2 Corintios 11:10 - Li Santil hu

¹⁰ Xban nak li Cristo cuan cuiqꞌuin, joꞌcan nak ninye li ya̱l ut saꞌ chixjunil li naꞌajej Acaya, chixjunileb teꞌnaꞌok re nak incꞌaꞌ xinqꞌue saꞌ e̱be̱n intenkꞌanquil.

Q'eqchi Bible

¹⁰ Sa' xk'ab'a' li Kriist li wank wik'in, ninye li yaal: maa'ani taamaq'oq chiwu li xnimankil wu sa' xteepal Akaya.

2 Corintios 11:10 ပူးပေါင်းရင်းမြစ်များ

Romanos 9:1

Yo̱quin chixyebal lix ya̱lal xban nak ninpa̱b li Jesucristo. Incꞌaꞌ ninticꞌtiꞌic. Nacuecꞌa saꞌ lin chꞌo̱l nak ya̱l li ninye ut li Santil Musikꞌej nacꞌutuc chicuu nak ya̱l.

Romanos 1:9

Nincꞌanjelac chiru li Dios ut chi anchal inchꞌo̱l ninye resil li Ka̱cuaꞌ Jesucristo li Ralal li Dios. Li Dios naxnau nak junelic yo̱quin chi tijoc che̱rix.

Hechos 18:12

Nak laj Galión cua̱nk chi takla̱nc aran Acaya, eb laj judío queꞌxcꞌu̱b ru chi ribileb rib nak teꞌxchap laj Pablo. Queꞌxchap ut queꞌxcꞌam saꞌ po̱pol re nak ta̱rakekꞌ a̱tin saꞌ xbe̱n.

2 Corintios 1:23

La̱in incꞌaꞌ xcuaj e̱kꞌusbal. Joꞌcan nak incꞌaꞌ xco̱in e̱riqꞌuin aran Corinto. Li Dios naxnau nak ya̱l li yo̱quin chixyebal.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

1 Ts 2:5

La̱ex nequenau nak ma̱ jun cua xoa̱tinac e̱riqꞌuin yal re e̱kꞌunbesinquil. Li Dios naxnau nak la̱o incꞌaꞌ xoa̱tinac e̱riqꞌuin yal xban nak cuan li cꞌaꞌru nakaj.

Gálatas 1:20

Li Dios naxnau nak tzꞌakal ya̱l li cꞌaꞌru yo̱quin chixtzꞌi̱banquil saꞌ li hu aꞌin.

2 Corintios 12:19

Ma̱re yal re xcolbal cuib che̱ru nak nequecꞌoxla. Abanan moco joꞌcan ta. Li Dios naxnau chi tzꞌakal nak saꞌ xcꞌabaꞌ li Cristo nina̱tinac. Ex inherma̱n, chixjunil li ninba̱nu, aꞌan re e̱tenkꞌanquil re nak texqꞌui̱k saꞌ le̱ pa̱ba̱l.

2 Corintios 11:31

Li Acuabej Dios, lix Yucuaꞌ li Ka̱cuaꞌ Jesucristo naxnau nak incꞌaꞌ ninticꞌtiꞌic. Lokꞌoninbil taxak li Dios chi junelic kꞌe cutan.

2 Corintios 11:12

Ut incꞌaꞌ tincanab xba̱nunquil li yo̱quin chixba̱nunquil xban nak cuan li nequeꞌxye nak juntakꞌe̱t lix cꞌanjeleb riqꞌuin lin cꞌanjel la̱in. Incꞌaꞌ tincanab cꞌanjelac chi ma̱tan xban nak incꞌaꞌ nacuaj nak teꞌxjuntakꞌe̱ta ribeb cuiqꞌuin.

2 Corintios 10:15

Incꞌaꞌ ninnimobresi cuib riqꞌuin li cꞌanjel li nequeꞌxba̱nu li jun chꞌol chic. La̱in nacuaj raj nak texqꞌui̱k saꞌ le̱ pa̱ba̱l re nak tine̱tenkꞌa chixyebal resil li colba-ib yalak bar. Abanan incꞌaꞌ tinxic bar moco qꞌuebil ta cue re tinxic.

2 Corintios 9:2

Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.

2 Corintios 1:1

La̱in laj Pablo. Sicꞌbil cuu xban li Dios chokꞌ x-apóstol li Jesucristo xban nak joꞌcan quiraj li Dios. Cuochben laj Timoteo li kech aj pa̱banelil. Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto ut reheb ajcuiꞌ chixjunileb laj pa̱banel li cuanqueb saꞌ chixjunil li naꞌajej Acaya.

1 Corintios 16:15

Ex inherma̱n, la̱ex ac nequenau nak laj Estéfanas ut li rixakil joꞌqueb ajcuiꞌ li ralal xcꞌajol, aꞌaneb li xbe̱n queꞌpa̱ban aran Acaya. Eb aꞌan queꞌxqꞌue xchꞌo̱l chi cꞌanjelac chiruheb li rech aj pa̱banelil.

Romanos 16:5

Cheqꞌue ajcuiꞌ xsahil xchꞌo̱leb li herma̱n li nequeꞌxchꞌutub rib saꞌ li rochoch laj Aquila ut lix Priscila. Cheqꞌue xsahil xchꞌo̱l laj Epeneto, li raro inban. Aꞌan li xbe̱n li quixpa̱b li Jesucristo aran Acaya.

Hechos 18:27

Nak ac yo̱ xcꞌoxlanquil xic laj Apolos aran Acaya, eb laj pa̱banel queꞌxqꞌue xcacuil xchꞌo̱l re ta̱xic. Ut queꞌxtzꞌi̱ba jun li hu ut queꞌxtakla reheb laj pa̱banel li cuanqueb aran. Queꞌxye reheb nak teꞌxcꞌul chi sa saꞌ xchꞌo̱l. Ut nak quicuulac aran, laj Apolos quixtenkꞌaheb chi cha̱bil li ac xeꞌpa̱ban xban rusilal li Dios.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.