2 Corintios 13:5 - Li Santil hu

⁵ Qꞌuehomak retal le̱ yuꞌam. ¿Ma tzꞌakal re ru le̱ yuꞌam? ¿Ma chi anchal e̱chꞌo̱l nequexpa̱ban? ¿Ma incꞌaꞌ ta biꞌ nequenau chi tzꞌakal nak li Cristo cuan e̱riqꞌuin? ¿Malaj ut toj ma̱jiꞌ nequexpa̱ban?

Q'eqchi Bible

⁵ K'ehomaq reetal leeyu'am ma tz'aqal yookex sa' li paab'aal. Yalomaq eerix. Ma ink'a' nekek'e reetal naq li Jesukriist wank eerik'in? Mare anchal ak xk'utunk sa' xyalb'al eerix naq ink'a' us leech'ool.

2 Corintios 13:5 ပူးပေါင်းရင်းမြစ်များ

Lamentaciones 3:40

Chikaqꞌuehak retal chi us cꞌaꞌru takaba̱nu. Chikajal li kacꞌaꞌux ut chosukꞌi̱k riqꞌuin li Ka̱cuaꞌ.

1 Corintios 11:28

Joꞌcan ut li junju̱nk tento tixqꞌue retal ma ti̱c lix yuꞌam saꞌ lix pa̱ba̱l nak toj ma̱jiꞌ naxcꞌul li caxlan cua ut li ucꞌa.

1 Corintios 9:27

Nintacuasi cuib ut ninqꞌue inchꞌo̱l chi cꞌanjelac. Incꞌaꞌ ninba̱nu li nacuaj la̱in. Ninba̱nu ban li naraj li Dios. Incꞌaꞌ nacuaj nak la̱in chic incꞌaꞌ tincꞌul lin ma̱tan mokon nak acak xinye resil li colba-ib reheb li cuas cui̱tzꞌin.

Apocalipsis 2:5

Cheqꞌuehak retal cꞌaꞌru xexpaltoꞌ cuiꞌ. Chijulticokꞌ e̱re chanru nak xine̱ra chak junxil. Yotꞌomak e̱chꞌo̱l ut jalomak e̱cꞌaꞌux ut chine̱rahak cuiꞌchic joꞌ nak xine̱ra chak junxil. Cui incꞌaꞌ ta̱yotꞌekꞌ e̱chꞌo̱l ut te̱jal e̱cꞌaꞌux, la̱in tincuisi le̱ candelero saꞌ xnaꞌaj chi junpa̱t.

Gálatas 6:4

Li junju̱nk chixqꞌuehak retal li cꞌaꞌru naxba̱nu. Cui us li naxba̱nu, chisahokꞌ xchꞌo̱l riqꞌuin li cꞌaꞌru naxba̱nu ut incꞌaꞌ ta̱cꞌoxlak chirix li naxba̱nu li jun chic.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

1 Corintios 11:31

Abanan cui nakecꞌa kib nak ti̱c li kayuꞌam nak nakatzaca incꞌaꞌ tento nak li Ka̱cuaꞌ tixrak a̱tin saꞌ kabe̱n.

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

Salmos 26:2

At Ka̱cuaꞌ, at inDios, chacuil taxak chanru lin yuꞌam. Chacuil taxak chanru lin cꞌaꞌux ut chacuil taxak chanru lin naꞌleb.

Romanos 8:10

Cui li Cristo cuan e̱riqꞌuin, usta ac tenebanbil li ca̱mc saꞌ e̱be̱n xban li ma̱c, yoꞌyo le̱ musikꞌ xban nak ti̱cobresinbil chic le̱ chꞌo̱l xban li Dios.

Salmos 119:59

Xinqꞌue retal nak incꞌaꞌ us xinba̱nu. Joꞌcan nak xin-oc xba̱nunquil li cꞌaꞌru naxye saꞌ la̱ chakꞌrab.

Hageo 1:7

Li nimajcual Dios quixye reheb: —Checꞌoxla chi us li cꞌaꞌru yo̱quex chixba̱nunquil.

Hebreos 4:1

Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.

1 Corintios 9:24

Nequexinjuntakꞌe̱ta riqꞌuineb li nequeꞌxyal xkꞌe chi a̱linac. ¿Ma incꞌaꞌ ta biꞌ nequenau nak eb li nequeꞌa̱linac chixjunileb nequeꞌxyal xkꞌe chi a̱linac? Abanan jun ajcuiꞌ naxcꞌul xma̱tan. Joꞌcan ut la̱ex cheqꞌuehak e̱chꞌo̱l chi pa̱ba̱nc re nak te̱cꞌul e̱ma̱tan riqꞌuin li Dios.

1 Corintios 3:16

¿Ma incꞌaꞌ ta biꞌ nequenau nak la̱ex rochochex li Dios? ¿Ma incꞌaꞌ ta biꞌ nequenau nak li Santil Musikꞌej cuan e̱riqꞌuin?

Hageo 1:5

Li nimajcual Dios quixye reheb: —Checꞌoxla chi us li cꞌaꞌru yo̱quex chixba̱nunquil.

San Juan 15:4

Cua̱nkex cuiqꞌuin ut la̱in cua̱nkin e̱riqꞌuin. Joꞌ li rukꞌ li cheꞌ, cui incꞌaꞌ letzlo riqꞌuin lix to̱nal, incꞌaꞌ naru nau̱chin. Joꞌcan ajcuiꞌ la̱ex. Cui incꞌaꞌ cua̱nkex cuiqꞌuin, incꞌaꞌ ta̱ru̱k texqꞌui̱k saꞌ le̱ pa̱ba̱l.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Tito 2:2

Chaqꞌueheb xnaꞌleb li che̱quel cui̱nk re nak incꞌaꞌ teꞌcala̱k ut cha̱bilakeb xnaꞌleb. Toj cheꞌxcꞌoxla chi us li cꞌaꞌru teꞌxba̱nu ut cheꞌpa̱ba̱nk chi anchaleb xchꞌo̱l. Chixjunil li teꞌxba̱nu, cheꞌxba̱nuhak xban nak nequeꞌxra li ras ri̱tzꞌin ut cheꞌxcuyak li raylal.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

San Juan 17:26

La̱in xincꞌut chiruheb anihat la̱at ut toj tinchꞌolob cuiꞌchic chiruheb re nak teꞌrahok joꞌ nak niquina̱ra la̱at, ut la̱in tincua̱nk riqꞌuineb, chan li Jesús nak quitijoc.

San Juan 17:23

La̱in cua̱nkin riqꞌuineb ut la̱at cua̱nkat cuiqꞌuin re nak junajak chic ruheb chi tzꞌakal kiqꞌuin. Ut xban nak junajak chic ruheb kiqꞌuin, eb li incꞌaꞌ nequeꞌpa̱ban teꞌxqꞌue retal nak la̱at xattaklan chak cue ut teꞌxqꞌue ajcuiꞌ retal nak la̱at nacaraheb joꞌ nak niquina̱ra la̱in.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

Colosenses 2:7

Chexpa̱ba̱nk chi anchal e̱chꞌo̱l ut chetzolak e̱rib riqꞌuin li Cristo. Cauhak e̱chꞌo̱l chixpa̱banquil li cꞌaꞌru tzolbilex cuiꞌ ut junelic chexbantioxi̱nk chiru li Dios.

Colosenses 1:27

Li Dios quiraj nak la̱ex li ma̱cuaꞌex aj judío, te̱nau nak e̱re ajcuiꞌ li colba-ib. Li resil aꞌan mukmu nak quicuan chak. Abanan anakcuan nanauman nak lix ya̱lal li lokꞌlaj esil, aꞌan aꞌin: Nak li Cristo cuan e̱riqꞌuin ut saꞌ xcꞌabaꞌ aꞌan textzꞌako̱nk riqꞌuin lix nimal xlokꞌal li Dios.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Gálatas 4:19

Ex inherma̱n, chanchanex incocꞌal nak nequexcuil. Cꞌajoꞌ nak nayotꞌeꞌ inchꞌo̱l saꞌ e̱cꞌabaꞌ la̱ex. Chanchan li raylal li naxcꞌul li ixk li cua̱nc re xcꞌulaꞌal. Cꞌajoꞌ narahoꞌ inchꞌo̱l nak toj ma̱jiꞌ nequekꞌaxtesi e̱rib chi tzꞌakal rubel rok rukꞌ li Cristo.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

1 Corintios 6:19

¿Ma incꞌaꞌ nequenau nak la̱ex rochochex li Santil Musikꞌej xban nak li Santil Musikꞌej li quixqꞌue e̱re li Dios cuan e̱riqꞌuin? Joꞌcan nak moco la̱ex ta nequetakla e̱rib e̱junes. La̱ex rehex chic li Dios.

1 Corintios 6:2

¿Ma incꞌaꞌ nequenau nak saꞌ jun cutan la̱o aj pa̱banel torakok a̱tin saꞌ xbe̱neb chixjunileb li cuanqueb saꞌ ruchichꞌochꞌ? Ut cui la̱o torakok a̱tin saꞌ xbe̱neb li cuanqueb saꞌ ruchichꞌochꞌ, ¿cꞌaꞌut nak incꞌaꞌ ta̱ru̱k takayi̱b ru li kachꞌaꞌajquilal saꞌ xya̱lal chi kibil kib?

San Juan 6:56

Li ani naxtzaca lin tibel ut narucꞌ lin quiqꞌuel, li jun aꞌan cuan chi sum a̱tin cuiqꞌuin ut la̱in cuanquin chi sum a̱tin riqꞌuin aꞌan.

San Juan 6:6

Quixye chi joꞌcan yal re rilbal cꞌaꞌ na ru tixye laj Felipe xban nak ac cuan saꞌ xchꞌo̱l li Jesús nak tixqꞌue xcuaheb.

1 Pedro 5:9

Me̱qꞌue e̱rib chi a̱le̱c xban laj tza. Cauhak ban e̱chꞌo̱l saꞌ le̱ pa̱ba̱l. Michꞌinan e̱chꞌo̱l nak ta̱cha̱lk junak raylal saꞌ e̱be̱n. Nequenau nak ma̱cuaꞌ caꞌaj cuiꞌ la̱ex yo̱quex chi cꞌuluc raylal. Joꞌcan ajcuiꞌ nequeꞌxcꞌul le̱ rech aj pa̱banelil yalak bar jun sut saꞌ ruchichꞌochꞌ.

Hebreos 6:8

Aban li ani incꞌaꞌ naxba̱nu re li naxye li ra̱tin li Dios, aꞌan chanchan li chꞌochꞌ junes qꞌuix ut yibru pim na-el chiru; ma̱cꞌaꞌ na-oc cuiꞌ li chꞌochꞌ aꞌan. Li ani incꞌaꞌ naxba̱nu li naraj li Dios, tzꞌekta̱nanbileb xban li Dios ut cꞌatbil nak teꞌosokꞌ.

Ezequiel 18:28

Xban nak quixqꞌue retal nak moco us ta nak yo̱ chi kꞌetoc a̱tin, joꞌcan nak quixcanab xba̱nunquil li ma̱usilal. Relic chi ya̱l li jun aꞌan ta̱cua̱nk xyuꞌam. Incꞌaꞌ ta̱ca̱mk.

1 Corintios 6:15

¿Ma incꞌaꞌ nequenau nak la̱o aj pa̱banel joꞌ li rok rukꞌ li Ka̱cuaꞌ Jesucristo? ¿Ma ta̱ru̱k ta biꞌ takajunaji kib riqꞌuineb li ixk li nequeꞌxcꞌayi rib? Ma̱ jokꞌe naru xban nak la̱o rok rukꞌ li Cristo ut junajo chic riqꞌuin nak cuanco.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Tito 1:13

Ut ya̱l ajcuiꞌ li quixye. Joꞌcan nak cau chakꞌuseb re nak teꞌcacuu̱k xchꞌo̱leb saꞌ lix pa̱ba̱leb.

2 Timoteo 3:8

Eb a cui̱nk aꞌan yo̱queb chixba̱nunquil joꞌ queꞌxba̱nu laj Janes ut laj Jambres nak queꞌxcuechꞌi rix laj Moisés. Nequeꞌxtzꞌekta̱na li ya̱l. Incꞌaꞌ useb lix naꞌlebeb ut ma̱cꞌaꞌ nequeꞌoc cuiꞌ xban nak tzꞌekta̱nanbil li pa̱ba̱l xbaneb.

1 Timoteo 2:15

Li Dios quixye nak li ixk riqꞌuin raylal ta̱qꞌuiresi̱nk. Abanan, cua̱nkeb xyuꞌam chi junelic cui cauhakeb xchꞌo̱l saꞌ lix pa̱ba̱leb ut cui nequeꞌrahoc ut cui cuanqueb saꞌ ti̱quilal ut saꞌ tuktu̱quilal.

Colosenses 2:19

Eb aꞌan moco cuanqueb ta rubel xcuanquil li Cristo. Joꞌcan nak nequeꞌxba̱nu li bar cuan nequeꞌraj eb aꞌan. Abanan la̱o aj pa̱banel, junajo riqꞌuin li Cristo ut cau kachꞌo̱l riqꞌuin xban nak aꞌan najolomin ke. Ut aꞌan ajcuiꞌ natenkꞌan ke chi qꞌui̱c saꞌ li kapa̱ba̱l joꞌ naraj li Dios.

Jeremías 6:30

Lin tenamit chanchaneb li plata li tzꞌekta̱nanbil xban nak ac xintzꞌekta̱naheb, chan li Ka̱cuaꞌ.