2 Corintios 12:18 - Li Santil hu

¹⁸ La̱in xintzꞌa̱ma chiru laj Tito nak ta̱xic e̱riqꞌuin ut xintakla li herma̱n chirix. ¿Ma xexbalakꞌi ta biꞌ laj Tito? ¿Ma incꞌaꞌ ta biꞌ junaj li kacꞌaꞌux cuochben laj Tito? ¿Ma incꞌaꞌ ta biꞌ junaj li kanaꞌleb?

Q'eqchi Bible

¹⁸ Xinb'oq laj Tito ut xintaqla eerik'in rochb'een li qiitz'in jun chik. Ma xexxb'alaq'i tab'i' laj Tito? Ma ink'a' tab'i' xook'anjelak chi juntaq'eet li qana'leb' ut li qak'a'uxl?

2 Corintios 12:18 ပူးပေါင်းရင်းမြစ်များ

2 Corintios 8:6

Joꞌcan nak xkatzꞌa̱ma chiru laj Tito nak ta̱xic cuiꞌchic e̱riqꞌuin re nak textenkꞌa xchoybal li cꞌanjel xetiquib xban xcha̱bilal e̱chꞌo̱l. Aꞌan ajcuiꞌ li quitiquiban re xxocbal li mayej aꞌin.

Romanos 4:12

Ut laj Abraham xyucuaꞌeb ajcuiꞌ li queꞌxcꞌul li circuncisión. Ma̱cuaꞌ caꞌaj cuiꞌ xban nak queꞌxcꞌul li circuncisión. Xyucuaꞌeb aj ban cuiꞌ xban nak queꞌxpa̱b li Dios joꞌ nak quixpa̱b li Dios laj Abraham nak toj ma̱jiꞌ naxcꞌul li circuncisión.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

2 Corintios 7:2

Nintzꞌa̱ma che̱ru nak choe̱ra. Ma̱cꞌaꞌ xkaba̱nu e̱re. Ma̱ ani xkaba̱nu raylal re ut ma̱ ani xkapoꞌ xchꞌo̱l ut ma̱ ani xkabalakꞌi.

Nehemías 5:14

Ac yo̱ chic junmay chihab roquic laj Artajerjes chokꞌ rey nak quinixxakab chi takla̱nc saꞌ xbe̱neb laj Judá. Chalen saꞌ li cutan aꞌan toj quicuulac li cablaju xcaꞌcꞌa̱l (32) chihab roquic chokꞌ rey, chi moco la̱in, chi moco li cuechꞌalal kacꞌul li tzacae̱mk li kacꞌulub raj xtzacanquil joꞌ queꞌxtzaca li nequeꞌtaklan. Chiru li cablaju chihab nak cuanquin chi takla̱nc incꞌaꞌ quinpuersi li tzacae̱mk incꞌulub raj xcꞌulbal.

Números 16:15

Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

1 Corintios 4:21

La̱in ninpatzꞌ e̱re cꞌaꞌru te̱raj. ¿Ma te̱raj nak texinkꞌus chi cau nak tincuulak e̱riqꞌuin? ¿Malaj ut te̱yi̱b le̱ yuꞌam re nak tincuulak riqꞌuin rahoc ut tu̱lanil?