2 Corintios 13:10 - Li Santil hu

¹⁰ Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

Q'eqchi Bible

¹⁰ Xintz'iib'a a'in naq maa'anihin sa' eeyanq, re naq ink'a' texinkawil'aatina naq wanqin eerik'in, jo' chanru li wankil k'eeb'il we xb'aan li Qaawa' re kab'lak ut ink'a' re juk'uk.

2 Corintios 13:10 ပူးပေါင်းရင်းမြစ်များ

2 Corintios 10:8

Ma̱re nequecꞌoxla nak yo̱quin chixnimobresinquil cuib riqꞌuin lin cꞌanjel. Abanan lin cꞌanjel qꞌuebil cue xban li Ka̱cuaꞌ re nak texintenkꞌa. Ma̱cuaꞌ re e̱sachbal. Incꞌaꞌ nincꞌoxlac riqꞌuin li cꞌaꞌru ninba̱nu xban nak li Dios xqꞌue incuanquil chixba̱nunquil.

2 Corintios 2:3

Joꞌcan nak xintzꞌi̱ba li hu li xintakla e̱riqꞌuin. Incꞌaꞌ xco̱in e̱riqꞌuin xban nak incꞌaꞌ xcuaj xrahoꞌ inchꞌo̱l e̱ban la̱ex li xeqꞌue raj xsahil inchꞌo̱l. Ninnau nak nasahoꞌ ajcuiꞌ e̱chꞌo̱l la̱ex cui sa saꞌ inchꞌo̱l la̱in.

Tito 1:13

Ut ya̱l ajcuiꞌ li quixye. Joꞌcan nak cau chakꞌuseb re nak teꞌcacuu̱k xchꞌo̱leb saꞌ lix pa̱ba̱leb.

2 Corintios 13:8

La̱o incꞌaꞌ naru nakapoꞌ ru li ya̱l. Nococꞌanjelac ban re xqꞌuebal xcuanquil li ya̱l.

2 Corintios 10:2

Joꞌcan nak incꞌaꞌ nacuaj a̱tinac chi cau. Usan cui nak tincuulak e̱riqꞌuin incꞌaꞌ tento nak toj tina̱tinak e̱riqꞌuin chi cau. La̱in naru ajcuiꞌ nequebinsume li nequeꞌa̱tinac chicuix ut nequeꞌxye nak li cꞌaꞌru yo̱quin chixba̱nunquil, aꞌan yal xnaꞌleb cui̱nk.

1 Corintios 4:21

La̱in ninpatzꞌ e̱re cꞌaꞌru te̱raj. ¿Ma te̱raj nak texinkꞌus chi cau nak tincuulak e̱riqꞌuin? ¿Malaj ut te̱yi̱b le̱ yuꞌam re nak tincuulak riqꞌuin rahoc ut tu̱lanil?

2 Corintios 13:2

Nak quincuulac xcaꞌ sut e̱riqꞌuin, quinqꞌueheb chak xnaꞌlebeb li yo̱queb chi ma̱cobc joꞌ ajcuiꞌ che̱junilex. Ut anakcuan ma̱ anihin saꞌ e̱ya̱nk ut tinchꞌolob cuiꞌchic xya̱lal che̱ru. Nak tincuulak cuiꞌchic e̱riqꞌuin, la̱in tebinkꞌus chi cau li ani incꞌaꞌ us yo̱queb chixba̱nunquil. Incꞌaꞌ chic teꞌcuil xtokꞌoba̱l ru.

1 Corintios 5:4

Kꞌaxal us raj nak te̱chꞌutub e̱rib saꞌ xcꞌabaꞌ li Jesucristo ut te̱cꞌu̱b cꞌaꞌru te̱ba̱nu chirix aꞌan. Chanchan nak cua̱nkin e̱riqꞌuin xban nak yo̱quin chi tijoc che̱rix. Ut lix nimal xcuanquil li Jesucristo chicua̱nk e̱riqꞌuin ut chextenkꞌa.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.

2 Corintios 10:4

Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.