2 Corintios 1:7 - Li Santil hu

⁷ La̱o nakanau nak cau e̱chꞌo̱l saꞌ le̱ pa̱ba̱l. Nakanau nak te̱cꞌul li raylal joꞌ yo̱co chixcꞌulbal la̱o. Abanan nakanau ajcuiꞌ nak ta̱cꞌojoba̱k e̱chꞌo̱l nak yo̱kex chixcꞌulbal li raylal joꞌ nak nacꞌojoba̱c kachꞌo̱l la̱o.

Q'eqchi Bible

⁷ K'ojk'o chi kaw li qoyb'enihom cherix laa'ex ut naqanaw naq, wi yookex chi tz'aqonk sa' li qarahilal anaqwan, taak'ojob'aaq ajwi' leech'ool jo' naqak'ul laa'o.

2 Corintios 1:7 ပူးပေါင်းရင်းမြစ်များ

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

2 Timoteo 2:12

Cui takacuy xnumsinquil li raylal, ta̱qꞌuehekꞌ ajcuiꞌ kacuanquil xban li Dios kochben li Cristo. Ut cui la̱o nakatzꞌekta̱na, aꞌan toxtzꞌekta̱na ajcuiꞌ la̱o.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

2 Corintios 7:9

Anakcuan nasahoꞌ saꞌ inchꞌo̱l. Moco xban ta nak xrahoꞌ e̱chꞌo̱l inban. Riqꞌuin ban nak xyotꞌeꞌ e̱chꞌo̱l ut xejal e̱cꞌaꞌux. Xecuy li raylal aꞌan joꞌ naraj li Dios. Anakcuan nequetau ru nak moco ra ta xkaba̱nu e̱re.

2 Corintios 1:14

Cuan tana li xetau ru ut cuan tana incꞌaꞌ. Abanan nacuaj nak te̱tau ru chi tzꞌakal nak la̱in x-apóstol li Jesucristo re nak sahak saꞌ e̱chꞌo̱l cuiqꞌuin nak tol-e̱lk li Jesucristo ut sahak ajcuiꞌ inchꞌo̱l la̱in e̱riqꞌuin la̱ex.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

San Mateo 23:30

Ut la̱ex nequeye: “Cui ta la̱o ac cuanco chak saꞌ li cutan nak xeꞌcuan li kaxeꞌ kato̱n, incꞌaꞌ raj xkaba̱nu joꞌ queꞌxba̱nu eb aꞌan. Incꞌaꞌ raj xkacamsiheb li profetas,” chanquex.

2 Timoteo 3:11

Ac xaqꞌue retal chanru nak xincuy xnumsinquil li ra xi̱cꞌ ut li raylal li xincꞌul xban xyebal resil li evangelio aran saꞌ eb li tenamit Antioquía, Iconio ut Listra. Chixjunil li raylal quilajincuy xnumsinquil ut li Ka̱cuaꞌ xcoloc cue chiruheb chixjunil li raylal aꞌan.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.