2 Corintios 2:10 - Li Santil hu

¹⁰ Cui te̱cuy xma̱c aꞌan la̱in tincuy ajcuiꞌ xma̱c. Li ani te̱cuy xma̱c la̱ex, tincuy ajcuiꞌ xma̱c la̱in. Cui ani nincuy xma̱c, aꞌan ninba̱nu re e̱tenkꞌanquil ajcuiꞌ la̱ex. Ut li Cristo naxnau nak ninba̱nu chi anchal inchꞌo̱l.

Q'eqchi Bible

¹⁰ Ut li teekuy xmaak laa'ex, tinkuy ajwi' xmaak laa'in. Xb'aan naq, wi wank junaq xinkuy xmaak laa'in, eeraab'al laa'ex naq xinb'aanu, sa' xk'ab'a' li Kriist,

2 Corintios 2:10 ပူးပေါင်းရင်းမြစ်များ

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

1 Corintios 5:4

Kꞌaxal us raj nak te̱chꞌutub e̱rib saꞌ xcꞌabaꞌ li Jesucristo ut te̱cꞌu̱b cꞌaꞌru te̱ba̱nu chirix aꞌan. Chanchan nak cua̱nkin e̱riqꞌuin xban nak yo̱quin chi tijoc che̱rix. Ut lix nimal xcuanquil li Jesucristo chicua̱nk e̱riqꞌuin ut chextenkꞌa.

San Juan 20:23

Li ani te̱cuy xma̱c la̱ex, ta̱cuyekꞌ ajcuiꞌ xma̱c xban li Dios. Ut li ani incꞌaꞌ te̱cuy xma̱c la̱ex, incꞌaꞌ ajcuiꞌ ta̱cuyekꞌ xma̱c xban li Dios, chan li Jesús.

San Mateo 18:18

Relic chi ya̱l tinye e̱re nak chixjunil li cꞌaꞌru te̱cꞌu̱b ru saꞌ xya̱lal saꞌ ruchichꞌochꞌ, li Dios tixcꞌu̱b ajcuiꞌ ru saꞌ choxa. Li cꞌaꞌru te̱ye us arin saꞌ ruchichꞌochꞌ, li Dios tixye ajcuiꞌ nak us. Ut li cꞌaꞌru te̱ye incꞌaꞌ us, li Dios tixye ajcuiꞌ nak incꞌaꞌ us.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.