2 Corintios 2:11 - Li Santil hu

¹¹ Takacuy xma̱c re nak laj tza incꞌaꞌ ta̱numta̱k saꞌ kabe̱n xban nak chikajunilo ac nakanau nak aꞌan cuan xnaꞌleb chi balakꞌic.

Q'eqchi Bible

¹¹ re naq ink'a' tooxb'alaq'i laj tza: ak naqanaw k'aru li xna'leb'.

2 Corintios 2:11 ပူးပေါင်းရင်းမြစ်များ

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

San Lucas 22:31

Ut quixye li Ka̱cuaꞌ: —At Simón, laj tza ac xpatzꞌ xlese̱ns re nak tixyal rix le̱ pa̱ba̱l joꞌ nak nachikꞌeꞌ ru li trigo re risinquil li rix.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

2 Corintios 11:14

Misach e̱chꞌo̱l chirabinquil aꞌan. Joꞌcan ajcuiꞌ naxba̱nu laj tza. Cuan nak naxcꞌutbesi rib joꞌ ángel ut chanchan naxcutanobresi li kanaꞌleb.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Li xHu LAJ JOB 2:3

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal. Usta la̱at xaye cue nak tincanab chixcꞌulbal li raylal re chi ma̱cꞌaꞌ rajbal, abanan laj Job toj cuan saꞌ ti̱quilal ut toj cau xchꞌo̱l cuiqꞌuin, chan li Dios.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

San Juan 13:2

Li Jesús yo̱ chi cuaꞌac rochbeneb lix tzolom. Laj tza ac xqꞌue saꞌ xchꞌo̱l laj Judas li ralal laj Simón Iscariote nak tixkꞌaxtesi li Jesús saꞌ rukꞌeb li xicꞌ nequeꞌiloc re.

Apocalipsis 2:24

Ma̱cꞌaꞌ tinye e̱re re e̱kꞌusbal la̱ex aj Tiatira li joꞌ qꞌuialex incꞌaꞌ xetzol e̱rib riqꞌuin li tijleb li nequeꞌxchꞌolob eb aꞌan, xban nak aꞌan xma̱us aj naꞌleb laj tza.

Hechos 1:25

Aꞌan tixcꞌul xcuanquil chi cꞌanjelac chokꞌ apóstol. Tixba̱nu li cꞌanjel li quixtzꞌekta̱na laj Judas xban li incꞌaꞌ us quixba̱nu. Laj Judas co̱ saꞌ li naꞌajej chixtojbal xma̱c bar xcꞌulub cuiꞌ xic, chanqueb.

Li xHu LAJ JOB 2:9

Ut li rixakil quixye re: —¿Ma toj nacacuaj xba̱nunquil li us? ¿Cꞌaꞌut nak incꞌaꞌ ta̱tzꞌekta̱na li Dios ut tatca̱mk? chan re.

Apocalipsis 13:8

Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.

Li xHu LAJ JOB 1:11

Cui la̱at ta̱cuisi chixjunil li cꞌaꞌru cuan re chiru, aran ta̱cuil ma incꞌaꞌ na tatxmajecua saꞌ xnakꞌ a̱cuu, chan laj tza.

Li xHu LAJ JOB 2:5

Qꞌue junak yajel saꞌ lix tibel ut aran ta̱cuil ma incꞌaꞌ na tatxtzꞌekta̱na, chan.