2 Corintios 11:9 - Li Santil hu

⁹ Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

Q'eqchi Bible

⁹ Ut naq xinwank chaq sa' eeyanq ut xinkanaak sa' rajb'al ru, maa'ani xinch'i'ch'i'i. A'eb' li was wiitz'in li xe'chalk Macedonia xe'k'ehok we li namajelo'k chiwu. Rik'in chixjunil ink'a' xwaj eech'i'ch'i'inkil, ut ink'a' ajwi' texinch'i'ch'i'i.

2 Corintios 11:9 ပူးပေါင်းရင်းမြစ်များ

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

1 Ts 2:6

Chi moco xkasicꞌ ta kalokꞌal riqꞌuineb li cristian, chi moco e̱riqꞌuin chi moco riqꞌuineb jalan, usta xru raj xkaye e̱re nak te̱qꞌue kalokꞌal xban nak la̱o x-apóstol li Jesucristo.

Hebreos 11:37

Cuan queꞌcamsi̱c chi pec ut cuan queꞌseteꞌ riqꞌuin jachleb cheꞌ. Queꞌyaleꞌ ra̱lenquil aban incꞌaꞌ queꞌxtzꞌekta̱na li Dios. Ut cuan ajcuiꞌ queꞌcamsi̱c riqꞌuin kꞌesnal chꞌi̱chꞌ. Quilajeꞌxbeni rib yalak bar ut riqꞌuin rix chiba̱t ut rix carner queꞌxyi̱b li rakꞌeb. Nebaꞌeb ut rahobtesinbileb. Kꞌaxal ra queꞌxcꞌul.

Filipenses 2:25

Ut nincꞌoxla ajcuiꞌ nak tento tintakla li herma̱n Epafrodito e̱riqꞌuin. Aꞌan naxqꞌue ajcuiꞌ xchꞌo̱l chi cꞌanjelac cuochben ut aꞌan li xetakla chak chintenkꞌanquil saꞌ e̱cꞌabaꞌ la̱ex.

2 Corintios 9:12

Ma̱cuaꞌ caꞌaj cuiꞌ xtenkꞌanquileb li herma̱n yo̱quex nak nequeba̱nu li usilal aꞌin. Yo̱quex ban ajcuiꞌ xqꞌuebal xlokꞌal li Dios xban nak eb li herma̱n nequeꞌbantioxin chiru li Dios e̱ban la̱ex.

2 Corintios 6:4

Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

Hechos 18:3

Ut quicana rochbeneb chi cꞌanjelac xban nak juntakꞌe̱t li cꞌanjel nequeꞌxba̱nu. Nequeꞌyi̱ban tꞌicr re muheba̱l.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Hechos 18:5

Nak ac xeꞌsukꞌi chak laj Silas ut laj Timoteo Macedonia, laj Pablo quixkꞌaxtesi rib chi junaj cua chixchꞌolobanquil lix ya̱lal reheb laj judío nak li Jesús, aꞌan li Cristo, laj Colonel li yechiꞌinbil xban li Dios.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

1 Corintios 16:17

Nasahoꞌ saꞌ inchꞌo̱l nak xeꞌcꞌulun cuiqꞌuin laj Estéfanas ut laj Fortunato ut laj Acaico. Eb aꞌan xeꞌtenkꞌan cue chokꞌ e̱ru̱chil la̱ex nak ma̱ anihex cuiqꞌuin.