2 Corintios 1:12 - Li Santil hu

¹² Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Q'eqchi Bible

¹² A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

2 Corintios 1:12 ပူးပေါင်းရင်းမြစ်များ

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Hebreos 13:18

Ex herma̱n, tintzꞌa̱ma che̱ru nak chextijok chikix la̱o. Nakecꞌa nak ti̱c kachꞌo̱l ut nakaj nak junelic cua̱nko saꞌ ti̱quilal.

2 Corintios 8:8

La̱in incꞌaꞌ yo̱quin xminbal e̱ru. Yo̱quin ban chixyebal e̱re chanru nak eb laj Macedonia nequeꞌxqꞌue xmayej chi anchaleb xchꞌo̱l ut nacuaj ajcuiꞌ xnaubal ma chi anchal e̱chꞌo̱l nequexrahoc la̱ex.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

Hechos 23:1

Laj Pablo quixcaꞌyaheb li nequeꞌtaklan saꞌ xbe̱neb laj judío ut quixye reheb: —Ex cuech tenamitil, la̱in cꞌojcꞌo inchꞌo̱l riqꞌuin li xinba̱nu chiru li Dios chalen toj saꞌ li cutan anakcuan, chan.

Li xHu LAJ JOB 13:15

Usta tinixcamsi, abanan cauhak inchꞌo̱l riqꞌuin. Tina̱tinak riqꞌuin re xcolbal cuib.

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

1 Timoteo 1:5

At Timoteo, lix ya̱lal li cꞌaꞌru yo̱quin chixyebal a̱cue, aꞌan aꞌin. Xcanabakeb li balakꞌi̱nc. Cheꞌxqꞌue ban xchꞌo̱l chixra̱baleb li rech aj pa̱banelil. Ut teꞌxraheb cui teꞌcua̱nk saꞌ ti̱quilal chi ma̱cꞌaꞌak li cꞌaꞌak re ru nachꞌiꞌchꞌiꞌin reheb saꞌ xcꞌaꞌuxeb ut cui teꞌpa̱ba̱nk chi anchaleb xchꞌo̱l.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.

Efesios 6:14

Xakxo̱kex biꞌ chi cau. Aꞌan aꞌin li ta̱cꞌanjelak che̱ru re xcolbal e̱rib chiru laj tza. Li ya̱l ta̱cꞌanjelak joꞌ xcꞌa̱mal e̱saꞌ ut li ti̱quil chꞌo̱lej ta̱cꞌanjelak joꞌ li chꞌi̱chꞌ naramoc re le̱ chꞌo̱l.

Gálatas 6:4

Li junju̱nk chixqꞌuehak retal li cꞌaꞌru naxba̱nu. Cui us li naxba̱nu, chisahokꞌ xchꞌo̱l riqꞌuin li cꞌaꞌru naxba̱nu ut incꞌaꞌ ta̱cꞌoxlak chirix li naxba̱nu li jun chic.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

2 Corintios 1:17

¿Cꞌaꞌru nequecꞌoxla chirix aꞌin? ¿Ma incꞌaꞌ ta biꞌ nincꞌoxla chi us li cꞌaꞌru ninye? ¿Ma yal xcab rix inchꞌo̱l ta biꞌ li cꞌaꞌru yo̱quin chixba̱nunquil? ¿Ma ho̱n ta biꞌ ninye us ut junpa̱t chic tinye incꞌaꞌ joꞌ nequeꞌxba̱nu li ma̱jiꞌ nequeꞌxpa̱b li Cristo?

1 Corintios 5:8

Joꞌcan nak chikacanabak li najter naꞌleb li naqꞌuehoc ke chi ma̱cobc. Li najter naꞌleb aꞌan chanchan lix chꞌamal li caxlan cua. Ut la̱o chanchanako li xkꞌemal li caxlan cua ma̱cꞌaꞌ xchꞌamal. Naraj naxye nak ti̱cak chic li kachꞌo̱l ut tzꞌakal re ru li kayuꞌam.

1 Corintios 4:4

La̱in nacuecꞌa nak ma̱cꞌaꞌ inma̱c. Abanan moco xban ta aꞌan nak tinye nak ti̱c inchꞌo̱l. Aꞌ li ta̱rakok a̱tin saꞌ inbe̱n aꞌan li Ka̱cuaꞌ, ut aꞌan ta̱yehok re ma us xinba̱nu malaj incꞌaꞌ.

Romanos 9:1

Yo̱quin chixyebal lix ya̱lal xban nak ninpa̱b li Jesucristo. Incꞌaꞌ ninticꞌtiꞌic. Nacuecꞌa saꞌ lin chꞌo̱l nak ya̱l li ninye ut li Santil Musikꞌej nacꞌutuc chicuu nak ya̱l.

Isaías 38:3

—At Ka̱cuaꞌ, at inDios, la̱in nintzꞌa̱ma cha̱cuu, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut saꞌ ti̱quilal. Xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Josué 24:14

Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

1 Corintios 1:17

Li Cristo incꞌaꞌ quinixtakla chak chi cubsi̱nc haꞌ. Quinixtakla ban chak chixjulticanquil resil li colba-ib. Abanan ma̱cuaꞌ riqꞌuin a̱tin chꞌaꞌaj xtaubal ru xya̱lal quina̱tinac. Cui ta riqꞌuin a̱tin chꞌaꞌaj xtaubal ru quina̱tinac, cuan raj incꞌaꞌ queꞌtaꞌoc ru ut ta̱cana̱k raj chi ma̱cꞌaꞌ rajbal xcamic li Cristo chiruheb.

1 Corintios 12:8

Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

2 Samuel 22:22

La̱in xinba̱nu li cꞌaꞌru naxye saꞌ lix chakꞌrab. Ut incꞌaꞌ xintzꞌekta̱na li Ka̱cuaꞌ.