌ. ¿Ma ra ta biꞌ xinba̱nu e̱re?

1 Ts 3:2

Ut xkatakla li hermano Timoteo e̱riqꞌuin. Aꞌan laj cꞌanjel chiru li Dios chixyebal resil li colba-ib saꞌ xcꞌabaꞌ li Cristo. Laj Timoteo tixqꞌue xcacuilal e̱chꞌo̱l saꞌ le̱ pa̱ba̱l ut tixqꞌue ajcuiꞌ e̱naꞌleb.