2 Corintios 12:7 - Li Santil hu

⁷ Li Dios incꞌaꞌ quiraj nak tinnimobresi cuib xban li kꞌaxal lokꞌ quilajxcꞌutbesi chak chicuu. Joꞌcan nak quiqꞌueheꞌ jun li raylal saꞌ inbe̱n. Chanchan li cuan qꞌuix saꞌ intibel nak nacuecꞌa. Aꞌan xtakl laj tza re inrahobtesinquil. Cuan li raylal aꞌin re nak incꞌaꞌ tinnimobresi cuib.

Q'eqchi Bible

⁷ Jo'kan utan, re naq ink'a' tinnimob'resi wib' xb'aan li q'axal loq' xk'utb'esiik chiwu, xk'eemank jun li tiq'leb' sa' linjunxaqalil, jun xtaql laj tza xpaq'lenk we chi ruq', re naq ink'a' tinnimob'resi wib'.

2 Corintios 12:7 ပူးပေါင်းရင်းမြစ်များ

Números 33:55

Abanan cui incꞌaꞌ te̱risiheb saꞌ li naꞌajej li cuanqueb cuiꞌ anakcuan, raylal te̱cꞌul mokon xbaneb. Chanchanakeb lix cꞌaj li cheꞌ x-oc saꞌ xnakꞌ e̱ru, malaj ut chanchanakeb li qꞌuix saꞌ le̱ tibel. Ra te̱cꞌul xbaneb nak ac cua̱nkex chic saꞌ li naꞌajej aꞌan.

Jueces 2:3

Joꞌcan nak la̱in ninye e̱re nak incꞌaꞌ tincuisiheb li tenamit che̱ru saꞌ li naꞌajej aꞌin. Xicꞌ tex-ilekꞌ xbaneb ut texqꞌuehekꞌ chi ma̱cobc xbaneb lix dioseb, chan li ángel.

Gálatas 4:13

La̱ex nequenau nak xban nak quinyajer, quincana Galacia. Joꞌcan nak quiru quinye resil li evangelio e̱re xbe̱n cua.

Daniel 5:20

Abanan qui-isi̱c saꞌ xcuanquil xban nak quixkꞌetkꞌeti rib ut quixcacuubresi lix chꞌo̱l. Xban lix kꞌetkꞌetil kꞌaxal cuiꞌchic quixnimobresi rib. Joꞌcan nak qui-isi̱c saꞌ xcuanquil ut qui-isi̱c ajcuiꞌ lix lokꞌal.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

Génesis 32:31

Xban nak quibokꞌe xbakel li raꞌ, naye̱kan chic li rok laj Jacob nak qui-el saꞌ li naꞌajej Peniel. Yo̱ chak chi e̱lc li sakꞌe nak qui-el aran.

Li xHu LAJ JOB 2:7

Ut laj tza qui-el riqꞌuin li Ka̱cuaꞌ. Ut quixtakla jun li yajel yibru saꞌ xbe̱n laj Job ut quixoxoꞌ chixjunil li rix.

1 Timoteo 3:6

Tento nak laj cꞌamol be acak xqꞌui saꞌ lix pa̱ba̱l. Ma̱re anchal tixnimobresi rib ut ta̱tꞌanekꞌ saꞌ li tojbal ma̱c quitꞌaneꞌ cuiꞌ laj tza.

2 Crónicas 26:16

Abanan nak quiniman chi us lix cuanquil laj Uzías, quixnimobresi rib xjunes rib. Ut xban aꞌan quixqꞌue rib saꞌ raylal. Quixkꞌet li ra̱tin li Ka̱cuaꞌ lix Dios ut qui-oc saꞌ lix templo li Ka̱cuaꞌ re nak tixcꞌat li pom saꞌ xbe̱n li artal li nacꞌatman cuiꞌ li pom.

Deuteronomio 8:14

Nak acak xtam li cꞌaꞌru e̱re, incꞌaꞌ taxak te̱nimobresi e̱rib. Ut incꞌaꞌ taxak ta̱sachk saꞌ e̱chꞌo̱l nak li Ka̱cuaꞌ le̱ Dios, aꞌan li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Génesis 32:25

Li cui̱nk quiril nak cau rib laj Jacob ut incꞌaꞌ quixcuy xmetzꞌe̱u. Quixtochꞌ laj Jacob saꞌ xcꞌulbal rib xbakel li raꞌ. Ut quibokꞌe xbakel li raꞌ laj Jacob nak yo̱ chixyalbal xmetzꞌe̱u.

2 Corintios 11:20

Cui nequexrahobtesi̱c yal nequecuy. Cui namakꞌeꞌ li cꞌaꞌru e̱re che̱ru, ma̱cꞌaꞌ nequeye. Cui nequexbalakꞌi̱c, yal nequecanab chi joꞌcan. Ut cui nequeꞌxkꞌetkꞌeti rib che̱ru, aꞌan chic li nacuulac che̱ru. Ut cui nasaqꞌueꞌ saꞌ xnakꞌ e̱ru, yal nequecuy.

1 Corintios 4:11

Toj chalen anakcuan yo̱co chixcuybal kasaꞌ ut ta̱chakik ke. Ma̱cꞌaꞌ chic kakꞌ. Sacꞌbilo ut ma̱cꞌaꞌ kochoch.

Ezequiel 28:24

Incꞌaꞌ chic teꞌcꞌuluk raylal eb laj Israel xbaneb li cuanqueb chixjun sutam. Incꞌaꞌ chic teꞌxcꞌul raylal xbaneb li tenamit aꞌan, li chanchaneb qꞌuix. Chi moco teꞌtzꞌekta̱na̱k chic xbaneb. Ut eb aꞌan teꞌxqꞌue retal nak la̱in li Ka̱cuaꞌ li nimajcual Dios.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

Deuteronomio 17:20

Incꞌaꞌ tixnimobresi rib chiruheb li rech tenamitil. Ut incꞌaꞌ tixcanab xba̱nunquil li cꞌaꞌru naxye li chakꞌrab. Tixqꞌue ban xchꞌo̱l chixba̱nunquil chi tzꞌakal re ru saꞌ e̱ya̱nk la̱ex aj Israel re nak najt ta̱cua̱nk saꞌ lix cuanquil joꞌ eb ajcuiꞌ li ralal xcꞌajol.

2 Corintios 10:5

Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

San Lucas 13:16

Li ixk aꞌin, aꞌan xcomoneb li ralal xcꞌajol laj Abraham. Ac cuan cuakxaklaju chihab roquic laj tza xchꞌiꞌchꞌiꞌinquil. Cui la̱ex nequehit le̱ bo̱yx saꞌ li hiloba̱l cutan, ¿ma incꞌaꞌ ta biꞌ ta̱ru̱k tinqꞌuirtesi li ixk aꞌin saꞌ li hiloba̱l cutan? chan.

San Mateo 26:67

Tojoꞌnak cuan queꞌchu̱ban re saꞌ ru. Ut cuan queꞌsacꞌoc re ut cuan queꞌpakꞌlen re chi rukꞌeb.

Li xHu LAJ JOB 2:6

Joꞌcan nak li Ka̱cuaꞌ Dios quixye re laj tza: —Us. Ma̱cꞌaꞌ naxye. Ba̱nu li cꞌaꞌru ta̱cuaj re, abanan incꞌaꞌ ta̱camsi, chan li Ka̱cuaꞌ.

Oseas 2:6

Joꞌcan nak tinram lix be chiru. Tintzꞌap lix be riqꞌuin qꞌuix ut riqꞌuin corral tzꞌac.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

2 Corintios 10:10

Cuan li nequeꞌa̱tinac chicuix ut nequeꞌxye chi joꞌcaꞌin: “Laj Pablo naxtzꞌi̱ba lix hu riqꞌuin cacuil a̱tin re nak toxucuak xban. Abanan nak cuan saꞌ kaya̱nk, yo̱ xxiu ut ma̱cꞌaꞌ na-oc cuiꞌ li cꞌaꞌru naxye,” chanqueb chicuix.

2 Corintios 12:1

Ninnau nak ma̱cꞌaꞌ tinra chirix nak tinnimobresi cuib. Abanan cui tento nak tinba̱nu, nacuaj xserakꞌinquil e̱re cꞌaꞌru quicuil chanchan matqꞌuenbil quinba̱nu. Ut nacuaj xserakꞌinquil cꞌaꞌru quixcꞌutbesi chicuu li Ka̱cuaꞌ.