2 Corintios 1:23 - Li Santil hu

²³ La̱in incꞌaꞌ xcuaj e̱kꞌusbal. Joꞌcan nak incꞌaꞌ xco̱in e̱riqꞌuin aran Corinto. Li Dios naxnau nak ya̱l li yo̱quin chixyebal.

Q'eqchi Bible

²³ Li Yos nach'olob'ank li yaal chiwix: eeraab'al we naq toj maji' xinwulak Korinto. Li Yos naxnaw ut chinxk'ehaq chi kamk wi ink'a' ninye li yaal!

2 Corintios 1:23 ပူးပေါင်းရင်းမြစ်များ

Gálatas 1:20

Li Dios naxnau nak tzꞌakal ya̱l li cꞌaꞌru yo̱quin chixtzꞌi̱banquil saꞌ li hu aꞌin.

1 Corintios 4:21

La̱in ninpatzꞌ e̱re cꞌaꞌru te̱raj. ¿Ma te̱raj nak texinkꞌus chi cau nak tincuulak e̱riqꞌuin? ¿Malaj ut te̱yi̱b le̱ yuꞌam re nak tincuulak riqꞌuin rahoc ut tu̱lanil?

2 Corintios 13:10

Joꞌcan nak yo̱quin chixtzꞌi̱banquil li hu aꞌin e̱riqꞌuin nak toj ma̱jiꞌ ninxic e̱riqꞌuin. Nak cua̱nkin cuiꞌchic saꞌ e̱ya̱nk la̱in incꞌaꞌ nacuaj texinkꞌus chi cau usta cuan incuanquil re e̱kꞌusbal. Li Ka̱cuaꞌ incꞌaꞌ quixqꞌue lin cuanquil re e̱sachbal. Re ban e̱tenkꞌanquil saꞌ le̱ pa̱ba̱l.

2 Corintios 13:2

Nak quincuulac xcaꞌ sut e̱riqꞌuin, quinqꞌueheb chak xnaꞌlebeb li yo̱queb chi ma̱cobc joꞌ ajcuiꞌ che̱junilex. Ut anakcuan ma̱ anihin saꞌ e̱ya̱nk ut tinchꞌolob cuiꞌchic xya̱lal che̱ru. Nak tincuulak cuiꞌchic e̱riqꞌuin, la̱in tebinkꞌus chi cau li ani incꞌaꞌ us yo̱queb chixba̱nunquil. Incꞌaꞌ chic teꞌcuil xtokꞌoba̱l ru.

Romanos 1:9

Nincꞌanjelac chiru li Dios ut chi anchal inchꞌo̱l ninye resil li Ka̱cuaꞌ Jesucristo li Ralal li Dios. Li Dios naxnau nak junelic yo̱quin chi tijoc che̱rix.

Filipenses 1:8

Li Dios naxnau nak cꞌajoꞌ nequexinra. Ut li rahoc aꞌin, aꞌan qꞌuebil cue xban li Cristo.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

1 Timoteo 1:20

Saꞌ xya̱nkeb aꞌan cuan laj Himeneo ut laj Alejandro. Ac xinkꞌaxtesiheb saꞌ rukꞌ laj tza re xcꞌajtesinquileb ru re nak incꞌaꞌ chic teꞌxmajecua li Dios.

1 Ts 2:5

La̱ex nequenau nak ma̱ jun cua xoa̱tinac e̱riqꞌuin yal re e̱kꞌunbesinquil. Li Dios naxnau nak la̱o incꞌaꞌ xoa̱tinac e̱riqꞌuin yal xban nak cuan li cꞌaꞌru nakaj.

2 Corintios 11:31

Li Acuabej Dios, lix Yucuaꞌ li Ka̱cuaꞌ Jesucristo naxnau nak incꞌaꞌ ninticꞌtiꞌic. Lokꞌoninbil taxak li Dios chi junelic kꞌe cutan.

2 Corintios 11:11

¿Cꞌaꞌru xya̱lal aꞌin? ¿Ma naraj ta biꞌ naxye nak incꞌaꞌ nequexinra? Li Dios naxnau nak nequexinra.

2 Corintios 10:2

Joꞌcan nak incꞌaꞌ nacuaj a̱tinac chi cau. Usan cui nak tincuulak e̱riqꞌuin incꞌaꞌ tento nak toj tina̱tinak e̱riqꞌuin chi cau. La̱in naru ajcuiꞌ nequebinsume li nequeꞌa̱tinac chicuix ut nequeꞌxye nak li cꞌaꞌru yo̱quin chixba̱nunquil, aꞌan yal xnaꞌleb cui̱nk.

2 Corintios 1:18

Li Dios naxnau nak incꞌaꞌ yo̱quin chixyebal e̱re us cui nacuecꞌa nak incꞌaꞌ ta̱ru̱k tinba̱nu.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

Romanos 9:1

Yo̱quin chixyebal lix ya̱lal xban nak ninpa̱b li Jesucristo. Incꞌaꞌ ninticꞌtiꞌic. Nacuecꞌa saꞌ lin chꞌo̱l nak ya̱l li ninye ut li Santil Musikꞌej nacꞌutuc chicuu nak ya̱l.

Hechos 18:1

Nak ac xcꞌulman aꞌin, laj Pablo qui-el Atenas. Ut co̱ Corinto.

Hechos 18:8

Laj Crispo, li nacꞌamoc be saꞌ li cab li nequeꞌxchꞌutub cuiꞌ ribeb, quixpa̱b Li Ka̱cuaꞌ rochbeneb li cuanqueb saꞌ li rochoch. Nabaleb aj Corinto queꞌpa̱ban nak queꞌrabi resil li colba-ib. Ut queꞌcubsi̱c xhaꞌeb.

2 Corintios 1:1

La̱in laj Pablo. Sicꞌbil cuu xban li Dios chokꞌ x-apóstol li Jesucristo xban nak joꞌcan quiraj li Dios. Cuochben laj Timoteo li kech aj pa̱banelil. Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto ut reheb ajcuiꞌ chixjunileb laj pa̱banel li cuanqueb saꞌ chixjunil li naꞌajej Acaya.

2 Corintios 6:6

Riqꞌuin aꞌin nequenau nak la̱o aj cꞌanjelo chiru li Dios. Saꞌ ti̱quilal yo̱co chixba̱nunquil. Nakanau lix ya̱lal. Nabal li raylal nakacuy ut cuanco saꞌ usilal. Li Santil Musikꞌej cuan kiqꞌuin ut chi anchal kachꞌo̱l nocorahoc.

2 Corintios 11:10

Xban nak li Cristo cuan cuiqꞌuin, joꞌcan nak ninye li ya̱l ut saꞌ chixjunil li naꞌajej Acaya, chixjunileb teꞌnaꞌok re nak incꞌaꞌ xinqꞌue saꞌ e̱be̱n intenkꞌanquil.