2 Corintios 10:18 - Li Santil hu

¹⁸ Cuan li nequeꞌxye ribeb nak cha̱bileb. Abanan ma̱cꞌaꞌ na-oc cuiꞌ li nequeꞌxye. Aꞌ li kꞌaxal lokꞌ, aꞌan nak li Dios tixye nak li jun aꞌan cha̱bil.

Q'eqchi Bible

¹⁸ Moko li naxye rib' naq chaab'il, a'an taak'ule'q; a' b'an li nanimaak xloq'al xb'aan li Qaawa'.

2 Corintios 10:18 ပူးပေါင်းရင်းမြစ်များ

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Proverbios 21:2

Eb li cristian nequeꞌxcꞌoxla nak us chixjunil li nequeꞌxba̱nu. Abanan li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Romanos 2:29

Li tzꞌakal aj judío naxpa̱b chi tzꞌakal lix chakꞌrab li Dios. Ut li tzꞌakal circuncisión incꞌaꞌ nacꞌulman riqꞌuin xba̱nunquil li chakꞌrab. Aꞌan ban li naxba̱nu li Santil Musikꞌej saꞌ li ra̱m li junju̱nk. Ut lix lokꞌal laj pa̱banel incꞌaꞌ naqꞌueheꞌ xbaneb li cui̱nk. Li Dios ban naqꞌuehoc xlokꞌal.

2 Corintios 10:12

Incꞌaꞌ nakaj xba̱nunquil joꞌ nequeꞌxba̱nu li nequeꞌxnimobresi rib riqꞌuin li cꞌaꞌru nequeꞌxba̱nu. Ma̱cꞌaꞌ xnaꞌlebeb. Nequeꞌxnimobresi rib riqꞌuin lix naꞌlebeb xjuneseb rib.

San Juan 12:43

Aꞌ chic li lokꞌal li nequeꞌxqꞌue li tenamit queꞌxqꞌue xcuanquil. Ut incꞌaꞌ queꞌxqꞌue xcuanquil li lokꞌal li naxqꞌue li Dios.

Proverbios 27:2

Me̱qꞌue e̱lokꞌal e̱junes e̱rib. Kꞌaxal us nak jalan teꞌqꞌuehok e̱lokꞌal.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

2 Corintios 13:7

La̱in junelic nintzꞌa̱ma chiru li Dios nak incꞌaꞌ te̱ba̱nu li incꞌaꞌ us. Incꞌaꞌ nintzꞌa̱ma aꞌan re nak ta̱cꞌutu̱nk nak cha̱bil li cꞌanjel ninba̱nu saꞌ e̱ya̱nk. Re ban nak tzꞌakalak re ru le̱ yuꞌam. Nacuaj nak te̱ba̱nu li us usta incꞌaꞌ naqꞌueheꞌ xcuanquil li cꞌanjel li ninba̱nu saꞌ e̱ya̱nk.

2 Corintios 6:4

Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

Romanos 14:18

Joꞌcan nak li ani nacꞌanjelac chiru li Cristo saꞌ ti̱quilal ut chi sa saꞌ xchꞌo̱l, li Dios nasahoꞌ xchꞌo̱l riqꞌuin. Ut naqꞌueheꞌ ajcuiꞌ xlokꞌal xbaneb li ras ri̱tzꞌin.

2 Timoteo 2:15

Chaqꞌuehak a̱chꞌo̱l chi cꞌanjelac chiru li Dios joꞌ junak tzꞌakal aj cꞌanjel ma̱cꞌaꞌ cꞌaꞌru ta̱xuta̱na̱k cuiꞌ. Chachꞌolobak chi tzꞌakal resil li colba-ib chiruheb.

2 Corintios 5:12

Incꞌaꞌ yo̱quin chixyebal aꞌin e̱re re xnimobresinquil cuib. Yo̱quin ban chixqꞌuebal e̱naꞌleb re nak ta̱sahokꞌ e̱chꞌo̱l cuiqꞌuin ut re nak te̱nau xsumenquil li yo̱queb chixnimobresinquil rib riqꞌuin lix yehom xba̱nuhomeb ut incꞌaꞌ nequeꞌxqꞌue xcuanquil li ti̱quil chꞌo̱lej.

2 Corintios 3:1

¿Ma yo̱quin ta biꞌ chixnimobresinquil cuib nak nequecꞌoxla la̱ex nak ninye nak la̱in aj cꞌanjel chiru li Dios? ¿Ma tento ta biꞌ nak cua̱nk li kahu joꞌ nequeꞌxba̱nu li jun chꞌol chic re xyebal resil aniheb re nak te̱pa̱b li cꞌaꞌru nequeꞌxye? ¿Ma naru ta biꞌ takapatzꞌ li kahu e̱re la̱ex?

1 Corintios 11:19

Nak nacuan li cuechꞌi̱nc ib saꞌ e̱ya̱nk, riqꞌuin aꞌan nacꞌutun ani li tzꞌakal aj pa̱banel ut ani incꞌaꞌ.

Romanos 16:10

Cheqꞌue xsahil xchꞌo̱l laj Apeles. Aꞌan incꞌaꞌ quichꞌinan xchꞌo̱l saꞌ lix pa̱ba̱l nak quiyaleꞌ ra̱lenquil. Ut cheqꞌue xsahil xchꞌo̱leb li cuanqueb saꞌ rochoch laj Aristóbulo.

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.