2 Corintios 11:16 - Li Santil hu

¹⁶ Jun sut chic tinye e̱re nak cherabihak li cꞌaꞌru tinye. Ma̱ jun taxak e̱re tixcꞌoxla nak ma̱cꞌaꞌ innaꞌleb. Abanan cui nequecꞌoxla nak ma̱cꞌaꞌ innaꞌleb, cherabi li cua̱tin joꞌ nak nequex-abin chiruheb li ma̱cꞌaꞌeb xnaꞌleb. ¿Ma incꞌaꞌ ta biꞌ raj ta̱ru̱k tina̱tinak chirix lin cuanquil la̱in?

Q'eqchi Bible

¹⁶ Jun sut chik tinye naq maa'ani chixk'oxla naq laa'in maak'a' inna'leb'; ab'anan us ta maak'a' inna'leb' cheru laa'ex, chineekuyaq re naq tinnima ajwi' b'ayaq wib'.

2 Corintios 11:16 ပူးပေါင်းရင်းမြစ်များ

2 Corintios 11:1

Usan cui tine̱cuy chic caꞌchꞌinak usta to̱ntil a̱tin che̱ru la̱ex li cꞌaꞌru tinye ut cherabihak li cꞌaꞌru tinye e̱re.

2 Corintios 12:6

La̱in naru raj tinnimobresi cuib xban nak ya̱l li cꞌaꞌru quicuabi chak, abanan incꞌaꞌ ninba̱nu re nak ma̱ ani tixcꞌoxla nak kꞌaxal nim incuanquil. Caꞌaj cuiꞌ li nacuaj, aꞌan nak la̱ex te̱qꞌue retal lin yehom inba̱nuhom.

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

2 Corintios 11:19

La̱ex cuan raj e̱naꞌleb nak nequerecꞌa e̱rib. Abanan nequeqꞌue e̱chꞌo̱l chirabinquil li cꞌaꞌru nequeꞌxye li ma̱cꞌaꞌeb xnaꞌleb.

2 Corintios 5:13

Cuan nequeꞌyehoc nak incꞌaꞌ tuktu kajolom. Abanan li cꞌaꞌru nakaba̱nu, aꞌan re xqꞌuebal xlokꞌal li Dios. Cui la̱ex nequecꞌoxla nak tuktu kajolom, us, xban nak us chokꞌ e̱re la̱ex li cꞌaꞌru nakaba̱nu.

2 Corintios 12:1

Ninnau nak ma̱cꞌaꞌ tinra chirix nak tinnimobresi cuib. Abanan cui tento nak tinba̱nu, nacuaj xserakꞌinquil e̱re cꞌaꞌru quicuil chanchan matqꞌuenbil quinba̱nu. Ut nacuaj xserakꞌinquil cꞌaꞌru quixcꞌutbesi chicuu li Ka̱cuaꞌ.