2 Corintios 10:1 - Li Santil hu

¹ Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

Q'eqchi Bible

^1-2 Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

2 Corintios 10:1 ပူးပေါင်းရင်းမြစ်များ

2 Corintios 10:10

Cuan li nequeꞌa̱tinac chicuix ut nequeꞌxye chi joꞌcaꞌin: “Laj Pablo naxtzꞌi̱ba lix hu riqꞌuin cacuil a̱tin re nak toxucuak xban. Abanan nak cuan saꞌ kaya̱nk, yo̱ xxiu ut ma̱cꞌaꞌ na-oc cuiꞌ li cꞌaꞌru naxye,” chanqueb chicuix.

San Mateo 11:29

Cꞌulumak li yugo li tinqꞌue saꞌ e̱be̱n ut tzolomak e̱rib cuiqꞌuin xban nak tu̱lanin ut kꞌun inchꞌo̱l ut te̱tau xcꞌojobanquil e̱chꞌo̱l,

Gálatas 5:2

La̱in laj Pablo. Qꞌuehomak retal li yo̱quin chixyebal e̱re. Cui toj nequecꞌul li circuncisión re nak ta̱ti̱cobresi̱k e̱chꞌo̱l, aꞌan naraj naxye nak ma̱cꞌaꞌ na-oc cuiꞌ che̱ru li Cristo.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

2 Corintios 11:30

Cui tento tina̱tinak chirix lin cꞌanjel, tina̱tinak chirix li cꞌaꞌ re ru li naxcꞌut nak ma̱cꞌaꞌ incuanquil injunes re nak incꞌaꞌ ta̱nima̱k cuu la̱in.

1 Corintios 2:3

Nak cuanquin e̱riqꞌuin ninsicsot xban inxiu nak yo̱quin chi a̱tinac e̱riqꞌuin xban nak incꞌaꞌ cau inchꞌo̱l.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

Filemón 1:9

Abanan incꞌaꞌ tinmin a̱cuu chixba̱nunquil. Tintzꞌa̱ma ban li usilal cha̱cuu xban nak nakara kib. La̱in ac xinti̱x ut cuanquin chi pre̱xil saꞌ xcꞌabaꞌ li Cristo.

2 Ts 3:17

La̱in laj Pablo. Riqꞌuin cuukꞌ yo̱quin chixtzꞌi̱banquil lin cꞌabaꞌ joꞌ cꞌaynakin chixba̱nunquil rajlal nak nintzꞌi̱ba li hu. Aꞌan retalil nak la̱in xintaklan re li hu aꞌin. Ut yo̱quin chixtaklanquil xsahil e̱chꞌo̱l.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Gálatas 4:13

La̱ex nequenau nak xban nak quinyajer, quincana Galacia. Joꞌcan nak quiru quinye resil li evangelio e̱re xbe̱n cua.

2 Corintios 12:5

Naru raj tinnimobresi cuib riqꞌuin li cꞌaꞌru quicuabi chak saꞌ choxa. Abanan caꞌaj cuiꞌ tina̱tinak chirix li cꞌaꞌru naxcꞌut nak ma̱cꞌaꞌ incuanquil injunes xban nak yal cui̱nkin.

2 Corintios 11:21

¿Ma xuta̱nal ta biꞌ chokꞌ cue nak incꞌaꞌ naru ninba̱nu e̱re joꞌ nequeꞌxba̱nu eb aꞌan? Anakcuan tina̱tinak e̱riqꞌuin joꞌ nequeꞌxba̱nu li ma̱cꞌaꞌeb xnaꞌleb ut tinye e̱re aꞌin: Cui cuan li nequeꞌxnimobresi rib riqꞌuin lix yehom xba̱nuhom, ta̱ru̱k raj ajcuiꞌ tinnimobresi cuib la̱in.

2 Corintios 10:7

La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.

2 Corintios 10:2

Joꞌcan nak incꞌaꞌ nacuaj a̱tinac chi cau. Usan cui nak tincuulak e̱riqꞌuin incꞌaꞌ tento nak toj tina̱tinak e̱riqꞌuin chi cau. La̱in naru ajcuiꞌ nequebinsume li nequeꞌa̱tinac chicuix ut nequeꞌxye nak li cꞌaꞌru yo̱quin chixba̱nunquil, aꞌan yal xnaꞌleb cui̱nk.

2 Corintios 7:4

Cau inchꞌo̱l e̱riqꞌuin ut nasahoꞌ inchꞌo̱l xyebal e̱resilal. Cꞌojcꞌo inchꞌo̱l e̱ban. Usta yo̱quin chixcꞌulbal li raylal, abanan kꞌaxal sa saꞌ inchꞌo̱l.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

2 Corintios 5:20

Joꞌcan ut nak la̱o taklanbilo saꞌ xcꞌabaꞌ li Jesucristo. Li Dios naxtoꞌoni lix tzꞌu̱mal ke re nak ta̱a̱tinak e̱riqꞌuin. Saꞌ xcꞌabaꞌ li Jesucristo nakatzꞌa̱ma che̱ru nak checꞌamak e̱rib saꞌ usilal riqꞌuin li Dios.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.

1 Corintios 4:10

La̱ex nequecꞌoxla nak ma̱cꞌaꞌ kanaꞌleb xban nak nakachꞌolob resil li Cristo ut la̱ex cuan e̱naꞌleb xban nak nequenau nabal chirix li Cristo nak nequecꞌoxla. La̱o ma̱cꞌaꞌ kacuanquil ut la̱ex cuan e̱cuanquil nak nequecꞌoxla. Saꞌ e̱chꞌo̱l la̱ex nak la̱ex nequex-oxlokꞌi̱c ut la̱o tzꞌekta̱nanbilo.

Romanos 15:15

Abanan saꞌ li hu aꞌin cau caꞌchꞌin li a̱tin xintzꞌi̱ba e̱riqꞌuin re nak incꞌaꞌ ta̱sachk saꞌ e̱chꞌo̱l li xinye. Ninba̱nu aꞌin saꞌ xcꞌabaꞌ lin cꞌanjel li quixqꞌue cue li Dios.

Romanos 10:20

Laj Isaías cau xchꞌo̱l chixyebal li cꞌaꞌru quixye li Dios nak quixye: Aꞌ chic li incꞌaꞌ yo̱queb chinsicꞌbal, aꞌaneb chic li xeꞌtaꞌoc cue. Quincꞌutbesi cuib chiruheb li incꞌaꞌ yo̱queb chinsicꞌbal. (Isa. 65:1) Aꞌan li quixye li Dios chirixeb li ma̱cuaꞌeb aj judío.

Hechos 8:32

Ut li hu li yo̱ chirilbal xsaꞌ, aꞌan li quixtzꞌi̱ba li profeta Isaías. Naxye chi joꞌcaꞌin: Nak yo̱ xrahobtesinquil, quixcubsi rib ut ma̱ jun a̱tin quixye joꞌ jun carner nak quicꞌameꞌ chi camsi̱c. Chanchan nak naxcanab rib li carner chi besecꞌ li rix chiruheb li nequeꞌbesoc re, joꞌcan quixba̱nu aꞌan. Ut ma̱ jun a̱tin quixye.

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Salmos 45:4

Taken chirix la̱ cacua̱y ut tatxic chi pletic riqꞌuin lix nimal la̱ cuanquilal. Tatpletik re xcolbal rix li ya̱l, li tu̱lanil ut li ti̱quilal. Riqꞌuin xnimal la̱ cuanquilal tatnumta̱k saꞌ xbe̱neb li xicꞌ nequeꞌiloc a̱cue.

1 Corintios 4:21

La̱in ninpatzꞌ e̱re cꞌaꞌru te̱raj. ¿Ma te̱raj nak texinkꞌus chi cau nak tincuulak e̱riqꞌuin? ¿Malaj ut te̱yi̱b le̱ yuꞌam re nak tincuulak riqꞌuin rahoc ut tu̱lanil?

Efesios 3:1

La̱in laj Pablo. Cuanquin chi pre̱xil xban nak nincꞌanjelac chiru li Cristo, ut xban nak ninye resil li colba-ib e̱re la̱ex li ma̱cuaꞌex aj judío.

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

Filemón 1:19

La̱in laj Pablo. Ut riqꞌuin cuukꞌ yo̱quin chixtzꞌi̱banquil li a̱tin aꞌin. La̱in tintojok re cha̱cuu. Ut la̱in naru raj tinye a̱cue nak kꞌaxal cuiꞌchic cuan la̱ cꞌas chicuu. La̱at cuan la̱ yuꞌam chi junelic xban nak la̱in xinchꞌolob xya̱lal cha̱cuu.