2 Corintios 10:3 - Li Santil hu

³ Ya̱l nak cui̱nko. Abanan incꞌaꞌ yo̱co chi pletic joꞌ nequeꞌxba̱nu li kech cui̱nkilal arin saꞌ ruchichꞌochꞌ. Riqꞌuin ban li ma̱usilal yo̱co chi pletic.

Q'eqchi Bible

³ Yaal naq wanko sa' ruuchich'och', ab'anan ink'a' naqayal qu jo' naraj li ruuchich'och'.

2 Corintios 10:3 ပူးပေါင်းရင်းမြစ်များ

2 Corintios 10:4

Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Romanos 8:13

Cui toj yo̱quex chixba̱nunquil li naxrahi ru le̱ chꞌo̱l, texca̱mk. Aban cui riqꞌuin e̱tenkꞌanquil xban li Santil Musikꞌej, te̱canab xba̱nunquil le̱ yehom e̱ba̱nuhom li quilaje̱ba̱nu chak junxil, ta̱cua̱nk e̱yuꞌam chi junelic.

2 Timoteo 4:7

Xinyal inkꞌe chixba̱nunquil li cha̱bil cꞌanjel. Xinqꞌue inchꞌo̱l chixba̱nunquil chi tzꞌakal li tenebanbil saꞌ inbe̱n xba̱nunquil ut chi anchal inchꞌo̱l xinpa̱ban.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

Romanos 7:5

Junxil xkaba̱nu chak li cꞌaꞌru incꞌaꞌ us li quixrahi chak ru li kachꞌo̱l. Li chakꞌrab quixcꞌut chiku cꞌaꞌru li incꞌaꞌ us ut aꞌ chic li incꞌaꞌ us quicuulac chiku xba̱nunquil. Ut riqꞌuin xba̱nunquil aꞌan cuan li ca̱mc.

Romanos 8:4

Li Cristo quixsach xcuanquil li ma̱c re nak naru takaba̱nu li ti̱quilal joꞌ naxye saꞌ li chakꞌrab. Incꞌaꞌ chic takaba̱nu li naxrahi ru li kachꞌo̱l. Anakcuan takaba̱nu li cꞌaꞌru naxye li Santil Musikꞌej.

2 Corintios 1:17

¿Cꞌaꞌru nequecꞌoxla chirix aꞌin? ¿Ma incꞌaꞌ ta biꞌ nincꞌoxla chi us li cꞌaꞌru ninye? ¿Ma yal xcab rix inchꞌo̱l ta biꞌ li cꞌaꞌru yo̱quin chixba̱nunquil? ¿Ma ho̱n ta biꞌ ninye us ut junpa̱t chic tinye incꞌaꞌ joꞌ nequeꞌxba̱nu li ma̱jiꞌ nequeꞌxpa̱b li Cristo?