2 Corintios 1:14 - Li Santil hu

¹⁴ Cuan tana li xetau ru ut cuan tana incꞌaꞌ. Abanan nacuaj nak te̱tau ru chi tzꞌakal nak la̱in x-apóstol li Jesucristo re nak sahak saꞌ e̱chꞌo̱l cuiqꞌuin nak tol-e̱lk li Jesucristo ut sahak ajcuiꞌ inchꞌo̱l la̱in e̱riqꞌuin la̱ex.

Q'eqchi Bible

¹⁴ naq laa'ex li ak xetaw ru xyaalal chiqix, teetaw ru chi us naq laa'o leeloq'al, jo' naq laa'exaq li qaloq'al sa' xkutankil li Qaawa' Jesus.

2 Corintios 1:14 ပူးပေါင်းရင်းမြစ်များ

Filipenses 2:16

Cui joꞌcan yo̱kex, cꞌajoꞌ nak ta̱sahokꞌ saꞌ inchꞌo̱l e̱riqꞌuin nak tol-e̱lk cuiꞌchic li Jesucristo. Ta̱sahokꞌ inchꞌo̱l xban nak tinnau nak cuan rajbal chixjunil li xinba̱nu nak xincꞌanjelac saꞌ e̱ya̱nk.

1 Corintios 1:8

Li Dios yo̱k chixqꞌuebal xcacuub le̱ chꞌo̱l chalen toj saꞌ rosoꞌjic li cutan re nak ma̱cꞌaꞌak e̱ma̱c saꞌ li cutan nak tol-e̱lk li Ka̱cuaꞌ Jesucristo.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

Filipenses 4:1

Ex inherma̱n, raro̱quex inban, nacuaj rilbal e̱ru. Cꞌajoꞌ nasahoꞌ inchꞌo̱l e̱ban. Nincꞌoxla nak la̱ex joꞌ jun inkꞌajca̱munquil riqꞌuin li cꞌanjel xinba̱nu saꞌ e̱ya̱nk. Junelic taxak cauhak e̱chꞌo̱l saꞌ le̱ pa̱ba̱l.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

2 Corintios 5:12

Incꞌaꞌ yo̱quin chixyebal aꞌin e̱re re xnimobresinquil cuib. Yo̱quin ban chixqꞌuebal e̱naꞌleb re nak ta̱sahokꞌ e̱chꞌo̱l cuiqꞌuin ut re nak te̱nau xsumenquil li yo̱queb chixnimobresinquil rib riqꞌuin lix yehom xba̱nuhomeb ut incꞌaꞌ nequeꞌxqꞌue xcuanquil li ti̱quil chꞌo̱lej.

2 Corintios 2:5

Li ani quixqꞌue xrahil inchꞌo̱l xban li incꞌaꞌ us quixba̱nu, moco caꞌaj cuiꞌ la̱in ta quixqꞌue xrahil inchꞌo̱l. Quixqꞌue aj ban cuiꞌ xrahil e̱chꞌo̱l la̱ex. Aban ma̱re cuan ajcuiꞌ incꞌaꞌ quirahoꞌ xchꞌo̱l xban. Abanan ninnau nak cuan ajcuiꞌ queꞌrahoꞌ xchꞌo̱l xban. Incꞌaꞌ nacuaj xkꞌusbal chi kꞌaxal cau.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

1 Corintios 15:31

Ex inherma̱n, relic chi ya̱l ninye e̱re nak rajlal cutan cuan li nequeꞌraj incamsinquil xban nak ninye resil li colba-ib. Abanan nasahoꞌ saꞌ inchꞌo̱l xban nak xepa̱b li Cristo.

1 Corintios 11:18

Li xbe̱n tinye e̱re, aꞌan aꞌin: xcuabi resil nak incꞌaꞌ junaj le̱ chꞌo̱l ut junes xcuechꞌinquil e̱rib nequeba̱nu nak nequechꞌutub e̱rib chi lokꞌoni̱nc re xjulticanquil lix camic li Jesucristo. Ut la̱in nincꞌoxla nak ma̱re ya̱l ajcuiꞌ li cꞌaꞌru xcuabi.

Filipenses 1:26

Nincꞌoxla nak tincuulak cuiꞌchic e̱riqꞌuin ut nak te̱ril cuiꞌchic cuu, ta̱sahokꞌ saꞌ le̱ chꞌo̱l saꞌ xcꞌabaꞌ li Jesucristo.

2 Corintios 9:2

Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.