1 Ts 5:7 - Li Santil hu

⁷ Eb li nequeꞌcuar, chi kꞌek nequeꞌcuar ut eb li nequeꞌcala, chi kꞌek nequeꞌcala.

Q'eqchi Bible

⁷ Xb'aan naq eb' li neke'wark, chi q'eq neke'wark; ut eb' li neke'kalaak, chi q'eq neke'kalaak.

1 Ts 5:7 ပူးပေါင်းရင်းမြစ်များ

2 Pedro 2:13

Chi joꞌcan teꞌxcꞌul xkꞌajca̱munquil lix ma̱usilaleb queꞌxba̱nu. Eb laj tzolonel aj balakꞌ junelic saheb saꞌ xchꞌo̱l chixba̱nunquil li incꞌaꞌ us, usta chi cutan. Xuta̱nal chokꞌ e̱re nak cuanqueb saꞌ e̱ya̱nk xban nak nequeꞌcuulac chi cuaꞌac saꞌ le̱ ninkꞌe. Eb aꞌan junes ma̱cobc nequeꞌxcꞌoxla.

Romanos 13:13

Xban nak cuanco chic saꞌ xcutan saken li Jesucristo, chocua̱nk saꞌ xya̱lal joꞌ junak tzꞌakal aj pa̱banel. Incꞌaꞌ chic toma̱cobk riqꞌuin li cala̱c, chi moco riqꞌuin li numcuaꞌac num ucꞌac, chi moco riqꞌuin muxuc caxa̱r, chi moco riqꞌuin coꞌbe̱tac yumbe̱tac, chi moco riqꞌuin li cꞌaꞌak chic re ru chi ma̱usilalil. Ut incꞌaꞌ chic topletik chi moco tocakcali̱nk.

1 Corintios 15:34

Checꞌoxla chi us li yo̱quex chixba̱nunquil ut mexma̱cob chic. Cuanqueb saꞌ e̱ya̱nk li toj ma̱jiꞌ nequeꞌxpa̱b li Dios. Re xcꞌutbal e̱xuta̱n nak ninye e̱re chi joꞌcaꞌin.

Hechos 2:15

Li joꞌ qꞌuialeb li cuanqueb arin moco teꞌcala̱k ta joꞌ yo̱quex chixcꞌoxlanquil la̱ex. Anakcuan tojeꞌ bele̱b o̱r re li cutan cuanco.

Efesios 5:14

Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

Li xHu LAJ JOB 33:15

Cuan nak li Dios nara̱tinaheb li cristian saꞌ lix matqꞌueb malaj ut saꞌ visión chi kꞌek nak yo̱queb chi cua̱rc.

Li xHu LAJ JOB 4:13

Chi kꞌek nak ac yo̱queb chi cua̱rc chixjunileb li cristian, quinmatqꞌue jun li matcꞌ kꞌaxal xiu xiu.

San Juan 2:10

—Chixjunileb li nequeꞌninkꞌei̱c xbe̱n cua nequeꞌxjecꞌ li cha̱bil vino. Ut nak ac xeꞌucꞌac chi nabal li ulaꞌ, nequeꞌxjecꞌ li incꞌaꞌ mas cha̱bil. Abanan la̱at xacꞌu̱la li cha̱bil vino ut toj anakcuan xacuisi chak, chan re.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.