2 Corintios 13:2 - Li Santil hu

² Nak quincuulac xcaꞌ sut e̱riqꞌuin, quinqꞌueheb chak xnaꞌlebeb li yo̱queb chi ma̱cobc joꞌ ajcuiꞌ che̱junilex. Ut anakcuan ma̱ anihin saꞌ e̱ya̱nk ut tinchꞌolob cuiꞌchic xya̱lal che̱ru. Nak tincuulak cuiꞌchic e̱riqꞌuin, la̱in tebinkꞌus chi cau li ani incꞌaꞌ us yo̱queb chixba̱nunquil. Incꞌaꞌ chic teꞌcuil xtokꞌoba̱l ru.

Q'eqchi Bible

² Ak inyehom chaq sa' xkab' inwulajik, reheb' li xe'maakob'k jo'wi' reheb' chixjunil, ut ninye wi' chik anaqwan naq maa'anihin sa' eeyanq: wi tinwulaq wi' chik sa' eeyanq, ink'a' tinkuyuq maak.

2 Corintios 13:2 ပူးပေါင်းရင်းမြစ်များ

2 Corintios 1:23

La̱in incꞌaꞌ xcuaj e̱kꞌusbal. Joꞌcan nak incꞌaꞌ xco̱in e̱riqꞌuin aran Corinto. Li Dios naxnau nak ya̱l li yo̱quin chixyebal.

2 Corintios 13:10

Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

2 Corintios 12:14

Anakcuan ac xincauresi cuib re nak tinxic e̱riqꞌuin saꞌ rox sut. Abanan incꞌaꞌ texinchꞌiꞌchꞌiꞌi riqꞌuin cꞌaꞌru cue. Ma̱cuaꞌ li cꞌaꞌru e̱re ninra. La̱ex ban li nequexinra. Ma̱cuaꞌeb li cocꞌal li nequeꞌchꞌolanin re li yucuaꞌbej. Aꞌ li yucuaꞌbej, aꞌan li nachꞌolanin reheb li ralal xcꞌajol.