1 Ts 5:8 - Li Santil hu

⁸ Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.

Q'eqchi Bible

⁸ A'ut laa'o li reho li kutan wanqo chi aj'ajaq qu, qatiqib'aq qib' rik'in li koleb' ch'iich' nak'ehe'k xb'aan li paab'aal ut li rahok; ut li qakolb'al li yooko chi royb'eninkil, a'an chik'anjelaq qe jo' ruuchil li punit ch'iich'.

1 Ts 5:8 ပူးပေါင်းရင်းမြစ်များ

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

Efesios 6:11

Joꞌcan ut chetikibak e̱rib riqꞌuin chixjunil lix cꞌanjeleba̱l li Dios re nak xakxo̱kex chi tzꞌakal ut yo̱kex chixcolbal e̱rib chiru laj tza nak yo̱k che̱balakꞌinquil.

Isaías 59:17

Li ti̱quilal quicꞌanjelac chiru joꞌ jun li chꞌi̱chꞌ re xcolbal re xchꞌo̱l. Ut li colba-ib quicꞌanjelac chiru joꞌ lix punit chꞌi̱chꞌ. Ut li tojba ma̱c quicꞌanjelac chiru joꞌ li rakꞌ. Ut lix joskꞌil quicꞌanjelac chiru joꞌ li tꞌicr re xlanbal rib.

Hebreos 6:19

Nakayoꞌoni nak takacꞌul li junelic yuꞌam. Aꞌan naxqꞌue xcacuil li kachꞌo̱l joꞌ nak li ancla naxchap li jucub chiru li haꞌ. Cau rib ut incꞌaꞌ na-ecꞌan saꞌ xnaꞌaj. Xban nak nakapa̱b li Jesucristo, cuanco chi sum a̱tin riqꞌuin li Dios.

1 Corintios 13:13

Joꞌcan nak li pa̱ba̱l, li yoꞌoni̱nc ut li rahoc cua̱nk chi junelic. Abanan li kꞌaxal nim xcuanquil saꞌ xya̱nkeb li oxib aꞌin, aꞌan li rahoc.

1 Ts 5:5

La̱o aj pa̱banel moco cuanco ta chic saꞌ kꞌojyi̱n. Cuanco ban chikajunilo saꞌ cutan saken ut nakanau chic lix ya̱lal xban nak reho chic li Cristo.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

2 Corintios 6:7

Nakachꞌolob lix ya̱lal che̱ru. Chixjunil li nakaba̱nu, nakaba̱nu riqꞌuin lix cuanquil li Dios. Junak li soldado cuan xchꞌi̱chꞌ re pletic saꞌ lix nim ukꞌ ut cuan xchꞌi̱chꞌ saꞌ lix tzꞌe re xcolbal rib. Ut li kachꞌi̱chꞌ la̱o, aꞌan xti̱quilal li kachꞌo̱l.

Lamentaciones 3:26

Kꞌaxal us nak junak ta̱roybeni nak ta̱tenkꞌa̱k xban li Ka̱cuaꞌ. Ut incꞌaꞌ yo̱k chixcuechꞌinquil li cꞌaꞌru naxba̱nu.

Efesios 6:23

Aꞌ taxak li tuktu̱quil usilal li naxqꞌue li Acuabej Dios ut li naxqꞌue li Ka̱cuaꞌ Jesucristo chicua̱nk e̱riqꞌuin la̱ex che̱junilex aj pa̱banel. Ut chicua̱nk taxak e̱riqꞌuin li rahoc ib ut lix cacuilal e̱chꞌo̱l saꞌ le̱ pa̱ba̱l.

Gálatas 5:5

Abanan la̱o yo̱co chiroybeninquil lix ti̱cobresinquil kachꞌo̱l chiru li Dios riqꞌuin xpa̱banquil li Cristo xban nak joꞌcan quicꞌutbesi̱c chiku xban li Santil Musikꞌej.

Salmos 43:5

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios ut la̱at aj Colol cue.

Salmos 42:11

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic, xban nak la̱at lin Dios ut la̱at aj Colol cue.—

Salmos 42:5

¿Cꞌaꞌut nak ta̱rahokꞌ saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic xban nak la̱at lin Dios, ut la̱at aj Colol cue.

2 Ts 2:16

Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc.