1 Ts 5:9 - Li Santil hu

⁹ Li Dios incꞌaꞌ quixsicꞌ ku re nak toxqꞌue chixtojbal rix li kama̱c. Quixsicꞌ ban ku re tocolekꞌ saꞌ xcꞌabaꞌ li Ka̱cuaꞌ Jesucristo.

Q'eqchi Bible

⁹ Li Yos ink'a' xooxk'e cho'q re li tojb'amaak, chi xtawb'al b'an li kolb'a ib' sa' xk'ab'a' li Jesukriist li Qaawa':

1 Ts 5:9 ပူးပေါင်းရင်းမြစ်များ

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

1 Pedro 2:10

Junxil ma̱cuaꞌex ralal xcꞌajol li Dios. Aban anakcuan la̱ex chic ralal xcꞌajol. Junxil incꞌaꞌ nequenau lix nimal ruxta̱n li Dios. Aban anakcuan nequenau chic.

2 Timoteo 2:10

Joꞌcan nak nincuy xnumsinquil chixjunil li raylal li nincꞌul saꞌ xcꞌabaꞌeb li sicꞌbileb ru xban li Dios re nak eb aꞌan naru teꞌxtau li lokꞌlaj colba-ib li naxqꞌue li Jesucristo ut teꞌxtau ajcuiꞌ lix lokꞌal chi junelic.

Hechos 13:48

Nak queꞌrabi li cꞌaꞌru quixye laj Pablo, li ma̱cuaꞌeb aj judío queꞌsahoꞌ saꞌ xchꞌo̱leb ut queꞌxqꞌue xcuanquil li ra̱tin li Dios. Queꞌpa̱ban li joꞌ qꞌuial li quixye li Dios nak ta̱cua̱nk xyuꞌameb chi junelic.

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

1 Timoteo 1:16

Usta la̱in kꞌaxalin aj ma̱c nak quincuan, abanan li Jesucristo quiruxta̱na cuu re nak tixcꞌutbesi nak kꞌaxal nim lix cuyum re xcuybal xsachbal li ma̱c. Quixcꞌut chiruheb lix nimal lix cuyum nak quixcuy inma̱c la̱in. Aꞌan quiraj nak la̱in tincꞌamok be chiruheb li ani teꞌpa̱ba̱nk re li Jesucristo ut teꞌxcꞌul li junelic yuꞌam.

1 Ts 3:3

Incꞌaꞌ nakaj nak ta̱chꞌina̱k e̱chꞌo̱l xban li raylal aꞌin. La̱ex nequenau nak takacꞌul li raylal.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

Romanos 11:7

Nakaqꞌue retal nak moco chixjunileb ta laj Israel queꞌxtau rusilal li Dios li yo̱queb chixsicꞌbal. Caꞌaj cuiꞌ li sicꞌbileb ru queꞌxtau, usta moco qꞌui eb ta. Ut li jun chꞌol chic queꞌcacuubresi̱c lix chꞌo̱leb ut incꞌaꞌ queꞌxba̱nu li quiraj li Dios.

Hechos 1:25

Aꞌan tixcꞌul xcuanquil chi cꞌanjelac chokꞌ apóstol. Tixba̱nu li cꞌanjel li quixtzꞌekta̱na laj Judas xban li incꞌaꞌ us quixba̱nu. Laj Judas co̱ saꞌ li naꞌajej chixtojbal xma̱c bar xcꞌulub cuiꞌ xic, chanqueb.

Hechos 1:20

Quicꞌulman chi joꞌcan xban nak saꞌ li hu Salmos tzꞌi̱banbil retalil li naxye chi joꞌcaꞌin: Chicana̱k ta lix naꞌaj chi ma̱cꞌaꞌ chic cuan chiru. Ut ma̱ ani ta chic chicua̱nk saꞌ lix muheba̱l. (Sal. 69:5) Ut naxye ajcuiꞌ: Jalan ta chic chiqꞌuehekꞌ chokꞌ re̱kaj saꞌ lix cꞌanjel. (Sal. 109:8)

Romanos 11:30

Ut la̱ex, li ma̱cuaꞌex aj judío, la̱ex aj kꞌetol ra̱tin li Dios nak quexcuan chak. Ut eb laj judío queꞌxkꞌet ajcuiꞌ chak ra̱tin li Dios. Joꞌcan nak la̱ex chic x-uxta̱na̱c e̱ru xban li Dios.

San Mateo 26:24

Relic chi ya̱l la̱in li Cꞌajolbej tincamsi̱k joꞌ tzꞌi̱banbil retalil chicuix saꞌ li Santil Hu. Abanan raylal cuan saꞌ xbe̱n li cui̱nk aꞌan li ta̱kꞌaxtesi̱nk cue. Kꞌaxal us raj chokꞌ re li cui̱nk aꞌan nak incꞌaꞌ raj quiyoꞌla, chan li Jesús.

Li xHu LAJ JOB 23:14

Aꞌan tixba̱nu cuiqꞌuin li cꞌaꞌru naraj. Ut cuan chic nabal cꞌaꞌak re ru tixba̱nu cui joꞌcan naraj aꞌan.