2 Corintios 11:2 - Li Santil hu

² La̱in kꞌaxal nequexincꞌoxla joꞌ nak li Dios nequexcꞌoxla. Ut nacuaj nak caꞌaj cuiꞌ li Cristo te̱ta̱ke. Joꞌ nak li yucuaꞌbej naxkꞌaxtesi lix rabin chi sumla̱c riqꞌuin jun chi cui̱nk, joꞌcan ajcuiꞌ nak xexinkꞌaxtesi riqꞌuin li Cristo. Aꞌan joꞌ li be̱lomej.

Q'eqchi Bible

² Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

2 Corintios 11:2 ပူးပေါင်းရင်းမြစ်များ

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Ezequiel 44:22

Eb laj tij incꞌaꞌ naru teꞌsumla̱k riqꞌuin junak xma̱lcaꞌan, chi moco naru teꞌsumla̱k riqꞌuin junak ixk xjachom rib riqꞌuin lix be̱lom. Naru teꞌsumla̱k riqꞌuin junak tukꞌ ixk aj Israel li ma̱jiꞌ cuanjenak riqꞌuin cui̱nk, malaj ut riqꞌuin junak xma̱lcaꞌan aj tij.

Filipenses 1:8

Li Dios naxnau nak cꞌajoꞌ nequexinra. Ut li rahoc aꞌin, aꞌan qꞌuebil cue xban li Cristo.

Romanos 7:4

Joꞌcan ajcuiꞌ la̱o, ex inherma̱n. Xban nak xkapa̱b li Jesucristo chanchan kochben nak quicam li Cristo. Ut ma̱cꞌaꞌ chic xcuanquil lix chakꞌrab laj Moisés saꞌ kabe̱n. Ut ma̱cꞌaꞌo chic rubel xcuanquil li chakꞌrab. La̱o reho chic li Cristo li quicuacli cuiꞌchic chi yoꞌyo saꞌ xya̱nkeb li camenak re nak tocꞌanjelak chiru li Dios.

2 Corintios 4:14

Nakanau nak li Dios quicuaclesin cuiꞌchic re chi yoꞌyo li Ka̱cuaꞌ Jesucristo. Joꞌcan ajcuiꞌ la̱o. Nakanau nak toxcuaclesi cuiꞌchic chi yoꞌyo joꞌ nak quixcuaclesi li Jesucristo ut toxcꞌam riqꞌuin kochbenakex la̱ex.

1 Corintios 4:15

Usta cuan laje̱bak mil li nequeꞌchꞌoloban xya̱lal li Cristo che̱ru, abanan la̱in li xinyehoc e̱re resil li colba-ib junxil nak xexpa̱ban. Joꞌcan nak la̱in le̱ yucuaꞌ saꞌ xcꞌabaꞌ li Jesucristo.

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.